သေနတ်ပစ်ဖောက်သူနှစ်ဦး အဖမ်းခံရ

August 2nd, 2010

ဂျူရီချိုင်း။ ။ကရင်ပြည်နယ် မြဝတီမြို့ပေါ်တွင် သေနတ်ပစ်ဖောက်သူ အပစ်ရပ်တပ်သားနှစ်ဦးကို သက်ဆိုင်ရာရဲတို့က ဖမ်းဆီး ချုပ်နှောင်ထားလိုက်သည်။

အဆိုပါ ပစ်ဖောက်သူနှစ်ဦးမှာ ဒီကေဘီအေက တပ်သားတစ်ဦးနှင့် နိုင်အောင်ဦးဆောင်သည့် မွန်ငြိမ်းချမ်းရေးနှင့် ကာကွယ်ရေးတပ်မှာ တပ်သားတစ်ဦးဖြစ်သည်။

ဖြစ်စဉ်မှာ မြဝတီမျြိ့ပေါ်ရှိ စားသောက်ဆိုင်တစ်ဆိုင်၌ ထိုတပ်သားနှစ်ဦးတို့က ယမန်နေ့ည ၉ နာရီ ၁၅ မိနစ်ခန့်တွင် ပစ္စတိုသေနတ် စမ်းသပ်ပစ်ခတ်မှုကြောင့် အနီအနားရှိ လူများ ရုတ်ရုတ်သဲသဲဖြစ်သွားပြီး ရဲများ လာရောက်ဖမ်းဆီးခေါ်ဆောင်သွားသည်ဟု မြို့ခံများက ပြောသည်။

“ရန်ဖြစ်ကြတာတော့မဟုတ်ဘူး၊ အရက်မူးပြီးတော့ တစ်ယောက်ကို နှစ်ချက် တစ်လှည့်စီ မိုးပေါ်ထောင်ပစ်ကြတယ်၊ အားလုံး ၈ ချက်လောက်တော့ ပစ်ကြတယ်” ဟု အမည်မဖေါ်လိုသူ မြဝတီရှိ မွန်ကုန်သည်တစ်ဦးက ပြောသည်။

၎င်းဖြစ်ပွားမှုသည် မြဝတီမြို့ပေါ်ရှိ မိကျောင်းကုန်းရပ်ကွက်၊ ဝေဘာဂီလမ်းရှိ စားသောက်ဆိုင် တစ်ဆိုင်၌ ဖြစ်ပွားခဲ့သည်။

ထိုသူနှစ်ဦးမှာ မြဝတီမြို့၌ စီးပွားရေးရုံးဖွင့်ခွင့်ရရှိထားသော နိုင်အောင်နိုင် ဦးစီးသည့် မွန်ငြိမ်းချမ်းရေးနှင့် ကာကွယ်ရေးတပ်ဖွဲ့ဝင် ညီညီဆိုသူနှင့် ဒီကေဘီအေ တပ်ရင်း ၉၀၁ မှတပ်သားများဖြစ်ပြီး လက်ရှိမှာ မြဝတီမြို့ရှိ အချုပ်ခန်းတွင် ထိန်းသိမ်းထားသည်ဟု ၄င်းက ပြောသည်။

“လက်နက်အရောင်းအဝယ်လုပ်ဖို့လား၊ ဝယ်လာတာလားတော့မသိဘူး၊ သေနတ်ကောင်းမကောင်း စမ်းကြည့်တာပဲ၊ သေနတ်ကိုတော့ ရဲကသိမ်းလိုက်တယ်၊ အခု နှစ်ယောက်စလုံးအချုပ်ထဲမှာပဲ” ဟု မွန်ငြိမ်းချမ်းရေးနှင့် ကာကွယ်ရေးတပ်မှ ညီညီနှင့် ရင်းနှီးသူ မြဝတီမြို့ခံတစ်ဦးက ပြောသည်။

နိုင်အောင်နိုင် ဦးဆောင်သည့် မွန်ငြိမ်ချမ်းရေးနှင့် ကာကွယ်ရေးတပ်သည် မြဝတီမြို့ပေါ်၌ စီးပွားရေးရုံးဖွင့်လှစ်ထားပြီး ပြည်တွင်းသို့ ကုန်ပစ္စည်းများ အတင်အချပြုလုပ်နေပြီး၊ ထိုင်းနိုင်ငံမှာ လိုင်စင်မဲ့မော်တော်ကားများ တင်သွင်းခြင်းအစရှိသည့် စီးပွားရေးလုပ်ငန်းများ လုပ်ကိုင်နေကြောင်း သိရသည်။
Leave a Reply

ပြည်သူ့စစ် မလုပ်လို၍ ရွာသားရာကျော် ရွာမှ တိမ်းရှောင်

August 2nd, 2010

လွတ်လပ်သော မွန်သတင်းအေဂျင်စီ။ ။ပြည်သူ့စစ် မလုပ်မနေရ အတင်းအဓမ္မ ခိုင်းစေမှုကြောင့် တနင်္သာရီတိုင်း ရေဖြူမြို့နယ် ကလိန်အောင်မြို့နယ်ခွဲ ပေါက်ပင်ကွင်းရွာမှ ရွာသားရာကျော် ရွာမှ တိမ်းရှောင်ထွက်ပြေးသွားကြသည်ဟု ရွာသားများက ပြောသည်။

လွန်ခဲ့သည့် ဇူလိုင်လ (၁၄) ရက်နေ့တွင် ကလိန်အောင်မြို့နယ် ရားဖူးအခြေစိုက် စစ်ဗျူဟာ (၃) ဗျူဟာမှူး ဒုဗိုလ်မှူးကြီး ဇော်လင်းနှင့် ခမရ (၂၈၂) နှင့် ခလရ (၂၇၃) တို့က အထက်ပါရွာသို့ ရောက်ရှိလာပြီး ကျေးရွာပြည်သူ့စစ် ဖွဲ့စည်းရန် ရွာသူ ရွာသားများအား တစ်အိမ်တစ်ယောက် ခေါ်ယူစုရုံးစေခဲ့သည်။

ရွာသားတစ်ဦးတစ်ယောက်မျှ ပြည်သူ့စစ် မလုပ်လိုသောကြောင့် အသက် (၁၈) နှစ်နှင့် အသက် (၅၀) နှစ်အကြား အမျိုးသားရှိသော အိမ်များမှ ရွာသား (၄၀) ကို အတင်းအဓမ္မ မဲနှိုက်စနစ်ဖြင့် ကောက်ယူခဲ့သည်။

မဲမနှိုက်ပါက ရွာမှ ပြောင်းရွှေ့ရမည်ဟုလည်း ညွှန်ကြားထားပြီး၊ ဒုလ္လဘရဟန်းများလည်း မဲနှိုက်ခဲ့ရသည်ဟု ထိုင်းနိုင်ငံသို့ ထွက်ပြေးတိမ်းရှောင်လာခဲ့သော ရွာသားတစ်ဦးက ပြောသည်။

“အိမ်မှာ ယောကျာ်း မရှိတဲ့ အမျိုးသမီးတွေ မဲပေါက်ရင် အဲဒီအမျိုးသမီးကို သူတို့က ဓါတ်ပုံတွေ ရိုက်သွားတယ်။ ဓါတ်ပုံရိုက်တာက သက်သေလုပ်တာပေါ့၊ ကိုယ်အမျိုးသားက တခြားမှာ အလုပ်လုပ်နေတယ်ဆိုရင် အမျိုးသားကို ပြန်ခေါ်ပေးရမယ်၊ ဘုန်းကြီးတွေလည်း မဲပေါက်ရင် လူဝတ်လဲရမယ်လို့ သူတို့က အကျပ်ကိုင်တယ်” ဟု အထက်ပါရွာသားက ပြောသည်။

မဲပေါက်သော်လည်း ပြည်သူ့စစ် မလုပ်လိုသောကြောင့် ရွာသူရွာသားများမှာ မွန်ပြည်နယ် ရေးမြို့နယ်ရှိ ကျေးရွာများနှင့် ထိုင်းနိုင်ငံအတွင်းသို့ ထွက်ပြေးတိမ်းရှောင်သွားကြရကြောင်း ရွာခံတစ်ဦးက ပြောသည်။

“မဲပေါက်တဲ့ လူတွေက ပြေးကြတယ်၊ မဲမပေါက်တဲ့ လူတွေလည်း သူတို့နဲ့ ပတ်သက်လာမှာကို ကြောက်ပြီး ပြေးကြတယ်၊ ယောကျာ်းတွေ ပြေးတော့ မိန်းမကလည်း လိုက်ပြေးတာပေါ့၊ အခု ရွာမှာဆို လူငယ်တွေ မရှိတော့ဘူး၊ လူကြီးပိုင်းတွေလောက်ပဲ ကျန်တော့တယ်” ဟု သူက ပြောသည်။

ပေါက်ပင်ကွင်းရွာပြင်ရှိ အိမ် (၁၀) လုံးကျော်ကိုလည်း လုံခြုံရေးကို အကြောင်းပြုပြီး ရွာတွင်းသို့ ပြောင်းရွှေ့စေခဲ့သည်။ ၎င်းပြင် ရွာပြင်ရှိ ဥယျာဉ်ခြံ၊ တောင်ယာနှင့် လယ်လုပ်ငန်းများ လုပ်ကိုင်လိုပါက ကျေးရွာဥက္ကဌ ထောက်ခံစာကို ယူကြရပြီး ထောက်ခံစာတစ်ပတ်အတွက် ငွေ (၂၀၀) ကျပ် ပေးရသည်ဟုလည်း အထက်ပါ ရွာသားက ပြောသည်။

ရွာသားများ ထွက်ပြေးတိမ်းရှောင်မှုကြောင့် ကျေးရွာပြည်သူ့စစ် ဖွဲ့ခိုင်းသည့် အစီအစဉ်ကို ခေတ္တရပ်နားထားကြောင်း သိရသည်။

စစ်အစိုးရနှင့် မွန်ပြည်သစ်ပါတီတို့ အပစ်အခတ် မရပ်စဲမီ ကာလက ပေါက်ပင်ကွင်းရွာတွင် အိမ်ခြေ (၅၀၀) ခန့် ရှိပြီး မွန်ပြည်သစ်ပါတီမှ ခွဲထွက်အဖွဲ့များက ၎င်းဒေသတဝိုက်တွင် လှုပ်ရှားခြင်းနှင့် စစ်အစိုးရတပ်များက ရွာကို မီးရှို့ခြင်း အပါအဝင် ညှင်းပန်းနှိပ်စက်မှုအမျိုးမျိုးကြောင့် အိုးအိမ်စွန့်ခွာကြပြီး ယခုအိမ်ခြေ (၃၀၀) ခန့်သာ ကျန်ရှိတော့သည်။

လွန်ခဲ့သည့် မတ်လတွင်လည်း စစ်အစိုးရတပ်၏ နှိပ်စက်မှုများကြောင့် ထိုဒေသတဝိုက်ရှိ ကျေးရွာများမှ ရွာသူရွာသား (၂၀၀) ကျော် အိုးအိမ်စွန့်ခွာကြပြီး မွန်ပြည်သစ်ပါတီထိန်းချုပ်နယ်မြေ ထားဝယ်ခရိုင်သို့ ရောက်ရှိလာကြကြောင်း မွန်ပြည် လူအခွင့်အရေး ဖောင်ဒေးရှင်းက ပြောသည်။
Leave a Reply

ကြံ့ဖွံ့ပါတီ မွန်ပါတီနဲ့ အတူတူဟု မြန်မာဗိုလ်ချူပ်မှ လိုက်လံစည်းရုံး

July 30th, 2010

နိုင်မာန်၊ ကျလွန်းထော။ ။ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) သည် မွန်ပါတီ (မွန်ဒေသလုံးဆိုင်ရာ ဒီမိုကရေစီပါတီ) နှင့် အတူတူဖြစ်သည်ဟု မွန်ပြည်နယ်အတွင်း ကြံ့ဖွံ့ပါတီဝင်များက လိုက်လံစည်းရုံးနေသည်။

ယခုလ ပထမအပတ်အတွင်း မွန်ပြည်နယ် မုဒုံမြို့သို့ ဗိုလ်ချုပ်အုန်းမြင့် စည်းရုံးရေးခရီးစဉ်တွင် ၄င်းတို့ပါတီသည် မွန်ပါတီနည်းတူ ဒီမိုကရေစီ အရေးကို ကြိုးပမ်းနေသည်ဟု ဗိုလ်ချုပ်အုန်းမြင့်က ပြောကြားခဲ့သည်။

“ကျနော်တို့ ပါတီက မွန်ပါတီနဲ့အတူတူပါပဲ၊ ဒီမိုကရေစီရရှိဖို့ ကြိုးပမ်းတာခြင်းအတူတူပါ၊ ဒါကြောင့် ကျနော်တို့ ပါတီကို မဲထည့်ပေးနိုင်ပါတယ်၊ တစ်ရွာဆိုရင် အနည်းဆုံး အယောက် ၅၀ ပဲ ယူမှာပါ၊ ကျန်တာတွေအားလုံးက မွန်ပါတီဘက်ထည့်နိုင်ပါတယ်” ဟု ဗိုလ်ချုပ်အုန်းမြင့်၏ ပြောဆိုမှုကို ကိုးကား၍ မုဒုံမြို့နယ်ရှိ ကြံ့ဖွံ့ပါတီဝင်တစ်ဦးက ပြောပါသည်။

မုဒုံမြို့နယ်နှင့် သံဖြူဇရပ်မြို့နယ်တို့တွင် ကြံ့ဖွံ့ပါတီဝင်များက စည်းရုံးရေးဆင်းခဲ့သော်လည်း အောင်မြင်မှုမရရှိသည့်အတွက် ဗိုလ်ချုပ်အုန်းမြင့်ကိုယ်တိုင် ဆင်းလာခဲ့ရသည်ဟု ၄င်းက ပြောသည်။

“ကျနော်တို့ စည်းရုံးတာ ပြည်သူတွေ စိတ်မဝင်စားကြဘူး၊ အခုလို ဗိုလ်ချုပ်အုန်းမြင့် ဆင်းလာပြီး ပြောကြားလိုက်တာ အောင်မြင်မှုရသွားတယ်” ဟု ၄င်းကြံ့ဖွံ့ပါတီဝင်က ဆက်ပြောသည်။

မုဒုံမြို့နယ်ရှိ ကျေးရွာများတွင် ကြံ့ဖွံ့ပါတီခေါင်းဆောင်အဖြစ် တစ်ရွာ ၅ ဦး ခန့်အပ်ထားပြီး ၄င်းပါတီခေါင်းဆောင်တစ်ဦးလျှင် ပါတီဝင် ၅၀ ဦး စည်းရုံးပေးရမည် ဖြစ်သည်။

အသင်းမှ ပါတီအဖြစ်သို့ ပြောင်းလိုက်ကြောင်း အသိအလင်းကြေညာထားပြီး မြို့နယ်၊ ကျေးရွာများတွင် ပါတီဝင်အင်အား မည်မျှ စုစည်းပေးရမည်ဟု တိုက်တွန်းနေသည်မှာ အမိန့်ဖြင့် ပါတီအင်အား စုဆောင်းသည်ဟု ပြည်ထောင်စုဒီမိုကရေစီပါတီ (UDP) ဥက္ကဌ ကိုဖြိုးမင်းသိန်းက ပြောသည်။

“နိုင်ငံရေးပါတီ (၄၀) ကျော်ရှိတာ၊ ဒီလိုအခွင့်အရေး ဘယ်သူမှမလုပ်ဘူး၊ ကြံ့ခိုင်ရေးပါတီက ဒီမိုကရေစီပါတီနဲ့ နိုင်ငံရေးပါတီတွေအကြားမှာ အာဏာကိုချုပ်ကိုင်ထားပြီး အခွင့်ထူးတစ်ခုလို ဆောင်ရွက်နေတာဟာ မလုပ်သင့်ဘူးလို့ မြင်ပါတယ်၊ အသင်းကနေ ပါတီကိုပြောင်းပြီး နိုင်ငံတော်ဘဏ္ဍာတွေကို ပါတီမှာ အသုံးပြုနေတာဟာ ဥပဒေနဲ့လုံးဝ မကိုက်ညီပါဘူး၊ ကြံ့ဖွံ့ပါတီရဲ့ လုပ်ရပ်တွေ အားလုံးကို ကျနော်တို့ စုဆောင်းထားပါတယ်၊ ဒီမိုကရေစီနိုင်ငံ ထူထောင်ဖို့ ကြိုးစားနေတဲ့အချိန်မှာ ဒီလိုတရားမမျှတမှုတွေ ပြုလုပ်သွားမယ်ဆိုရင် ရွေးကောက်ပွဲကော်မရှင်ကို တိုင်ကြားဖို့ မှတ်တမ်း ပြုစုထားပါတယ်” ဟု ကိုဖြိုးမင်းသိန်းက ပြောသည်။

ဇူလိုင်လ ၆ ရက်နေ့မှစ၍ ပြည်ခိုင်ဖြိုးအသင်းကို ဖျက်သိမ်းပြီး ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီအဖြစ် ရပ်တည်တော့မည်ဖြစ်ကြောင်းနှင့် အသင်းပိုင်ပစ္စည်းများကို ပါတီသို့ အပြီးအပိုင်လွှဲပြောင်း ပေးသွားမည်ဖြစ်ကြောင်း ၄င်းအသင်းမှ ရုံးအဖွဲ့မှူး သူရဦးမြင့်ဦး၏အဆိုကို ဘီဘီစီသတင်းဌာနမှ ကိုးကားထားသည်။

ကျေးရွာအတွင်းရှိ ကြံ့ဖွံ့အသင်း ဝင်ထားသူများ ကြံ့ဖွံ့ပါတီကို မဲထည့်ပေးရမည်ဟု ကျေးရွာ အသင်းခေါင်ဆောင်များက ညွန်းကြားထားပြီးဟု သံဖြူဇရပ်မြို့နယ် ယခင်ကြံ့ဖွံ့အသင်းဝင်တစ်ဦးက ပြောသည်။ တနိုင်ငံလုံးရှိ အသင်းဝင်ဦးရေမှာ ၂၃ သန်းကျော်ရှိကြောင်း စစ်အစိုးရသတင်းများတွင် ဖော်ပြထားသည်။

ကြံ့ဖွံ့ပါတီသည် ယခင်က လူမှုရေးရာလှုပ်ရှားမှုအပိုင်းတွင် လုပ်ဆောင်နေပြီး ၂၀၁၀ ရွေးကောက်ပွဲအတွက် မွန်ဒေသတခုလုံးမှာ ပါဝင်ယှုဉ်ပြိုင်ရန်ရှိသည်။

ကြံ့ဖွံ့ပါတီသည် မြန်မာစစ်အစိုးရတို့မှ ထုတ်ပြန်ထားသည့် ရွေးကောက်ပွဲဥပဒေအရ ဘယ်နိုင်ငံရေးပါတီမဆို အစိုးရဘဏ္ဍာရေးသုံးစွဲခြင်း၊ တရားမဝင်ငွေကြေးတွေကို သုံးစွဲခွင့်မရှိပါ။ ကြံ့ဖွံ့ပါတီတို့က ဘဏ္ဍာရေး၊ အခွင့်အရေးအမျိုးမျိုးဖြင့် စစ်အစိုးရထံမှ ရရှိထားသည့် ယနေ့အနေအထားမှာ ပေါ်ပေါ်ထင်ထင် လှုပ်ရှားနေသည်။

ကြံ့ဖွံ့ပါတီ၏ ဘဏ္ဍာရေး အားအကောင်းဆုံးတခုမှာ ဆက်သွယ်ရေးဝန်ကြီးဌာနမှ CDMA ဖုန်းများကို ၂၀၁၀ ရွေးကောက်ပွဲဝင်မည့် ကြံ့ဖွံ့ပါတီဘဏ္ဍာရေးအတွက် ပြည်နယ်တိုင်း မြို့နယ်တိုင်းမှာ ချပေးနေသည်။

ထိုမျှမက အစိုးရဝန်ထမ်းတွေကလည်း နိုင်ငံရေးပါတီဝင်မရဆိုပြီး ဥပဒေမှာထုတ်ပြန်ထားသော်လည်း လူဝတ်လဲထားသည့် နိုင်ငံတော်ဝန်ကြီးချုပ် ဗိုလ်ချုပ်မှူးကြီးသိန်းစိန်က ထင်ထင်ပေါ်ပေါ် ဥပဒေချိုးဖောက်နေမှုအပေါ် ဘယ်နိုင်ငံရေးပါတီကမှ မဆန့်ကျင်နိုင်ခဲ့ပါ။

ကြံ့ဖွံ့ပါတီ၏ စည်းရုံးရေးခရီးစဉ်မှာ မွန်ပြည်သူတွေအကြား နိုင်ငံရေးပါတီဘက် စိတ်ဝင်စားမှုမရှိသော်လည်း အများအားဖြင့် အခွင့်အရေးလိုသူများသာ ကြံ့ဖွံ့ပါတီထဲ ဝင်လာကြသည်။

မွန်ပြည်နယ်အတွင်း CDMA -450 MHz ဖုန်းများ သုံးသူများလာ

July 30th, 2010

ဂျူရီချိုင်း ။ ။မွန်ပြည်နယ်အတွင်း မုဒုံမြို့နယ်နှင့် သံဖြူဇရပ်မြို့နယ်ဘက်မှာ မြန်မာ့ဆက်သွယ်ရေးလုပ်ငန်းမှ ချပေးနေသော CDMA -450 MHz ဖုန်းကို ဒေသခံများ အသုံးများလာကြသည်။

အဆိုပါဖုန်းကို လိုချင်သူများ မော်လမြိုင်မြို့ရှိ မြန်မာ့ဆက်သွယ်ရေးလုပ်ငန်းသို့ လျှောက်ထားနိုင်ပြီး ၅ သိန်းတန်ဖုန်းဟု ဆိုသော်လည်း နယ်ဘက်မှာ ကျပ်ငွေ ၆ သိန်းနှင့် ၇ သိန်းကြားပေးနေရသည်။ ထိုဖုန်းအတွက် ဖုန်းကဒ်ကို ၃ သောင်းပေးဝယ်ရကာ တစ်မိနစ်လျှင် ၅၀ ကျပ် ကုန်ကျသည်ဟု မုဒုံမြို့နယ်ရှိ ဖုန်းလျှောက်ထားသူတစ်ဦးက ပြောသည်။

“အခု နောက်ဆုံးထွက်တဲ့ ဖုန်းပေါ့နော် လူတွေတော်တော်ဝယ်ယူနေကြတယ် ကျနော်တို့ရွာမှာဆို ၄ လုံးလောက်လျှောက်ထားကြတယ်၊ ကွမ်တာကျေးရွာမှာဆို ၁၀ လုံးအထက်တော့ ရှိကြတယ်” ဟု ၎င်းက ပြောသည်။

ဖုန်းလျှောက်ချင်သူများအတွက် မြန်မာ့ဆက်သွယ်ရေးလုပ်ငန်းမှ ကျေးရွာထိ စာရင်းလာရောက်ကောက်ခံနေကြောင်း ဖုန်းတိုင်များလည်း စိုက်ထူနေပြီးဖြစ်သည့်အတွက် လျှောက်ထားသူ များပြားလာကြောင်း သံဖြူဇရပ်မြို့မှ ဖုန်းလျှောက်ထားသူတစ်ဦးက ပြောသည်။

“သံဖြူဇရပ်မြို့ပေါ်မှာဆို အများကြီးလျှောက်ကြတာပဲ အလုံးဘယ်လောက်လဲတော့ မသိနိုင်ဘူးလေ ကျမတို့အမတွေတောင် လျှောက်ထားသေးတယ်” ဟု ၎င်းက ပြောသည်။

ယခင်က ကျပ် ၁၇ သိန်းတန် CDMA ဖုန်းချပေးနေပြီး ၄င်းဖုန်းအတွက် ဖုန်းကဒ်မလိုကြောင်း သို့သော် ဈေးကြီးပေးဝယ်ရသည့်အတွက် ဝယ်သူနည်းပါးပြီး ယခုနောက်ပိုင်း ချပေးနေသည့် CDMA -450 MHz ဖုန်းကိုသာ ဈေးသက်သာစွာဖြင့် ပေးဝယ်ရသည့်အတွက် ဝယ်သူများသည်ဟု ၎င်းက ဆက်ပြောသည်။

ယခုမြို့ပေါ်မှာ CDMA -450 MHz ဖုန်းအမျိုးအစား လျှောက်ထားသူအများအပြားရှိနေကြောင်း အသုံးပြုနေပြီဖြစ်သည့်လူများလည်း ရှိနေကြောင်း လျှောက်ထားတာကျလာသည့်အချိန်မှသာ သတ်မှတ်ထားသောဈေးနှုန်းပေးရသည်ဟု အခြားသံဖြူဇရပ်မြို့ခံတစ်ဦးက ပြောသည်။

ယခုလို နယ်ဘက်မှာပါ CDMA -450 MHz ဖုန်းလိုမျိုး ချပေးနေမှုအပေါ် တချို့က ဒေသခံတွေကို ၂၀၁၀ ရွေးကောက်ပွဲအတွက် စည်းရုံးမှုပင်ဖြစ်ကြောင်း သုံးသပ်ပြောဆိုနေကြသည်။

ခလရ (၃၂) ဘန်တောင်ယန်စခန်းအတွင်း ဝင်ရောက်လေ့လာ

July 30th, 2010

လွတ်လပ်သောမွန်သတင်းအေဂျင်စီ။ ။ထိုင်း-မြန်မာနယ်စပ် ဘုရားသုံးဆူဒေသတွင် အခြေချသည့် ရှေ့တန်းတပ်ရင်း ခလရ (၃၂) မှ တပ်သား (၄) ဦး လွန်ခဲ့သည့် (၂) ရက်က ဘန်တောင်ယန်ဒုက္ခသည်စခန်းအတွင်း ဝင်ရောက်လေ့လာသွားကြောင်း စခန်းတာဝန်ရှိသူများနှင့် နီးစပ်သူများက ပြောသည်။

ဒု ဗိုလ်တစ်ဦးအပါအဝင် အထက်ပါတပ်သား (၄) ဦးမှာ ဘုရားသုံးဆူမြို့ အနောက်တောင်ဘက် ဘုရင့်နောင်ကုန်းမှတဆင့် တောတောင်ထူထပ်သည့် ထိုင်းနိုင်ငံ ဗလဲ့ဟနွတ်လမ်းမှ ဝင်ရောက်လာခြင်း ဖြစ်ပြီး ၎င်းတို့အား စခန်းအတွင်းရှိ ဒုက္ခသည်အဖြစ် လျှောက်ထားသူ တပ်ထွက် (၂) ဦးမှ ခေါ်ဆောင်လာခြင်း ဖြစ်ကြောင်း နီးစပ်သူတစ်ဦးက ပြောသည်။

“စခန်းမှာ သုံးရက် နားမယ်လို့ ဧည့်စာရင်း တိုင်ထားတယ်၊ ဒါပေမယ့် စခန်းလုံခြုံရေး တာဝန်ရှိသူတွေက သတင်းကြားလို့ သူတို့ရောက်တဲ့ညမှာပဲ တစ်ညလုံး ကင်းလှည့်ပြီး စောင့်ကြည့်နေတယ်၊ ဒါကို သူတို့လည်း ရိပ်မိပြီး ပေါ်သွားမှာ စိုးလို့ မနက်ပိုင်းမှာ ပြန်ထွက်သွားတယ်” ဟု စခန်းတာဝန်ရှိသူများနှင့် နီးစပ်သူ ကိုသီဟ က ပြောသည်။

“အဓိက ဒီစခန်းကို သူတို့လာတာဟာ နယ်မြေကို လေ့လာချင်တာပါ၊ အဓိကက မွန်ပြည်သစ်ပါတီနယ်မြေနဲ့ နယ်စပ်အခြေအနေကို လေ့လာတာပါ” ဟု ကိုသီဟ ဆက်ပြောသည်။

ယမန်နေ့တွင် ၎င်းတို့ (၄) ဦး စခန်းမှတဆင့် မွန်ပြည်သစ်ပါတီနယ်မြေ ဟလောက်ဟနီလမ်းအတိုင်း ဘုရားသုံးဆူသို့ ပြန်သွားကြသည်ဟု ကိုသီဟ က ပြောသည်။ သို့သော် ဗလဲ့ဒွန်းဖိုက်ရှိ မွန်ပြည်သစ်ပါတီ တပ်ရင်းအမှတ် (၅) မှ တာဝန်ရှိသူတစ်ဦးက အထက်ပါ အဆိုကို ငြင်းဆိုခဲ့သည်။

“ကျနော်တို့လည်း ဒီသတင်းကို ကြားပါတယ်၊ ဗလဲ့ဟနွတ်လမ်းက လာတာပါ၊ ပြန်ထွက်သွားတာလည်း အဲဒီလမ်းပါပဲ၊ ကျနော်တို့နယ်မြေဘက်က ဖြတ်ပြီး ပြန်သွားတာ လုံးဝ မဖြစ်နိုင်ဘူး” ဟု သူက ပြောသည်။

ခလရ (၃၂) နှင့် နီးစပ်သည့် ဘုရားသုံးဆူမြို့ရှိ စရဖတစ်ဦးကလည်း ၎င်းတပ်မှ တပ်သား (၄) ဦး ဘန်တောင်ယန်စခန်းသို့ သွားရောက်ခဲ့သည်မှာ မဟုတ်မှန်ကြောင်း ငြင်းဆိုသည်။

အထက်ပါတပ်သားများအား ခေါ်ဆောင်လာသူ (၂) ဦးကို စခန်းတာဝန်ရှိသူများက ဆက်လက်မေးမြန်းစစ်ဆေးနေဆဲ ဖြစ်သည်။

ဘန်တောင်ယန် ဒုက္ခသည်စခန်းသည် ထိုင်း-မြန်မာ နယ်စပ်တလျောက်ရှိ ဒုက္ခသည်စခန်း ၉ ခုအနက် တစ်ခုအပါအဝင် ဖြစ်ပြီး ထိုင်းနိုင်ငံ ကန်ချနပူရီခရိုင် စံခလပူရီမြို့နယ် ထိုင်းဘုရင်မ၏ ဘေးမဲ့သစ်တောအတွင်း တည်ရှိသည်။ စံခလပူရီမြို့နှင့် (၃၁) ကီလိုမီတာ ကွာဝေးပြီး ဘုရားသုံးဆူမြို့နှင့် တောလမ်းအတိုင်း (၁၀) ကီလိုမီတာခန့် ကွာဝေးသည်။

ထိုင်း-မြန်မာနယ်စပ်တလျှောက် ကူညီစောင့်ရှောက်ရေး ညွန့်ပေါင်းအဖွဲ့ TBBC ၏ (၂၀၀၈) ခုနှစ် ထုတ်ပြန်ချက်အရ ဘန်တောင်ယန်စခန်းအတွင်း လူဦးရေ ၄၃၆၂ ဦး ရှိပြီး ကရင်လူမျိုး အများစုနှင့် ထားဝယ်၊ မွန်စသောလူမျိုးများ နေထိုင်ကြသည်။

အလုပ်သမားများကြား HIV/AIDS ကူးစက်နှုန်း ၃ ရာခိုင်နှုန်းရှိဟု Pattanarak ပြော

July 29th, 2010

မင်းတော်လဝီ ။ ။ပြောင်းရွေ့အလုပ်သမားများ အလုပ်လုပ်သည့် ထိုင်းနိုင်ငံ ကန်ချနပူရီခရိုင်ရှိ VITA FOOD ဗီတာသစ်သီးစုံစက်ရုံတွင် ရောဂါရှာဖွေစစ်ဆေးမှုအရ HIV/AIDS ဖြစ်ပွားမှုမှာ ၃ ရာခိုင်နှုန်းရှိသည်ဟု ပတ်ထနာရပ်ဖောင်ဒေရှင်း (Pattanarak Foundation) က ပြောသည်။

ပတ်ထနာရပ်ဖောင်ဒေရှင်းအဖွဲ့သည် ဇူလိုင်လ ၂၀ ရက်နေ့မှ ၂၆ ရက်နေ့အထိ ကန်ချနပူရီခရိုင် ထားမကာမြို့ (Tahmaka District) ရှိ VITA FOOD ဗီတာစက်ရုံမှာ အလုပ်လုပ်နေသော ရွေ့ပြောင်းအလုပ်သမားများကို ဆေးစစ်ခဲ့ရာ HIV ရောဂါဖြစ်ပွားမှု များနေသည်ဟု ပတ္ထနာရပ်မှ ကွင်းဆင်းစစ်ဆေးမှုအဖွဲ့တွင်ပါဝင်ခဲ့သူ စောအဘွယ်က ပြောသည်။

ရောဂါကူးစက်ပြန့်နှံ့မှုများရခြင်းမှာ ရွေ့ပြောင်းအလုပ်သမားတွေကြား HIV/AIDS နှင့်ပတ်သက်သည့် ဗဟုသုတနည်းပါးခြင်း၊ ပညာပေးမှုနည်းပါးခြင်း၊ လိင်အကြမ်းဖက်မှုများခြင်း၊ လိင်ဆက်ဆံမှုတွင် ကွန်ဒုံးအသုံးပြုခြင်းမရှိသည့်အတွက် ရောဂါကူးစက်ပြန့်နှံ့မှု များသည်ဟု ပတ်ထနာရပ်မှ ရောဂါစစ်ဆေးသူက ပြောသည်။

“VITA FOOD စက်ရုံများမှာ မြန်မာအလုပ်သမား ၁၅၀၀၀ လောက်ရှိတယ်၊ အလုပ်သမား (၈၁၀၀) က အလုပ်လုပ်ခွင့်လက်မှတ်ရှိတယ်၊ အခုလောလောဆယ် လူ ၃၀၀ ကို ဆေးစစ်ကြည့်တာ ရောဂါရှိသူ (ပေါ့စတစ်) က ၉ ယောက်တွေ့ရတော့ (၃) ရာခိုင်နှုန်းဖြစ်နေတယ်၊ ရောဂါဖြစ်ပွားမှုမြင့်နေတယ်” ဟု စောအဘွယ်က ပြောသည်။

ဆေးစစ်ခံသည့် အလုပ်သမား သုံးရာထဲတွင် HIV ပိုးကူးစက်ခံအဆင့် (နက်ကတစ်) ၁၀ ယောက်ကျော် ရှိနေကြောင်း ဆေးစစ်ရန်ကျန်ရှိသည့်အလုပ်သမားများကို ဆက်လက်ဆေးစစ်သွားဦးမည်ဟု စောအဘွယ်က ပြောပါသည်။ ယခုရောဂါဖြစ်နေသူ ၉ ဦးထဲတွင် အမျိုးသမီး ၅ ဦး ပါဝင်နေသည်။

“အလုပ်သမားများကို ဆေးစစ်ရဖို့ စက်ရုံက တာဝန်ရှိသူတွေနဲ့ ညှိနှိုင်းပြီးမှ ဆေးစစ်နိုင်တယ်၊ တချို့အလုပ်သမားတွေ ဆေးစစ်ရမှာကြောက်ပြီး ဆေးစစ်မခံတာလည်းရှိတယ်၊ ဒါပေမယ့် ဆေးမစစ်ရင် အလုပ်ထုတ်မယ်လို့ စက်ရုံတာဝန်ရှိသူကပြောမှ စစ်ကြတယ်” ဟု ပတ်ထနာရပ်ဖောင်ဒေရှင်းနှင့်အတူ လိုက်ပါဆောင်ရွက်နေသော Phamit 2 ပရိုဂရမ် (ရွေ့ပြောင်းအလုပ်သမားများအကြား HIV/AIDS တားဆီးကာကွယ်ရေး) အဖွဲ့ဝင် နော်ထူးက ပြောသည်။

ရောဂါကူးစက်ခံရသူတွေကို ဆေးကုသမှုခံယူနိုင်ရန် ARV ဆေး စားသုံးနိုင်ရန်အတွက် ပတ္ထနာရပ်အနေဖြင့် ထိုင်းနိုင်ငံ ကန်ချနပူရီကျန်းမာရေးအဖွဲ့ကိုလည်း ဆက်လက်တင်ပြပေးသွားမည်ဟု စောအဘွယ်က ပြောသည်။

“ဒါ့အပြင် ပတ္ထနာရပ်အဖွဲ့က HIV ရောဂါရှာဖွေကာကွယ်ရေးလုပ်ငန်းတွေကို ပထမဦးစားပေးအဖြစ် ဆောင်ရွက်နေသလိုပဲ ကာလသားရောဂါရှာဖွေကာကွယ်ရေးကိုလည်း ဒုတိယဦးစားပေးအဖြစ် ရှာဖွေဆေးစစ်မှုတွေ လုပ်ဆောင်ပေးနေတယ်” ဟု Phamit 2 ပရိုဂရမ်တာဝန်ခံက ပြောသည်။

ကန်ချနပူရီခရိုင်၊ အူပွန်ရပ်ဌာနီခရိုင် (Ubon Ratchantani) နှင့် ကာလာစီခရိုင် (Kalasin) တို့မှ ရွေ့ပြောင်းအလုပ်သမားများကို ဆေးစစ်မှုများပြုလုပ်ခဲ့ရာမှာ ကာလသားရောဂါ (ဆစ်ပလစ်ရောဂါ) ဖြစ်ပွားနေသူပေါင်း (၁၁၀၀၀) ကျော် ရှိနေသည်ဟုလည်း စောအဘွယ်က ပြောသည်။

ပတ္ထနာရပ်သည် နယ်စပ်ဒေသရှိ ရွေ့ပြောင်းအလုပ်သမားများကို HIV/AIDS နှင့် ကာလသားရောဂါ ခံစားနေရသူများကို ကူညီစောင့်ရှောက်ပေးနေသည့်အပြင် ဖွံ့ဖြိုးတိုးတက်ရေးလုပ်ငန်းများ ရိုးရာဓလေ့များကို ကာကွယ်စောင့်ရှောက်ရေးနှင့် သဘာဝပတ်ဝန်းကျင်ထိန်းသိမ်းရေးလုပ်ငန်းများကို လုပ်ဆောင်နိုင်ရန်အတွက် Phamit 2 ပရိုဂရမ်နှင့် အခြားသောအစိုးရမဟုတ်သည့်အဖွဲ့ဝင်များနှင့် ပူးပေါင်းလုပ်ဆောင်သော အဖွဲ့ဖြစ်သည်။

ရွေးကောက်ပွဲမှာ အနိုင်ရမည်ဟု မွန်ပါတီ မျှော်မှန်း

July 29th, 2010
၂၀၁၀ ရွေးကောက်ပွဲမှာ မွန်တမျိုးသားလုံးအတွက် ကိုယ်စာပြု ဝင်ရောက်ယှဉ်ပြိုင်မည့် မွန်ဒေသလုံးဆိုင်ရာဒီမိုကရေစီပါတီ၏ လက်ရှိ စည်းရုံးရေးခရီးစဉ်နှင့် ပါတီရဲ့အခြေအနေကို သိရှိနိုင်ရန်အတွက် မိရိုင်မရော့က ပါတီဥက္ကဌဖြစ်သူ နိုင်ငွေသိန်းနှင့် ဆက်သွယ်မေးမြန်းထားသည်။

မေး ။ ။ မွန်ဒေသလုံးဆိုင်ရာဒီမိုကရေစီပါတီ စည်းရုံးရေးခရီးစဉ်ရဲ့ လက်ရှိအခြေအနေကို ရှင်းပြပေးလားဆရာ။

ဖြေ ။ ။ လောလောဆယ်မှာတော့ ကျနော်တို့ စည်းရုံးရေးခရီးစခဲ့တာ တပတ်ကျော်ကျော်တော့ရှိသွားပြီး၊ ရေး၊ သံဖြူဇရပ်၊ လမိုင်၊ မုဒုံနဲ့ ကရင်ပြည်နယ်ဘက်မှာလည်း ထိုက်သင့်သလောက်တော့ စည်းရုံးခဲ့ပြီးပြီ၊ အခုဆို မော်လမြိုင်မှာ စည်းရုံးနေတယ် ကျနော်တို့ရဲ့ ခရီးစဉ်က တော်တော်လေးကို အားရပါတယ် ပြေလည်း ပြေလည်တဲ့ခရီးစဉ်းဖြစ်တယ် အားပေးတဲ့လူတွေလည်းများတယ်။

မေး ။ ။ စည်းရုံးရေးခရီးစဉ်တစ်လျှောက်မှာ အခက်အခဲတွေရော ရှိခဲ့သလားဆရာ။

ဖြေ ။ ။ အခက်အခဲကတော့ နည်းနည်းပါးပါးရှိတာပေါ့ ဒါပေမဲ့ အနည်းငယ်ပဲဆိုပေမဲ့လည်း ကျနော်တို့ မွန်ပြည်သူတွေအကြားမှာ အစွဲအလန်းဆိုတာရှိနေတယ်၊ ဘယ်လိုလဲဆိုတော့ ဒီလိုလုပ်လိုက်လို့ ကြောက်ရတာမျိုး ဟိုလုပ်လည်း ကြောက် ဒီဟာလုပ်လည်း ကြောက်ရ အဲဒီလို အစွဲတွေကရှိနေတော့ စီးပွားရေအပိုင်းမှာ ထိခိုက်လာမှာကိုလည်း ကြောက်နေကြတယ် အဲဒီလိုအစွဲတွေရှိနေတယ် ကျနော်တို့ မွန်တွေမှာ ဒါပေမဲ့ ဘာကို ဘယ်သူ့ကိုမှ ကြောက်စရာမလိုဘူး ကိုယ့်စိတ်ကြိုက် ကိုယ်စေတနာရှိတဲ့သူကို ကိုယ်လက်မထောင်လို့ရတယ် ကြိုဆိုတဲ့လူတွေက များတယ် ကျနော်တို့လည်း မှန်ကန်တဲ့အလုပ်ကိုပဲ လုပ်တယ်။

မေး ။ ။ မဲကော်မရှင်ကနေ စည်းရုံးရေးဆင်းရာမှာ အကန့်အသတ်တွေချမှတ်ထားတဲ့အပေါ်မှာရော စည်းရုံးရေးဆင်းရာမှာ အခက်အခဲရှိလားဆရာ။

ဖြေ ။ ။ သူတို့ကလည်း သူတို့နည်းနဲ့ သူတို့ ကန့်သတ်တာပဲ ဒါပေမဲ့ အတင်းအကြပ်ကြီးလည်း သူတို့မလုပ်ရဲဘူး၊ ကျနော်တို့လည်း စည်းရုံးရေးဆင်းတယ်ဆိုတာ လူထုအကြားမှာတမျိုးဆင်းရတယ်၊ ကျနော်တို့ရုံးတွေအကြားမှာဆိုရင် တမျိုးပြန်၊ စည်းရုံးရေးကိုတော့ သုံးလေးမျိုးဆင်းနေရတယ်၊ ဒါပေမဲ့ ကျနော်တို့က စည်းရုံးရေးမှာ ပြဿနာမဖြစ်အောင် မဲကော်မရှင်က ကန့်သတ်ထားတာကိုလည်း မချိုးဖောက်မိအောင် ဥပမာ ရွာမှာဆင်းမယ်ဆိုရင် ရွာမှာလူစုထားမယ် ကျနော်တို့ရောက်သွားမယ် အပြင်မှာ အော်ပြောတာတို့ ကျနော်တို့မလုပ်ဘူး ကျနော်တို့မွန်တွေလည်း ဒါကို သဘောပေါက်တယ်၊ ဒါကြောင့် စည်းရုံးရတာ လွယ်တာပေါ့၊ ဘာမှလည်း အဟန့်အတားဖြစ်စရာမလိုဘူး၊ ဒါပေမဲ့ တခြားတဘက်မှာကလည်း သူတို့တွေ ခြောက်လှန့်တာလားပေါ့ ခြောက်တာကလည်း အစိုးရမဟုတ်ဘူး လက်အောက်ငယ်သားတွေပဲ သူတို့ရဲ့ ခြောက်လှန့်မှုအပေါ်မှာလည်း ကျနော်တို့က လုံးဝကြောက်စိတ်မရှိဘူး၊ မကြောက်ကြနဲ့ ဘယ်သူ့ကိုမှ ကြောက်စရာမလိုဘူး၊ ကိုယ့်စိတ်ကြိုက် ကိုယ်မဲထည့်လို့ရတယ်၊ ကိုယ့်စိတ်ကြိုက် ကိုယ်လုပ်လို့ရတယ်၊ ကျနော်တို့ကလည်း စည်းရုံးရေးခရီးကို ဆက်သွားနေဦးမှာပဲ။

မေး ။ ။ မွန်ပြည်လူထုတွေအကြားမှာ စည်းရုံးရေးဆင်းတာ အားရမှုတွေရော ဘယ်လိုရှိခဲ့သလဲ။

ဖြေ ။ ။ ကျနော်တို့ သွားထားရသလောက်တော့ လူထုတွေ အားပေးကြပါတယ်၊ ကျနော်တို့လည်း တော်တော်အားရပါတယ်၊ သူတို့တွေဟာ တခြားပါတီတွေလည်းမရှိဘူး ဘယ်သူ့ကို မဲပေးရမှာလဲ စာလည်းမဖတ်တက် ဗဟုသုတလည်းနည်းတော့ ဘယ်သူ့ကို မဲပေးရမှာလည်းဆိုတာကို မသိကြဘူး အခုဆို တချို့က မွန်ပါတီ တစ်ပါတီရှိတာတောင်မသိကြဘူး၊ ကျနော်တို့က ဘာမှကို ပြောစရာမလိုဘူး ပြည်သူတွေကလည်း ကျနော်တို့အပေါ်ကို ကြိုဆိုတယ် ကျနော်တို့လည်း သူတို့အတွက် အမှန်တရားပဲလုပ်တယ်၊ ဒါပေမဲ့ တခုရှိတာက ဒီကြားမှာ ခြောက်လှန့်မှုတွေတော့ရှိမှာပဲလေ ဒါတွေကိုတော့ ကျနော်တို့ ရွေးကောက်ပွဲမရောက်ခင်မှာ ပညာပေးသလိုမျိုး ရွေးကောက်ပွဲဆိုင်ရာတွေကို လူလွှတ်ပြီးတော့ စည်းရုံးရမှာပဲ ဒါကလည်း တရားဝင်လုပ်တာပဲလေ မဲကော်မရှင်ကို ဒါတွေ တင်ပြထားတာပဲ အဓိကက လူထုတွေအကြား အမြင်တွေ အသိတွေရအောင်လို့ ကျနော်တို့က စည်းရုံးရမှာပဲလေ။

မေး ။ ။ မကြာခင်က ဗဟိုအလုပ်မှုဆောင်တွေ ရွေးကောက်တင်မြှောက်တယ်ဆိုတော့ ဘယ်သူတွေပါပြီးတော့ လုပ်ငန်းတာဝန်တွေကိုရော ဘယ်လိုခွဲဝေထားကြတာလဲဆရာ။

ဖြေ ။ ။ အစပိုင်း ကျနော်တို့တင်ထားတာက ပထမခေါင်းဆောင်၊ ဒုတိယခေါင်းဆောင်နဲ့ တခြား ၁၃ ယောက် အားလုံး ၁၅ ယောက်ပေါ့ အခုတော့ ဗဟိုအလုပ်မှုဆောင် ထပ်ရွေးလိုက်တယ်၊ အားလုံးက ၂၁ ယောက်၊ အဲဒီမှာ ဥက္ကဌ၊ ဥက္ကဌ ၁၊ ဥက္ကဌ ၂။ အတွင်းရေးမှူး၊ အတွင်းရေးမှူး ၁၊ အတွင်းရေးမှူး ၂၊ ဒီ ၆ ယောက်ကိုတော့ တာဝန်တွေပေးထားတယ်၊ ကျန်တာတွေကတော့ ဘယ်သူက ဘာလုပ်ရမှာလဲဆိုတာကို တာဝန်သိသိကျကျမပေးရသေးဘူး၊ နေပြည်တော်ကိုတော့ စာရင်းတင်ထားပြီးပြီ၊ ဥက္ကဌက ကျနော် နိုင်ငွေသိန်း၊ ဥက္ကဌ (၁) က နိုင်လှအောင်၊ (၂) က နိုင်သိုက်၊ အတွင်းရေးမှူးက ဒေါက်တာမင်းနွယ်စိုး၊ အတွင်းရေးမှူး (၁) က နိုင်စန်းတင်၊ (၂) က နိုင်ခင်အောင် ဒီ ၆ ယောက်ကိုပဲ တာဝန်တွေပေးထားကြတယ်၊ ကျန်တာတွေကလည်း ဗဟိုကော်မတီတွေပဲလေ ဒါပေမဲ့ တာဝန်တော့ ဘာမှမပေးရသေးဘူး။

မေး ။ ။ ပါတီတစ်ခုမှာ ပါတီဝင်အင်အားတစ်ထောင်ပြည့်ရမယ်ဆိုတဲ့အပေါ်မှာရော မွန်ပါတီမှာ ဘယ်လိုအခြေအနေရှိနေလဲ။

ဖြေ ။ ။ ထောင်မကဘူး၊ တမြို့နယ်ထဲနဲ့ ပါတီဝင်ထောင်ကျော်နေပြီးလေ အခုဆို ကျနော်တို့ မွန်ပါတီက ပါတီဝင်အင်းအား တစ်ထောင့်လေးရာစာရင်းကို နေပြည်တော် မဲကော်မရှင်မှာ တင်ပြထားပြီးပြီ။

မေး ။ ။ ဘဏ္ဍာရေးအပိုင်းမှာရော အဆင်ပြေမှုတွေရှိလား ဒါမှမဟုတ် အခက်အခဲတွေရှိနေလားဆိုတာကိုလည်း ရှင်းပြပေးပါဆရာ။

ဖြေ ။ ။ ဘဏ္ဍာရေးအပိုင်းမှာ အမှန်ပြောရရင် အခက်အခဲရှိတယ်၊ ဒါပေမဲ့ ကျနော်တို့ စိုးရိမ်စရာမလိုဘူး၊ ဘာဖြစ်လို့လဲဆိုတော့ ပါတီဝင်တွေကို တယောက် ၅၀၀ ဆိုပြီး သတ်မှတ်ထားတယ်၊ ၅၀၀ ဆိုတာကလည်း ပါတီဝင်တိုင်းက ပေးကြတယ်၊ တချို့စေတနာရှိသူတွေ တစ်သိန်းထိပေးတာတွေလည်းရှိတယ်၊ တချို့ဆို တစ်သောင်း နှစ်သောင်း အဲလို ပေးတာတွေလည်းရှိတယ်ဆိုတော့ ဘဏ္ဍာရေးအပိုင်းမှာ ချမ်းသာကြွယ်ဝတယ်ဆိုတာမဟုတ်ဘူး၊ အခက်အခဲဖြစ်နေတယ်ဆိုတာလည်းမဟုတ်ဘူး၊ ဒါပေမဲ့ သွားရေး လာရေးမှာတော့ အခက်အခဲနည်းနည်းတော့ရှိတာပေါ့ ပိုက်ဆံလုံလုံလောက်လောက်မသုံးရတာတော့ရှိတယ် ချွေတာရတာပေါ့၊ ပြည့်ဝတယ်ဆိုတာလည်းမဟုတ်ဘူး၊ ခက်ခဲတယ်ဆိုတာလည်းမဟုတ်ဘူး၊ register တုန်းက ၃ သိန်းပေးရတယ်၊ ဒီနောက်ပိုင်း ပါတီဝါဒဖြန့်ဖို့အတွက် အဲဒီတုန်းက ၆ သိန်းကုန်ထားတယ်၊ ကြားမှာ ရုံးဖွင့်တာတို့ ဘာတို့တော့ ကုန်တာပေါ့လေ အဲဒါတွေတော့ အခက်အခဲရှိတာပေါ့လေ၊ မြို့နယ်ဘက်မှာတော့ သူတို့နည်း သူတို့ဟန်နဲ့ ပြေလည်မှုရှိတယ်လို့ တွက်ထားတာပေါ့လေ၊ ပိုက်ဆံရှိလားလို့မေးရင် မရှိဘူး၊ ဒါပေမဲ့ အလုပ်လုပ်မရတဲ့အထိ ဘဏ္ဍာရေးမှာ အခက်အခဲရှိနေတာလည်းမဟုတ်ဘူး အလုပ်ဖြစ်အောင်တော့ လုပ်ရမယ်၊ ၂ သိန်း ၃ သိန်း လှူတဲ့လူတွေရှိတယ် အနည်းကျဉ်းပေါ့လေ အများကြီးတော့မဟုတ်ဘူး၊ တချို့ဆို ၁ သောင်း ၂ သောင်း လာပေးတာတွေလည်းရှိတယ်၊ ထပ်ပေးဖို့လူတွေလည်းရှိနေတယ်၊ ဒါပေမဲ့ ကျနော်တို့က မဲမှမရွေးရသေးတာ မဲရွေးဖို့ အမတ်လောင်တစ်ယောက်ကို ငါးသိန်းဆိုလည်းရှိသေးတယ် အဲဒါက ကျနော်တို့ မစဉ်းစားရသေးဘူးလေ ဘဏ္ဍာရေးက ပြည့်ဝတာလည်းမဟုတ် ခက်ခဲတာလည်းမဟုတ် ကြားအခြေနေမှာရှိနေတယ်၊ ကနော်တို့ကတော့ ဘယ်လိုပဲဖြစ်ဖြစ် အားထုတ်ပြီးတော့ လုပ်သွားမှာပဲ။

မေး ။ ။ ၂၀၁၀ ရွေးကောက်ပွဲအပေါ် မွန်ပါတီအနေနဲ့ ဘယ်လိုမျှော်မှန်းထားတာရှိလဲ။

ဖြေ ။ ။ ဒီရွေးကောက်ပွဲမှာ အမှန်ပြောရရင် မွန်ဒေသအတွင်းမှာ ပြိုင်မယ်ဆိုရင် နိုင်မှာပဲ ကျနော်တို့ပဲ အနိုင်ရမှာလို့ တွက်ထားတယ်၊ ဘာဖြစ်လို့လဲဆိုတော့ ပုရိသတ်တွေ လူထုတွေက ကျနော်တို့မွန်ပါတီအပေါ် စိတ်ဝင်စားမှုရှိတယ်၊ မွန်လူမျိုးကို ချစ်တာလဲပါတာပေါ့လေ၊ ဘယ်လိုပဲပြိုင်ပြိုင် တကယ်လို့တရားမျှတမှုနဲ့ ပြိုင်ရင်တော့ ကျနော်တို့ စိုးရိမ်စရာမလိုဘူး၊ ဥပမာ သထုံ၊ ဘီလင်း၊ ကျိုက်ထိုတို့လိုဒေသတွေမှာ တခြားပါတီတွေနဲ့ အပြိုင်လုပ်ရတာပေါ့ ဘာလို့လဲဆိုတော့ အဲဒီဒေသတွေက မွန်တွေ နည်းတယ်၊ တခြားဒေသမှာဆိုရင်တော့ ကျနော်တို့ ဘာမှပူစရာမလိုဘူး တရားမျှတမှုနဲ့လုပ်ရင်ပေါ့၊ လူထုတွေကလည်း အမြဲကြိုဆိုနေကြတယ်။

မျှော်မှန်းထားတာက ကျနော်တို့နိုင်မှာပဲ ဘာလိုပဲဖြစ်ဖြစ် ဒီကနေ့အခြေအနေအရဆိုရင် မွန်လူထုတွေက ကျနော်တို့ပါတီကို စိတ်ဝင်စားကြတယ်၊ နောက်ပြီး ပါတီကလည်း မွန်ပါတီဆိုတာ တစ်ပါတီပဲရှိတယ်၊ မွန်တွေမှာရှိတဲ့ ဥပမာ မွန်ပြည်သစ်ပါတီတို့လို ပါတီတွေကလည်း ကျနော်တို့ပါတီနဲ့ ပြဿာနာမရှိခဲ့ဘူး ကိုယ့်ရပ်တည်ချက်အပေါ် ကိုယ်ရပ်တည်ကြတာပဲ။