Mon 22 Mar 2010, ဂျူရီချိုင်း
မွန်ပြည်နယ်အတွင်းရှိ မြို့နယ်အများစုသည် နွေရာသီကာလအတွင်းမှာ ဝမ်းပျက်၊ ဝမ်းလျောစသည့်ရောဂါမျိုး ဖြစ်ပွားမှုနှုန်း များပြားနေကြောင်း ဒေသခံတို့က ပြောသည်။
အထူးသဖြင့် မော်လမြိုင်မြို့နယ်၊ ဘီလူးကျွန်းဒေသ၊ မုဒုံမြို့နယ်၊ သံဖြူဇရပ်မြို့နယ်နှင့် ရေးမြို့နယ်ဘက်မှာ ဖြစ်ပွားမှုအများဆုံးဖြစ်သည်။ တချို့မြို့ ကျေးရွာမှာ ယခုကဲ့သို့ ဝမ်းပျက်၊ ဝမ်းလျောရောဂါဖြစ်ပွားသူများလာနေခြင်းကြောင့် သက်ဆိုင်ရာ ဆရာဝန်/ ဆရာမတို့မှ ပညာပေးဟောပြောပွဲများ လုပ်ရသည်အထိ ဖြစ်ပွားမှုများနေသည်။
“မော်လမြိုင် ခလေးဆေးရုံမှာဆိုရင် (အမေရိကန်ဆေးရုံ) ခလေးတွေ တော်တော်များတယ်၊ ကုတင်တွေတောင် မဆန့်တော့တဲ့အခြေအနေ ဖြစ်နေတယ်၊ သေတာတော့ ကျမမတွေ့ဘူး၊ ဒီလိုမျိုးရောဂါ ခလေးတွေမှာ အဖြစ်များတယ်” ဟု မော်လမြိုင် ကလေးဆေးရုံးမှာ ကိုယ်တိုင်မြင်တွေ့ခဲ့သူတစ်ဦးက ပြောသည်။
ယင်းဝမ်းပျက်၊ ဝမ်းလျောရောဂါသည် ကလေးများမှာ အဖြစ်များပြီး၊ လူကြီးတွေမှာ တစ်ယောက်စ နှစ်ယောက်စသာ ဖြစ်လေ့ရှိသည်။ ထိုရောဂါခံစားရသူများသည် အော့အန်ပြီး ဝမ်းသွားသလိုမျိုးဖြစ်သည်ဟု ၄င်းက ပြောသည်။
ယခုလို နွေရာသီဝင်လာသည့်အချိန်မှာ ဝမ်းပျက်၊ ဝမ်းလျောရောဂါဖြစ်တက်လေ့ရှိသောကြောင့် တချို့မြို့တွေ၊ ကျေးရွာတွေမှာ သက်ဆိုင်ရာ မယက၊ ရယကတို့က အအေးဆိုင်များ၊ အသုပ်ဆိုင်များနှင့် ကြံရည်အရောင်းဆိုင်များ မရောင်းချရန် တားဆီးပိတ်ပင်ထားသည်။
“ကျနော်တို့မြို့ပေါ်မှာဆိုရင် သားဖွားဆရာမတွေ တရပ်ကွက်ပြီးတရပ်ကွက် သွားပြီးတော့ ရေကို ကျိုချက်သောက်ရမယ်၊ ရပ်ကွက်အလိုက် လိုက်လံပြီးတိုက်တွန်းတယ်၊ ပြီးတော့ ယခုအဖြစ်များနေတဲ့ ဝမ်းရောဂါနဲ့ပတ်သက်တာတွေကို ဟောပြောတယ်၊ အစားအစာတွေကိုလည်း သတိထား စားရမယ်ဆိုတာကိုရယ်၊ ဖြစ်လာရင် ဘယ်လိုလုပ်ရမှာလည်း ဝမ်းသွားရင် ဘာသောက်ရမှာလည်းဆိုတာကို ပညာပေးသလို လိုက်ဟောပြောတယ်” ဟု ရေးမြို့ခံတစ်ဦးက ပြောသည်။
ယခုကဲ့သို့ ဝမ်းပျက်၊ ဝမ်းလျောရောဂါဖြစ်ရခြင်းမှာ မသန့်ရှင်းသည့်ရေကို သောက်သုံးမိခြင်း၊ မသန့်မရှင်းသည့်အစားအစာ စားမိခြင်းကြောင့် ဖြစ်သည်ဟု ၄င်းက ဆက်ပြောသည်။
ထိုမျှမက ချောင်းဆုံမြို့နယ်အတွင်းမှာလည်း ဝမ်းပျက် ဝမ်းလျောရောဂါဖြစ်ပွားသူ အများအပြားရှိကြောင်း တချို့ဆိုလျှင် ဆေးရုံရောက်ရသည်အထိရှိပြီး တချို့မှာ အိမ်မှာသာ ဆေးသောက် ဆေးကုပြီး ပျောက်သွားသည်လည်းရှိသည်။ သို့သော် အသေအပျောက်ရှိ မရှိကိုသာ မသိရကြောင်း ချောင်းဆုံဒေသခံတစ်ဦးက ပြောသည်။ ထိုရောဂါဖြစ်ပွားရခြင်းမှာ ရာသီဥတုကြောင့်နှင့် အစားအစာကြောင့်ဟု သူက ပြောသည်။
Monday, March 22, 2010
Subscribe to:
Post Comments (Atom)
0 comments:
Post a Comment