ကျိုက်မရောမြို့မှာ ဗုံးပေါက်ကွဲမှုဖြစ်ပွား

လွတ်လပ်သောမွန်သတင်းအေဂျင်စီ

မွန်ပြည်နယ်၊ ကျိုက်မရောမြို့ပေါ် ကလိုင်ကနိုင်ရပ်ကွက်ရှိ မြန်မာ့ဆက်သွယ်ရေးရုံးမှာ ဧပြီလ ၂၇ ရက်နေ့ ည ၁၁ နာရီအချိန်မှာ ဗုံးပေါက်ကွဲမှုတခုဖြစ်ပွားပြီး ရုံးမှ ဝန်ထမ်း ၃ ဦးထိခိုက်ဒဏ်ရာရရှိသည်။

“ဗုံးဖေါက်တဲ့လူက ဆိုင်ကယ်နဲ့လာတယ်လို့ပြောတာပဲ၊ ဖြစ်တာက မြို့ပေါ်မှာပါ ည ၁၁ နာရီလောက် ပေါက်ကွဲမှုက ဖြစ်တယ်” ဟု ကျိုက်မရောမြို့နယ်မှ ဒေသခံတစ်ဦးက ပြောသည်။

ထိုပေါက်ကွဲမှုသည် မြို့ပေါ်တွင်ဖြစ်ပွားခြင်းကြောင့် ဒေသခံများ ထိန့်လန့်ကြောက်ရွံ့နေကြကြောင်းကိုလည်း ၄င်းက ပြောသည်။

ယခုလပိုင်းအတွင်းမှာ ပေါက်ကွဲမှုဆက်တိုက်ဆိုသလိုဖြစ်ပွားခဲ့ပြီး၊ မြန်မာစစ်အစိုးရတို့က ပေါက်ကွဲမှုဖြစ်ပွားတိုင်း အတိုက်ခံအဖွဲ့အစည်းတို့၏ လက်ချက်ဟု စွပ်စွဲပြောဆိုတက်သော်လည်း ပေါက်ကွဲမှုဖြစ်ပွားတိုင်း တရာခံကိုဖမ်းဆီးရရှိခြင်းမရှိသေးပါ။

“ကျနော်တို့ မကြားသေးပါဘူး၊ ကျနော်တို့ပါတီအနေနဲ့ အဲဒီလိုလုပ်ရပ်မျိုး လုပ်မှာမဟုတ်ပါဘူး၊ ကျနော်တို့ဟာ ပြဿနာကို ငြိမ်းချမ်းတဲ့နည်းနဲ့ပဲ ဖြေရှင်းချင်တယ်” ဟု ဒုတိယဥက္ကဌ နိုင်ရဿက ပြောသည်။

ဒုက္ခသည်များအတွက် စားနပ်ရိက္ခာ အခက်အခဲကြုံတွေ့နိုင်ဖွယ်ရှိ

မိကျလွန်းထော

စစ်ရေးပဋိပက္ခများ ဖြစ်ပေါ်လာနိုင်ဖွယ်ရှိသည့်သတင်းကြောင့် နေအိမ်စွန့်ခွာပြီး ခလောက်ခနီ ဒုက္ခသည်စခန်းသို့ ရောက်ရှိလာကြသည့် ထွက်ပြေးတိမ်းရှောင်လာသူများအတွက် နေထိုင်ရေးနှင့် စားနပ်ရိက္ခာများ အခက်အခဲကြုံတွေ့ဖွယ်ရှိသည်။

“ဒီ ၂/၃ ရက်အတွင်းမှာဆိုရင် စားသောက်ဖို့က အဆင်ပြေပါတယ်၊ နောက်ရက်တွေအတွက်က မသေခြာသေးဘူး၊ TBBC အဖွဲ့တွေ မနေ့က လာကြည့်သွားတယ်၊ သူတို့နေရာပြန်ရောက်ရင် စားနပ်ရိက္ခာတွေ ပို့ပေးဖို့ စီစဉ်ပေးမယ်လို့ပြောထားတယ်၊ ဒါပေမယ့် အခုထိတော့ သတင်းမကြားသေးဘူး” ဟု ခလောက်ခနီ မွန်ဒုက္ခသည်စခန်းမှ တာဝန်ရှိသူတစ်ဦးက ပြောသည်။

ယခုလက်ရှိ ခလောက်ခနီဒုက္ခသည်စခန်းတွင် ဒုက္ခသည်ပေါင်း ၂၅၀ ဦးရောက်ရှိနေပြီး၊ ၄င်းအနီးရှိ ဖလဲ့ဒွန်းဖိုက်ဒုက္ခသည်စခန်းမှာလည်း ဒုက္ခသည် ၂၇၉ ဦးရောက်ရှိနေသည်ဟု ကယ်ဆယ်ရေးအဖွဲ့၏ စာရင်းကောက်နှုတ်ချက်အရ သိရသည်။

ထွက်ပြေးတိမ်းရှောင်လာသူများသည် အများအားဖြင့် အမျိုးသမီးများနှင့် ခလေးများ အဓိကပါဝင်ပြီး၊ မွန်ပြည်သစ်ပါတီထိန်းချုပ်ရာနယ်မြေမှ သပြုချောင်းရွာ၊ ဖလန်ရွာ၊ ဟနီရွာ၊ ချဲတိုက်ရွာနှင့် အနင်းရွာမှ ရွာသားများဒဖြစ်သည်။ ယခုလက်ရှိအခြေအနမှာ ခလောက်ခနီနှင့် ဖလဲ့ဒွန်းဖိုက်ရှိ ဘုန်းကြီးကျောင်း၊ စာသင်ကျောင်းမှာ ခေတ္တနေရာချထားပေးသည်။

၎င်းဒုက္ခတို့သည် စစ်ရေးအခြေအနေ ငြိမ်းအေးလာပါက နေရပ်သို့ပြန်ရန် အစီစဉ်ရှိကြောင်း၊ လက်ရှိအခြေအနေမှာ စားဝတ်နေရေး အစဉ်ပြေနေကြသော်လည်း သောက်သုံးရေလုံလောက်မှုမရှိခြင်ကြောင့် အခက်အခဲအနည်းငယ်ရှိနေသည်။

“ထိုင်းနိုင်ငံဘက်ကို တက်ဖို့တော့ အစီစဉ်မရှိဘူး၊ ရွာမှာ ခြံတွေလည်းရှိသေးတော့ အခြေအနေကောင်းရင် ရွာကိုပဲ ပြန်မှာပါ၊ အခု အမျိုးသားက ရွာမှာရှိနေတယ်၊ ကျမနဲ့ ခလေးတွေကျတော့ အရင်ထွက်လာထားတာပါ၊ ယောကျာ်းတွေကျတော့ ပြေးလို့လွယ်တယ်လေ၊ သူတို့တွေက အခြေအနေ စောင့်ကြည့်ပြီးတော့မှ တက်လာမယ်” ဟု ခလောက်ခနီသို့ရောက်ရှိနေသည့် သပြုချောင်းရွာမှ အမျိုးသမီးကတစ်ဦးက ပြောသည်။

မွန်ပြည်သစ်ပါတီမှ စစ်အစိုးရ ကမ်းလှမ်းထားသည့် ပြည်သူ့စစ်အသွင်ပြောင်းခြင်းကို ဧပြီလ ၂၂ ရက်နေ့တွင် တရားဝင် ငြင်းပယ်ပြီးနောက် လာမည့် ဧပြီလ ၂၈ ရက်နေ့တွင် မွန်ပြည်သစ်ပါတီအား ထိုးစစ်ဆင်မည်ဟူသော သတင်းများနှင့် စစ်ရေးလှုပ်ရှားမှုများကို မြင်တွေ့နေရခြင်းကြောင့် ယခုကဲ့သို့ ရွာသားများ အိုးအိမ်စွန့်ကာ တိမ်းရှောင်လာကြသည်။

ဘုရားသုံဆူမြို့တွင် သောက်သုံးရေရှားပါး ပြတ်လတ်မှုဖြစ်ပေါ်နေ

မင်းတော်လဝီ

ရာသီဥတုပူပြင်းမှုကြောင့် ထိုင်း-မြန်မာနယ်စပ် ဘုရားသုံးဆူမြို့ပေါ်တွင် သောက်သုံးရေရှားပါး ပြတ်လတ်မှုနှင့် ရင်ဆိုင်ကြုံတွေ့နေရပြီး ရေးကိုလည်း ဈေးကြီးစွာ ဝယ်ယူသုံးစွဲနေရကြောင်း ဒေသခံတို့က ပြောသည်။

“ဘုရားသုံးဆူမှာ ရပ်ကွက်ပေါင်း (၄) ရပ်ကွက်ရှိတယ် ရပ်ကွက်အတော်များများက ရေတွင်းရေကန်တွေ ရေခမ်းခြောက်ကုန်တော့ အမှတ် (၃) ရပ်ကွက်မှာရှိတဲ့ ဓမ္မဟေဝန်ကျောင်းက ရေတွင်း (၁) တွင်းနဲ့ အမှတ် (၄) ရပ်ကွက်က ရေတွင်း (၁) တွင်းက ရေကိုပဲ သောက်ရေအဖြစ် အသုံးပြုနေကြတယ်” ဟု အမှတ် (၃) ရပ်ကွက်သားတစ်ဦးက ပြောသည်။

ခါတိုင်းနှစ်ထက် ယခုနှစ်သင်္ကြန်လွန်ပြီးကာလမှာ သောက်ရေသာမက သုံးရေပါ ရှားပါးလာခြင်းကြောင့် သောက်ရေတစည်ကို ထိုင်းဘတ် (၇၀) ပေးနေရပြီး၊ သုံးရေတစ်စည်ကို ထိုင်းဘတ် (၄၀) ပေးနေရကြောင်း ထိုရပ်ကွက်သားက ပြောသည်။

အမှတ် (၄) ရပ်ကွက်ရှိ ရေတွင်းရေခမ်းသွားပြီးနောက် ဓမ္မဟေဝန်ကျောင်းက ရေကန်ကိုလည်း သောက်ရေအတွက်သာ ခပ်ခွင့်ပြုသည်။ ဆရာတော်မှ အိုး၊ ပုံးတွေနှင့်တနိုင်လာခပ်သူကိုသာ ခပ်ခွင့်ပေးပြီး စည်ဖြင့် ခပ်ပြီးရောင်းစားသူများကို ခွင့်မပြုတော့ဘူးဟု ကျောင်းဒါယကာတစ်ဦးက ပြောသည်။

ထိုမျှမက ရာဘာအစေးထုတ်လုပ်သည့်လုပ်ငန်းများ၊ မုန့်ထုတ်လုပ်သည့်လုပ်ငန်းနှင့် ရေခဲစက်လုပ်ငန်းရှင်များအတွက် ရေကိုဝယ်သုံးနေရသည့်အတွက်ကြောင့် လုပ်ငန်းထိခိုက်မှုများရှိနေကြောင်းကို မုန့်လုပ်ငန်းရှင်တစ်ဦးက ပြောသည်။

ဘုရားသုံးဆူမြို့ပေါ်တွင် စည်ပင်သာယာရေးအဖွဲ့မှ ရေပေးဝေစနစ်မရှိသဖြင့် အိမ်ထောင်စုပိုင်ရေတွင်း၊ အဝီစိတွင်းရေကို အဓိကထားသုံးစွဲနေကြပြီး၊ ငွေကြေးတက်နိုင်သူများကသာ စက်ရုံမှထုတ်သည့် ရေသန့်ဗူးကို ဝယ်ယူသုံးစွဲနိုင်သည်။ ယခုလို မသန့်ရှင်းသည့်ရေကိုသာ သုံးစွဲနေရသည့်အတွက် ရောဂါဖြစ်ပွားမည်ကို စိုးရိမ်နေကြတယ်လို့ ဘုရားသုံးဆူမြို့ခံ တစ်ဦးက ပြောသည်။

ယခုလို နွေးရာသီအတွင်း ရေးခမ်းခြောက်မှုပြဿနာဖြစ်ပွားနေခြင်းသည် ဘုရားသုံးဆူမြို့ပေါ်မှာသာမက မွန်ပြည်နယ်အတွင်းရှိ မြို့နယ်တချို့တွေမှာလည်း နှစ်တိုင်း ရင်ဆိုင်ကြုံတွေ့နေရပြီး၊ ရေကို ဝယ်ယူသုံးစွဲနေကြသည်။

ပြည်တွင်းစစ်သစ်နှင့် တိုင်းရင်းသားပြည်သူများ၏ ဒုက္ခ

"ကျန်တော်တို့အနေဖြင့် နိုင်ငံရေးပြဿနာကို နိုင်ငံရေးနည်းလမ်းအရ ဖြေရှင်းချင်လို့ အပစ်အခတ်ရပ်စဲတာပါ။ နိုင်ငံရေးဆွေးနွေးပွဲအတွက် အမြဲတမ်း တောင်းဆိုသွားမယ်" ဟု အပစ်အခတ်ရပ်စဲရေးသဘောတူညီချက် ရယူစဉ် မွန်ပြည်သစ်ပါတီ ဥက္ကဌနိုင်ရွှေကျင်က ပြောကြားခဲ့ပေသည်။ သို့သော် မွန်ပြည်သစ်ပါတီ ဥက္ကဌကား (၂၀၀၃) ခုနှစ်တွင် ကွယ်လွန်သွားပြီး စစ်မှန်သည့် နိုင်ငံရေး တွေ့ဆုံဆွေးနွေးပွဲကို မမြင်တွေ့သွားပေ။ ၂၀၀၈ ခုနှစ်တွင် စစ်အစိုးရမှ ရေးဆွဲသည့် ဖွဲ့စည်းအုပ်ချုပ်ပုံ အခြေခံဥပဒေအား အတည်ပြုပြီးနောက် စစ်အစိုးရနှင့် တိုင်းရင်းသားလက်နက်ကိုင် အင်အားများအကြား နိုင်ငံရေးဆွေးနွေးပွဲ ဖြစ်ပေါ်လာရန် မလွယ်ကူတော့ပေ။

ခရစ်သက္ကရာဇ် ၁၇၅၇ ခုနှစ်တွင် ဗမာဘုရင်အလောင်းဘုရား ဦးအောင်ဇေယျမှ မွန်တို့၏ တိုင်းနိုင်ငံ ဟံသာဝတီနေပြည်တော်အား တိုက်ခိုက်သိမ်းပိုက်ပြီးတဲ့နောက်ပိုင်း၊ မွန်အမျိုးသားတို့ကား ခေတ်အဆက်ဆက် မိမိတို့အမျိုးသား ကိုယ်ပိုင်ပြဌာန်းခွင့်အတွက် လှုပ်ရှားရုန်းကန်ခဲ့ပေသည်။ မြန်မာနိုင်ငံသည် ၁၉၄၈ ခုနှစ်က လွတ်လပ်ရေးရရှိသော်လည်း မွန်ပြည်သူတို့ကား မလွတ်လပ်သေးသည့်အတွက် မွန်ပြည်သစ်ပါတီမှ လက်နက်ကိုင်လမ်းစဉ်ဖြင့် ရန်ကုန်စစ်အစိုးရအား တိုက်ခိုက်ခဲ့ပေသည်။ နိုင်ငံရေးပြဿနာကို ဖြေရှင်းလိုသည့် မွန်ပြည်သစ်ပါတီသည် ၁၉၉၅ ခုနှစ်တွင် စစ်အစိုးရနှင့် အပစ်အခတ်ရပ်စဲရေး သဘောတူညီချက်ကို ရယူခဲ့သည်။

ပြီးခဲ့သည့် မတ်လတွင် ၂၀၁၀ ခုနှစ်နောက်ပိုင်းကာလတခုခုတွင် စစ်အစိုး ရအလိုကျ ရွေးကောက်ပွဲတရပ် ကျင်းပရန်အတွက် ရွေးကောက်ပွဲဥပဒေများ နိုင်ငံရေးပါတီထူထောင်ခြင်းဥပဒေများ၊ နိုင်ငံရေးပါတီ မှတ်ပုံတင်ခြင်းဥပဒေများကို ကြေညာခဲ့ပေသည်။ တချိန်တည်းတွင် မွန်ပြည်သစ်ပါတီအပါအဝင် အခြားသော အပစ်အခတ်ရပ်စဲ တိုင်းရင်းသားအဖွဲ့အစည်းများအား ရွေးကောက်ပွဲဝင်ရန်၊ ၄င်းတို့၏ လက်နက်ကိုင်တပ်ဖွဲ့တို့အား နယ်ခြားစောင့်တပ် (သို့မဟုတ်) ပြည်သူ့ စစ်တပ်အသွင်ပြောင်းရန် ဖိအားပေးခဲ့ပေသည်။

၂၀၀၈ ဖွဲ့စည်းပုံ အခြေခံဥပဒေအပေါ် အခြေခံထားသည့် ရွေးကောက်ပွဲသည် စစ်တပ်ခေါင်းဆောင်များအား ရွေးကောက်ပွဲ ဝင်ရောက်စရာမလိုပဲ ပါလီမန်တွင် (၂၅%) နေရာရယူထားပေသည်။ အခြားသော တိုင်းရင်းသားပါတီများကား ပါလီမန်နေရာရရှိရေးအတွက် မိမိတို့အမျိုးသားရေးအတွက် ဖွဲ့စည်းကာ ယှဉ်ပြိုင် ရမည့်အတွက် အမျိုးသားလွတ်မြောက်ရေးအတွက် လက်နက်များကိုစွန့်လွှတ်ပြီး ပါတီဖွဲ့စည်းကာ ယှဉ်ပြိုင်ရမည်ဖြစ်ပြီး အမျိုးသားလွတ်မြောက်ရေးအတွက် နိုင်ငံရေး ဦးတည်ချက်ရှိသည့် နိုင်ငံရေးပါတီများ ရွေးကောက်ပွဲ ဝင်မည်မဟုတ်ပေ။

မွန်ပြည်သစ်ပါတီသည် ၂၀၀၈ ခုနှစ် ဖွဲ့စည်းပုံအခြေခံဥပဒေကို ပြင်ဆင်ပေးရန် တစိုက်မတ်မတ် တောင်းဆိုခဲ့ပေသည်။ အခြားနိုင်ငံတကာအဖွဲ့အစည်းနှင့် ဒီမိုကရေစီအင်အားစုတို့လည်း အလားတူ တောင်းဆိုခဲ့ပေသည်။ သို့ရာတွင် စစ်အစိုးရကား ယခု ၂၀၁၀ ရွေးကောက်ပွဲတွင် ဝင်ရောက်ရန် ရက်ပေါင်း (၆၀) အချိန်ပေးပြီး ပါတီမှတ်ပုံတင်ခြင်း ပြုလုပ်ရန် သတ်မှတ်ထားပေသည်။ အကယ်၍ တိုင်းရင်းသားအပစ်အခတ်ရပ်စဲရေး နိုင်ငံရေးပါတီများ မှတ်ပုံမတင်ပါက တရားမဝင်နိုင်ငံရေးပါတီအဖြစ်သို့ ကူးပြောင်းသွားမည် ဖြစ်ပေသည်။

ထိုအချိန်တွင် မွန်ပြည်သစ်ပါတီနှင့် စစ်အစိုးရတို့အကြား အပစ်အခတ်ရပ်စဲရေးသည်လည်း ပျက်ပြယ်သွားနိုင်သည့် အခြေအနေသို့ ဆိုက်ရောက်နိုင်ပေသည်။ ထိုအခြေအနေတွင် တဖက်နှင့်တဖက် တိုက်ခိုက်မှု ဖြစ်ပွားနိုင်ပြီး အဓိက အပစ်အခတ်ရပ်စဲရေးအဖွဲ့ (၅) ဖွဲ့နှင့် တိုက်ပွဲပြန်လည်ဖြစ်ပွားကာ တိုင်းရင်းသား ပြည်သူများ အကြီးအကျယ်ဒုက္ခရောက်ကြမည်။

တရုတ် - မြန်မာနယ်စပ်၊ ထိုင်း - မြန်မာနယ်စပ်တို့တွင် မတည်ငြိမ်မှုများ ရှိလာပြီး ဒုက္ခသည်အများအပြား ထွက်ပြေးလာနိုင်သည့်အခြေအနေ ရှိလာနိုင်ပေသည်။ ပြည်တွင်းဒုက္ခသည်များ အကြီးအကျယ်ဒုက္ခရောက်နိုင်သည့် အခြေအနေ ရှိနေပေသည်။ သို့ရာတွင် မြန်မာနိုင်ငံပြဿနာကား ကမ္ဘာ့ပြဿနာ ဖြစ်နေသည့်အတွက် နိုင်ငံတကာအစိုးရမှ တက်ရောက်လာမည့် စစ်အစိုးရသစ်အား ဆက်လက်ဖိအားပေးသွားမည်ဖြစ်ကြောင်း တင်ပြလိုက်ရပေသည်။

မွန်ပြည်သစ်ပါတီနယ်မြေအတွင်းရှိ ရွာသားများ အိုးအိမ်စွန့်ကြပြီ

လွတ်လပ်သောမွန်သတင်းအေဂျင်စီ

မွန်ပြည်သစ်ပါတီနှင့် စစ်အစိုးရတို့၏ စစ်ရေးပဋိပက္ခဖြစ်ပေါ်နိုင်သည့် အရိပ်အယောင်များ မြင်တွေ့နေရသည့်အတွက် မွန်ပြည်သစ်ပါတီ ထိန်းချုပ်နယ်မြေအတွင်းမှ ရွာသားများ အိုးအိမ်စွန့်ကာ စစ်ဘေးမှ လွတ်ကင်းနိုင်မည့် အရပ်သို့ ရှောင်တိမ်းနေကြသည်။

ရာချီရှိသော ရွာသားများ ရေးမြို့သို့ ပြောင်းရွှေ့လာကြပြီး၊ ထိုင်း-မြန်မာနယ်စပ် ခလောက်ခနီဒုက္ခသည်စခန်းသို့လည်း ရာချီရောက်ရှိလာကြကြောင်း ဒေသခံတို့က ပြောသည်။

“ရေးမြို့ကို ပြောင်းလာတဲ့ လူတွေကတော့ ရေးမြို့မှာ သူတို့ဆွေမျိုးတွေ ရှိကြတယ်၊ အများအားဖြင့် ကျုံလောင်း၊ ဝယ်ဇင်၊ ဖလန် စတဲ့ရွာတွေက များတယ်၊ အရေအတွက် ဘယ်လောက်ရှိမလဲဆိုတာတော့ ခန့်မှန်းဖို့ ခက်တယ်၊ ရာချီရှိလိမ့်မယ်ထင်တယ်” ဟု ရေးမြို့ အောင်မင်္ဂလာရပ်ကွက်သားတစ်ဦးက ပြောသည်။

မွန်ပြည်သစ်ပါတီက စစ်အစိုးရ ကမ်းလှမ်းထားသည့် ပြည်သူ့စစ်အသွင်ပြောင်းခြင်းကို ဧပြီလ ၂၂ ရက်နေ့တွင် တရားဝင် ငြင်းပယ်ပြီးနောက် လာမည့် ဧပြီလ ၂၈ ရက်နေ့တွင် မွန်ပြည်သစ်ပါတီအား မတရားအသင်းအဖြစ် ကြေညာပြီး၊ ထိုးစစ်ဆင်မည်ဟူသော သတင်းများနှင့် စစ်ရေးလှုပ်ရှားမှုများကို မြင်တွေ့နေရခြင်းကြောင့် ယခုကဲ့သို့ ရွာသားများ အိုးအိမ်စွန့်ကာ တိမ်းရှောင်ရခြင်း ဖြစ်ကြောင်း တိမ်းရှောင်နေသူတို့က ပြောသည်။

“ကျနော်တို့ရွာမှာဆို လူတောင်မရှိတော့ဘူး၊ ဈေးဆိုင်တွေဆို အားလုံးမသယ်နိုင်လို့ လျှော့ဈေးနဲ့ အကုန်ရောင်းတယ်၊ ဘီယာတစ်ဗူးကို ၅၀၀ ကျပ်နဲ့ရောင်းတယ်၊ ကြက်သားဆို တစ်ပိဿာ ၁၈၀၀၊ ဆန်တစ်တင်းကို ၈၀၀၀ ကျပ်နဲ့ ရောင်းတယ်၊ ဒါပေမယ့် ဝယ်တဲ့သူ မရှိဘူး” ဟု ဖလန်ရွာမှ ရေးမြို့သို့ တိမ်းရှောင်လာသူတစ်ဦးက ပြောသည်။

“စစ်သားတွေ ထော်လာဂျီကားနဲ့ သွားနေတာ တွေ့နေရတယ်၊ တစ်ကားဆို စစ်သားအယောက် ၂၀ လောက်ပါမယ်၊ လက်နက်အပြည့်အစုံပဲ၊ ထော်လာဂျီကားနဲ့ဆို အဝေးက လာတာ မဖြစ်နိုင်ဘူး၊ ဒီရေးမြို့နယ်မှာ ရှိတဲ့ စစ်တပ်ကပဲ ဖြစ်နိုင်မယ်၊ ဝယ်ဇင် (မွန်ပြည်သစ် ထိန်းချုပ်နယ်မြေ) ဘက်ကို တက်မယ်လို့ ကြားတာပဲ” ဟု ရေးမြို့အဏ္ဏဝါရပ်ကွက်သားတစ်ဦးက ပြောသည်။

စစ်ပွဲဖြစ်ပွားခဲ့ပါက ထိုင်းနိုင်ငံအတွင်းသို့် ပြေးဝင်ရန်အတွက် ထိုင်းနိုင်ငံနယ်စပ် ခလောက်ခနီမွန်ဒုက္ခသည်စခန်းသို့ ရောက်ရှိလာသည့် ဒုက္ခသည် ၄၀၀ ခန့် ရှိကြောင်း မွန်ကယ်ဆယ်ရေးနှင့် ဖွံ့ဖြိုးရေးကော်မတီက ပြောသည်။

လတ်တလောတွင် ဒုက္ခသည်များကို စာသင်ကျောင်း၊ ဘုန်းတော်ကြီးကျောင်းနှင့် အသိမိတ်ဆွေအိမ်များတွင် နေရာချထားပေးပြီး၊ ထိုင်း-မြန်မာ နယ်စပ်တလျှောက် ကူညီစောင့်ရှောက်ရေး ညွန့်ပေါင်းအဖွဲ့ (TBBC) မှတဆင့် မွန်ကယ်ဆယ်ရေးနှင့် ဖွံ့ဖြိုးရေးကော်မတီက စားနပ်ရိက္ခာများ ထောက်ပံ့ပေးထားကြောင်း သိရသည်။

ကောလဟာလ သတင်းတွေကြောင့် ရွာသားများ ထိတ်လန့်နေကြ

ဝီရမာဉ်
မွန်ပြည်နယ်၊ ရေးမြို့နယ်မြောက်ပိုင်းရှိ ကျေးရွာများတွင် ယခုရက်ပိုင်းအတွင်း ဓါးပြ များလှုပ်ရှားနေသည် ကောလဟာလသတင်းကြောင့် ဒေသခံများ ရွာပြင်မထွက်မရဲကြဘဲ ထိန့်လန့်ကြောက်ရွံ့နေကြသည်။

ရေးမြို့နယ်မြောက်ပိုင်းရှိ တူးမြောင်းရွာ၊ စုံနံသာရွာ၊ အရုတောင်ရွာ၊ အဗြိုင်ရွာနှင့် စုံပတောက်ကျေးရွာဒေသတဝိုက်ရှိ တောထဲတွင် ဓါးပြများလှုပ်ရှားနေသည့် သတင်းကြောင့် ဒေသခံများ တောမထွက်ရဲခြင်းကြောင့် ယခု ရာသီအလိုက်ထွန်းသော ခြံထွက်ပစ္စည်းများဖြစ်သည့် ကွမ်းသီး၊ သံပရာသီး၊ အခြားခြံထွက်သီးနှံများနှင့် ရာဘာများကို မလှီးနိုင်သောကြောင့် စားဝတ်နေရေး ငွေအကြးအခက်ကြုံနေရသည်ဟု ဒေသခံတို့က ပြောသည်။

“ကြောက်တော့ ကြောက်နေကြတာပဲ ဘာကိုကြောင်းမှန်းတော့မသိဘူး၊ တချို့ကပြောတော့ လူလေးယောက် ဓားနဲ့ လှံနဲ့တဲ့၊ တချို့ကျတော့ ရှစ်ယောက်တွေ့တယ်၊ တချို့ပြောတာက အဲဒီအဖွဲ့ထဲမှာ မိန်းကလေးလည်းပါတယ်တဲ့ အမျိုးမျိုးတော့ပြောနေကြတာပဲ ဒဲာဒီသတင်းတွေကြောင့် ရာဘာခြံတောင်မသွားရဲကြတော့ဘူး” ဟု စုံနံသာရွာခံ ရာဘာခြံလုပ်သား အမျိုးသမီးတစ်ဦးက ပြောသည်။

ထိုကောလဟာလသတင်းသည် လွန်ခဲ့သည့် ၁၀ ရက်ကျော်ကျော်ကပင် ပြန့်နှံ့နေပြီး ဒေသခံများလည်း အလုပ်ပျက်ကာ စားဝတ်နေရေးမှာ အခက်အခဲကြုံတွေ့နေကြသည်။ အကြောင်းကာ ထိုဒေသအတွင်းရှိ ဒေသခံများသည် ခြံလုပ်ကိုင်ခြင်းဖြင့် အဓိက အသက်မွေးဝမ်းကျောင်းပြုနေကြသည်။

“၁၀ ရက်ကျော်နေပြီး အစေးမလှီးရဲတာ တယောက်မှမသွားရဲတော့ ကိုယ်လည်းဘယ်သွားရဲမှာလည်း တခြံနဲ့တခြံကလည်း အလှမ်းဝေးတယ်၊ အော်ခေါ်တာတောင်မကြားဘူးဆိုတော့ ဘယ်သွားရဲမှာလည်း စားဖို့တော့ အခက်အခဲဖြစ်တယ် အခုလို အလုပ်မလုပ်ရတော့လေ” အသက် ၃၀ အရွယ် အမျိုးသမီးတစ်ဦးက ပြောသည်။

စုံနံသာရွာသည် ရေးမြို့၏မြောက်ဘက်ပိုင်းကျပြီး၊ ရေးမှ ခြောက်မိုင်ခန့်သွားရသည်။ ၄င်းရွာ၏ အရှေ့ဘက် သုံးမိုင်ခန့်အကွာမှာ အဗြိုင်ရွာရှိသည်။

“ကျမတို့ရွာမှာကတော့ ညတိုင်း ကင်းစောင့်နေရတယ်၊ တစ်ရွာလုံးလည်း ပင်ပန်းနေကြပြီး” ဟု အဗြိုင်ရွာခံတစ်ဦးက ပြောသည်။

ရွာလူကြီး၏ အမိန့်ဖြင့် အလှည့်ကျ တစ်အိမ်လျှင် တစ်ယောက် ညလုံးပေါက် ကင်းစောင့် နေရသည်။ ရွာသားများ ကင်းစောင့်နေရခြင်း၊ ကြောက်၍ အလုပ်လုပ်ရခြင်းကြောင်း တရွာလုံးနီးပါး ဒုက္ခရောက်နေကြသည်ဟု ၄င်းက ပြောသည်။

ဤသတင်းနှင့် ဆက်စပ်ပြီး ယခုရက်ပိုင်းအတွင်း လူသတ်မှုသတင်းများ၊ ဆိုင်ကယ် လုရက်မှုသတင်းများ ဆက်တိုက်ကြားနေရခြင်းကြောင့် ဒေသခံများ ပိုမို ထိန့်လန့်နေကြကြောင်း ဒေသခံတို့က ပြောသည်။

မွန်ပြည်သစ်မှ စစ်ရေးအသင့်ပြင်ထားသည့်အနေအထားမှာရှိနေ

လွတ်လပ်သောမွန်သတင်းအေဂျင်စီ
မြန်မာစစ်အစိုးမှ မွန်ပြည်သစ်ပါတီကို ပြည်သူ့စစ်အသွင်းပြောင်းရန် ကမ်းလှမ်းထားချက်ကို ပါတီမှ လက်မခံကြောင်း အကြောင်းပြန်ထားပြီးနောက် လက်ရှိတင်းမာနေသည့်အနေအထားမှာ မွန်ပြည်သစ်ပါတီလက်အောက်ရှိ တပ်ရင်းများ စစ်ရေးအသင့်ပြင်ထားသည့်အနေအထားမှာရှိနေသည်။

“ပါတီအနေနဲ့ကတော့ သူတို့ရဲ့ ပါတီဝင်တွေကို ခေါ်ယူစုဆောင်းနေပြီးတော့ လိုအပ်တဲ့ ပြင်ဆင်မှုတွေ အရေးပေါ်လုပ်ဆောင်နေတယ်” ဟု မွန်ပြည်သစ်ပါတီနှင့် နီးစပ်သူတစ်ဦးက ပြောသည်။

ယခုလို ပါတီဝင်များကို ဌာနေသို့ ပြန်လည်ခေါ်ဆောင်နေသည်ကို ယခင်က ကြားထားသော်လည်း ယခုလို မြန်မြန်ဆန်ဆန်နှင့် ဖြစ်လိမ့်မည်ဟု မထင်ထားကြောင်း ပြည်တွင်းရှိ ပါတီဝင်များက ပြောသည်။

လွန်ခဲ့သည့် ဧပြီလ ၂၃ ရက်နေ့ မွန်ပြည်သစ်ပါတီ ပြုလုပ်သည့်သတင်းစာရှင်းလင်းပွဲတွင် ပြည်တွင်းရှိ မွန်ပြည်သစ်ပါတီရုံးများ၊ ပါတီနှင့်သက်ဆိုင်သည့်ရုံးများကို နီးစပ်ရာမွန်ပြည်သစ်ပါတီထိန်းချုပ်ရာနေရာသို့ ပြောင်းရွေ့ထားခိုင်းသည်ဟု ပြောရေးဆိုခွင့်ရှိသူ နိုင်ချေးမွန်က ပြောသည်။

ပါတီခေါင်းဆောင်နှင့် နီးစပ်သူတစ်ဦးကလည်း “ပြည်တွင်းမှာရှိတဲ့ တာဝန်ရှိသူတွေကအစ သူ့ဌာနနဲ့သူ ပါတီဝင်တွေရော သူတို့ဌာနကို ၂၈ ရက်နေ့ နောက်ဆုံး အမြန်ပြန်ကြဖို့ အထက်ကတာဝန်ရှိသူတွေ ညွှန်ကြားထားတယ်” ဟု သူက ပြောသည်။

မွန်ပြည်သစ်ပါတီဝင်ဟောင်းများ၊ ပါတီအကျိုးဆောင်များ ၄င်းတို့နှင့်သက်ဆိုင်ရာတပ်ရင်းများမှာ အမြင့်ဆုံးတပ်လှန့်ထားရန် တာဝန်ရှိသူများက အမိန့်ပေးထားသည်ဟု အဆိုပါခေါင်းဆောင်နှင့် နီးစပ်သူက ပြောသည်။

ယခုလက်ရှိ မွန်ပြည်သစ်ပါတီနှင့် စစ်အစိုးရကြား အခြေအနေတင်းမာနေသော်လည်း တစုံတရာဖြစ်ပွားခြင်းမရှိသေးကြောင်း၊ ထိုသတင်းကြောင့် မွန်ပြည်သစ်ပါတီထိန်းချုပ်နယ်မြေအတွင်း နေထိုင်နေကြသည့် ဒေသခံများ စစ်ထပ်မံဖြစ်ပွားမည်ကို ထိန့်လန့်ကြောက်ရွံ့ကာ ထိုင်း-မြန်မာနယ်စပ်ရှိ ခလောက်ခနီဒုက္ခသည်စခန်းသို့ ရာနှင့်ချီ ထွက်ပြေးရောက်ရှိလာကြသည်။

၂၀၁၀ ဧပြီလ ၇ ရက်နေ့တွင် တပ်မတော်စစ်ဘက်ရေးရာ လုံခြုံရေးအဖွဲ့ ဒုဗိုလ်ချုပ်ကြီးရဲမြင့်နှင့် မွန်ပြည်သစ်ပါတီမှ ဗဟိုအလုပ်အမှုဆောင်များနှင့် ဗဟိုကော်မတီဝင်များတို့သည် အရှေ့တောင်တိုင်းစစ်ဌာနချုပ်၌ တွေ့ဆုံခဲ့ကြပြီး၊ မွန်ပြည်သစ်ပါတီမှ ၄င်းတို့ကမ်းလှမ်းချက်ကို လက်မခံပါက ၁၉၉၅ ခုနှစ်နောက်ပိုင်း အခြေအနေသို့ ပြန်လည် ရောက်ရှိသွားမည်ဟု ဒုဗိုလ်ချုပ်ကြီး ရဲမြင့်က မွန်ပြည်သစ်ပါတီအား ပြောဆိုထားသည်။

ပြည်သူ့စစ်ပုံစံ လက်မခံဟု မွန်ပြည်သစ် တရားဝင်ပြော

လွတ်လပ်သောမွန်သတင်းအေဂျင်စီ

လက်ရှိမြန်မာအစိုးရမှ မွန်ပြည်သစ်ပါတီကို ပြည်သူ့စစ်ပုံစံ အသွင်ပြောင်းဖွဲ့စည်းခိုင်းသည့်အပေါ် ပါတီမှ လုံးဝလက်မခံကြောင်း ယနေ့ပါတီသတင်းစာရှင်းလင်းပွဲမှာ တရားဝင်ပြောကြားသည်။

ပြည်သူ့စစ်ပုံစံအဖြစ် လက်မခံနိုင်ကြောင်းကို အမျိုးသားညီလာခံတက်ရောက်ခဲ့သူ ပါတီမှ ဗဟိုကော်မတီဝင် နိုင်တင်လှမှ ဧပြီလ ၂၂ ရက်နေ့တွင် အရှေ့တောင်တိုင်းစစ်ဌာနချုပ်ထံသို့ သွားရောက်အကြောင်းကြားခဲ့သည်။

“အရှေ့တောင်တိုင်းက လက်ခံရရှိထားတာကတော့ သေချာပါတယ်” ဟု ပါတီမှ ပြောရေးဆိုခွင့်ရှိသူ နိုင်ချေမွန်က ပြောသည်။ “လောလောဆယ်မှာတော့ ဟိုကနေ ပြန်ပေးတဲ့သဘောထားကတော့ မရရှိသေးပါဘူး”။

မြန်မာစစ်အစိုးရမှ ပြည်သူ့စစ်ပုံစံအဖြစ် အတင်းအကြပ် ဖွဲ့စည်းခိုင်းပါက ပြန်လည်ကာကွယ်သွားမည့်အစီအစဉ်ကို ပြုလုပ်သွားမည်ဟု ၄င်းပြောရေးဆိုခွင့်ရှိသူက ပြောသည်။

“ယခုလောလောဆယ်မှာ ပြည်တွင်းမှာရှိတဲ့ မွန်ပြည်သစ်ပါတီရုံးတွေ ကျနော်တို့နဲ့ နီးစပ်ရာ ကျနော်တို့နဲ့ ထိစပ်တဲ့နယ်မြေတွေဘက်မှာ ပြောင်းရွေ့ထားပါတယ်” ဟု နိုင်ချေးမွန်က ပြောသည်။

၂၀၁၀ ဧပြီလ ၇ ရက်နေ့တွင် တပ်မတော်စစ်ဘက်ရေးရာ လုံခြုံရေးအဖွဲ့ ဒုဗိုလ်ချုပ်ကြီးရဲမြင့်နှင့် မွန်ပြည်သစ်ပါတီမှ ဗဟိုအလုပ်အမှုဆောင်များနှင့် ဗဟိုကော်မတီဝင်များတို့သည် အရှေ့တောင်တိုင်းစစ်ဌာနချုပ်၌ တွေ့ဆုံခဲ့ကြပြီး၊ မွန်ပြည်သစ်ပါတီမှ ၄င်းတို့ကမ်းလှမ်းချက်ကို လက်မခံပါက ၁၉၉၅ ခုနှစ်နောက်ပိုင်း အခြေအနေသို့ ပြန်လည် ရောက်ရှိသွားမည်ဟု ဒုဗိုလ်ချုပ်ကြီး ရဲမြင့်က မွန်ပြည်သစ်ပါတီအား ပြောဆိုထားသည်။

အမျိုးသားအခွင့်အရေးပြဿနာကို ပြေလည်အောင် မဖြေရှင်းနိုင်ခင်စပ်ကြား တပ်ဖွဲ့များအသွင်ပြောင်းလက်ခံရန် များစွာအခက်အခဲရှိသည်။ မွန်ပြည်သစ်ပါတီနှင့် တပ်ဖွဲ့ဝင်များ၊ မွန်မျိုးချစ်များအနေဖြင့် လက်ခံလိုသောဆန္ဒမရှိပါ။

လောလောဆယ်အခြေအနေ၌ ယခုလက်ရှိနိုင်ငံရေးအနေအထားအတိုင်း လက်ရှိရရှိထားသော ငြိမ်းချမ်းရေးကို အတက်နိုင်ဆုံး ထိန်းသိမ်းလိုသည်။ ဧပြီလ ၂၂ ရက်နေ့တွင် အရေးပေါ် ဗဟိုကော်မတီအစည်းအဝေးကျင်းပပြီး အလေးအနက်ထပ်မံဆွေးနွေးထားကြသည်။

ငြိမ်းချမ်းရေး အဓွန့်တည်တံ့ရေးနှင့် အမျိုးသားပြန်လည်သင့်မြတ်ရေးအတွက် နိုင်ငံရေးပြဿနာကို တွေ့ဆုံဆွေးနွေး အဖြေရှာရန် အလေးအနက် လိုလားဆန္ဒရှိကြသည်။

၁၉၉၅ ခုနှစ် အပစ်အခတ်ရပ်စဲရေး ရယူစဉ်က သက်ဆိုင်ရာနိုင်ငံရေးအကြီးအကဲမှ သဘောထားပေးထားသည့်အတိုင်း နိုင်ငံရေးကိစ္စများကို နောင်တက်လာမည့် ဒီမိုကရေစီအစိုးရနှင့် ညှိနှိုင်းဆွေးနွေးလိုသည်။

အစိုးရမှ တာဝန်ပျက်ကွက်မှုကြောင့် လယ်သမားများအခက်ကြုံနေကြ

မိကျလွန်းထော

မွန်ပြည်နယ်၊ ချောင်းဆုံမြို့နယ်၊ ဒရယ်ကျေးရွာ ပင်လယ်ကမ်းစပ်အနီးရှိ လယ်ယာမြေများကို လယ်သမားများ ကိုယ်ထူကိုယ်ထစနစ်ဖြင့် ပြုပြင်ရာတွင် ဆည်မြောင်းဝန်ကြီးဌာနမှ တာဝန်ပျက်ကွက်မှုကြောင့် အခက်အခဲနှင့် ရင်ဆိုင်နေရသည်။

“ကမ်းစပ်အနီးမှာရှိတဲ့ လယ်မြေတွေ ရေတိုက်စားနေတာကို ကာကွယ်ဖို့အတွက် ဝိုင်းပြီး မြေဖို့ဖို့ ကျွန်တော်တို့ လယ်သမားတွေစုပြီး မြို့နယ်မှုးကိုစာတင်ပေးဖို့ ရွာဥက္ကဌကို တောင်းခံခဲ့တာပါ၊ ရေတိုက်စားထားလို့ လယ်တွေ တော်တော်ပျက်စီးနေပြီး၊ နှစ်တိုင်းပဲ မြေတူးတဲ့ကားကို တောင်းနေတာ ဒီနှစ်မှပဲရတော့တယ်၊ ရပြန်တော့လည်း ရက် ၂၀ လောက်မြေဖို့ရမယ့်နေရာမှာ ၄ ရက်လောက်ပဲ လုပ်ပေးပြီးတော့ ပြန်သွားတယ်၊ အခုဆို ကျွန်တော်တို့ လယ်မြေတွေလည်း ဟိုမရောက် ဒီမရောက်နဲ့ မြေဖို့ပေးထားတဲ့နေရာမှာ ရေတိုက်စားလို့ ပြန်ပျက်နေပြီး” ဟု လယ်သမားတစ်ဦးက ဆိုသည်။

လယ်သမားတို့၏ တောင်းဆိုမှုကြောင့် ချောင်းဆုံမြို့နယ် ဆည်မြောင်းဝန်ကြီးဌာနမှ လယ်ယာမြေပြုပြင်ရန်အတွက် မြေတူးစက်ကားကြီးတစ်စီးကို မတ်လ ၁၄ ရက်နေ့တွင် ချပေးခဲ့ပြီး၊ မတ်လ ၁၉ ရက်နေ့တွင် နေပြည်တော်မှ အမိန့်စာကြောင့် ဘီလူးကျွန်းမှ ဟင်္သာကျွန်းသို့ ပြန်သွားခဲ့သည်။

“စုစုပေါင်း လယ်မြေ ဧက ၁၀၀ လောက်ကို ဝိုင်းပြီးတော့ မြေဖို့ရမယ်၊ အခုက ၁၀ ဧကလောက်တောင် မရသေးဘူး နေပြည်တော်က အမိန့်စာနဲ့ ဟင်္သာကျွန်းကို သွားရမယ်ဆိုပြီးတော့ တဝက်တပျက်နဲ့ မြေတူးကားက ပြန်သွားတယ်၊ ဦးပိုင်တကွက်လောက်ပဲ ပြီးသေးတယ်၊ ဟိုတစ်ပိုင်း ဒီတစ်ပိုင်းနဲ့ ဒီအတိုင်း ပစ်ထားမယ်ဆိုရင် မိုးတွင်းရောက်ရင် ရေတိုက်စားလို့ ပြန်ပျက်အုံးမှာပဲ ဘာမှမထူးဘူး၊ ပိုက်ဆံလည်းကုန် လူလည်းပင်ပန်းတယ်” ဟု ထိုအဖြစ်အပျက်ကို ကိုယ်တိုင်ကြုံတွေ့နေခဲ့သူ လယ်သမားတစ်ဦးက ပြောသည်။

လယ်သမား ၈ ဦးဖြင့် ၄င်းတို့၏လယ်ယာမြေများကို ကိုယ်ထူကိုယ်ထ ပြုပြင်ရာတွင် စက်သုံးဆီ၊ စားသုံးစရိတ်၊ အလုပ်သမားငှားခအစရှိသည့် ကုန်ကျစရိတ်အားလုံးအတွက် လယ်သမားတစ်ဦးလျှင် ငွေကျပ် ၁ သိန်း စုပေါင်းပေးဆောင်ထားပြီး ဖြစ်သည်။

“ဘီလူးကျွန်း ဆည်မြောင်းဌာနက မြို့နယ်ဦးစီးမှုးတွေ ပိုက်ဆံစားချင်လို့ အခုလိုလုပ်လိုက်တာပဲ၊ ခရိုင်ဆည်မြောင်းရုံးကို တိုင်ကြားထားပြီးပြီ၊ ပြန်ပို့ပေးမယ်လို့တော့ ပြောတာပဲ၊ မိုးမရွာခင် စက်ရောက်ရင် ကောင်းမယ်၊ မရောက်ရင်တော့ လယ်မြေတွေက အရင်အတိုင်းပဲ ပြန်ဖြစ်မှာပဲ” ဟု အခြားလယ်သမားတစ်ဦးက ပြောသည်။

စိုက်ပျိုးရေးဝန်ကြီးဌာနမှ မန်နေဂျာဟောင်းတစ်ဦး၏ အဆိုရ နိုင်ငံတော် ဥပဒေအရ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနတို့ဟာ လယ်သမားတို့၏ လိုအပ်ချက်မှန်သမျှကို ဖြည့်ဆည်းပေးရန်အတွက် ဆည်မြောင်းဦးစီးဌာန၏ ထိန်းသိမ်းရေးနှင့် တည်ဆောက်ရေးအောက်မှ ကျခံသုံးစွဲပေးရမည်ဖြစ်သည်။

“လယ်သမားတွေက ကိုယ်ထူကိုယ်ထစနစ်နဲ့ လုပ်နေတာတောင် ဆည်မြောင်းဦးစီးဌာနတွေက အခုလိုအပြည့်အဝ လုပ်မပေးတဲ့အပြင် ဘီလူးကျွန်းကနေတဆင့် ဟင်္သာကျွန်းကို စက်ပြန်ပို့လိုက်တာဟာ လုံးဝကို မတရားရာကျနေပါပြီ” ဟု ၄င်းက ပြောသည်။

မွန်ဒေသလုံးဆိုင်ရာဒီမိုကရေစီပါတီမှ ကော်မတီဝင် ၁၅ ဦးရွေးချယ်ပြီး မှတ်ပုံတင်

လွတ်လပ်သောမွန်သတင်းအေဂျင်စီ

မွန်ဒေသလုံးဆိုင်ရာဒီမိုကရေစီပါတီမှ ကော်မတီဝင် ၁၅ ဦးရွေးချယ်ပြီးနောက် မှတ်ပုံတင်ရန်အတွက် ယမန်နေ့က နေပြည်တော်သို့ ကော်မတီဝင်များ သွားရောက်ပြီးဖြစ်သည်။

ဧပြီလ ၂၂ ရက်နေ့ မနက်ပိုင်းမှာ ကော်မတီဝင်တချို့က မှတ်ပုံတင်ရန်အတွက် နေပြည်တော်တက်သွားသည်။ အကယ်၍ စစ်အစိုးရမှ ထိုပါတီကို အတည်ပြုမည်ဆိုလျှင် ပါတီအနေနှင့် ပါတီခေါင်းဆောင်နှစ်ဦး ထပ်ရွေးမည်ဖြစ်ပြီး၊ ကော်မတီဝင်တချို့ ပယ်ဖျက်ခံရမည်ဆိုပါက နောက်ထပ်ကော်မတီဝင်များကိုလည်း ထပ်ဖြည့်မည်ဖြစ်သည်ဟု ပြောရေးဆိုခွင့်ရှိသူ ကော်မတီဝင်တစ်ဦးက ပြောသည်။

ကော်မတီဝင် ၁၅ ဦးအနက် နိုင်ငွေသိန်း (နိုင်စနူမွန်)၊ နိုင်မာန်လှအောင်၊ နိုင်ဆိုက်၊ နိုင်ဗညားအောင်မိုး၊ ဒေါက်တာမင်းနွယ်စိုး၊ နိုင်လဝီအောင်၊ နိုင်ချစ်ဦး၊ နိုင်စန်းတင်၊ နိုင်သိန်းဟန်၊ နိုင်မျိုးတင့်လွန်၊ နိုင်စိုးသိန်း၊ နိုင်အောင်ဘ၊ နိုင်သိန်းအောင်၊ နိုင်သိန်းထွန်းနှင့် နိုင်သန်းရွှေတို့ပါဝင်သည်။

မွန်ဒေသလုံးဆိုင်ရာဒီမိုကရေစီပါတီသည် ပြီးခဲ့သည့် ဧပြီလ ၇ ရက်နေ့မှာ ဖွဲ့စည်းထားပြီး၊ ပါတီ၏ရည်ရွယ်ချက်အနေဖြင့် မွန်တမျိုးသားလုံးကိုယ်စာပြုပါတီ (သို့မဟုတ်) မွန်ဒေသအတွင်းရှိ တခြားတိုင်းရင်းသားကိုလည်း ကိုယ်စာပြုသွားမည်ဟု ထိုပြောရေး ဆိုခွင့်ရှိသူက ပြောသည်။

“ကျနော်တို့က ဒေသအသီးသီးမှာရှိတဲ့ မွန်လူမျိုးတွေကို ကိုယ်စာပြုတယ်၊ မွန်ဒေသမှာရှိတဲ့ မွန်တွေကို ကိုယ်စာပြုတယ်၊ မွန်လူမျိုးအကြားမှာ ပါတီတခုရှိဖို့ ကျနော်တို့အနေနဲ့ ကြိုးစားနေတယ်၊ မွန်လူမျိုးရဲ့အခွင့်အရေး၊ မွန်နယ်မြေမှာ ရှိနေကြတဲ့ တခြားတိုင်းရင်းသားတွေရဲ့အခွင့်အရေးတွေကို ဒီဥပဒေနဲ့ လုပ်ဆောင်ပေးသွားမယ်” ဟု ၄င်းက ပြောသည်။

ယခုလို မွန်တမျိုးသားလုံးကိုယ်စာပြုမည့် မွန်ဒေသလုံးဆိုင်ရာဒီမိုကရေစီပါတီအပေါ် မွန်ခေါင်းဆောင်များ၊ မွန်ပြည်သူများတို့က ကြိုဆိုထောက်ခံသူများရှိသလို ဆန့်ကျင်သူများလည်းရှိသည်။

မွန်ဒေသလုံးဆိုင်ရာဒီမိုကရေစီပါတီကို ထောက်ခံသည့် မွန်လူမျိုးများက မွန်လူမျိုးအကြားမှာ ကိုယ်စာပြုပါတီရှိရမည်နှင့် ဆန့်ကျင်သူများက ပါတီဖွဲ့ပြီး မွန်လူမျိုးအတွက် အခွင့်အရေးဘာမှမရနိုင်သည့် ၂၀၀၈ ဖွဲ့စည်းပုံကို မထောက်ခံလိုကြောင်း ပြောသည်။

၁၉၉၀ ခုနှစ် ရွေးကောက်ပွဲမှာ မွန်အမျိုးသားဒီမိုကရေစီကိုယ်စာပြုက ၅ နေရာမဲအနိုင်ရသည်။ မွန်ပြည်သစ်ပါတီအနေနှင့် မွန်ဒေသလုံးဆိုင်ရာဒီမိုကရေစီပါတီကို တစုံတရာပြောကြားခြင်းမရှိသေးပါ။

ထားဝယ်ခရိုင်ရှိ မွန်ပြည်သစ်ပါတီထိန်းချုပ်နယ်မြေအတွင်း စစ်အစိုးရတပ်များ ဝင်ရောက်လာ

လွတ်လပ်သောမွန်သတင်းအေဂျင်စီ

မြန်မာစစ်အစိုးရတပ်ရင်း နှစ်ရင်းက တနသာင်္ရီတိုင်းရှိ မွန်ပြည်သစ်ပါတီထိန်းချုပ်ရာ နယ်မြေအနီး ထားဝယ်ခရိုင်အတွင်း ဝင်ရောက်တပ်ရင်းဆွဲထားသည်။

ထိုဒေသအတွင်း ဝင်ရောက်တပ်စွဲထားသည့် စစ်အစိုးရတပ်တို့မှာ ခလရ ၂၈၂ နှင့် တခြားတပ်ရင်းတစ်ရင်းဖြစ်သည်။ ထိုတပ်ရင်းသည် ယခုအပတ်အတွင်း ဝင်ရောက်နေပြီး ထားဝယ်ခရိုင်အတွင်းရှိ စနီးဒိင်မွန်ရွာအနီးတွင် တပ်ချထားသည်ဟု ဒေသခတို့၏ ပြောပြချက်အရ သိရသည်။

“ပြီးခဲ့တဲ့ တနင်္ဂနွေနေ့နဲ့ တနလာင်္လာနေ့မှာ စစ်သား အယောက် ၂၅ လောက် အဲဒီစနီးဒိင်ရွာမှာ ရောက်နေတယ်” ဟု မျက်မြင်တွေ့ခဲ့သူ ဒေသခံတစ်ဦးက ပြောသည်။

စနီးဒိင်ကျေးရွာနှင့် ထားဝယ်ခရိုင်အတွင်းရှိ ဒေသခံတို့က လက်ရှိအခြေအနေမှာ လိုအပ်သည့်ပြင်ဆင်မှုများပြုလုပ်ထားပြီးဖြစ်သည်။ အခြေအနေတွေကလည်း အပစ်ခတ်မရပ်ခင်ကလိုဖြစ်နေပြီး၊ မွန်ပြည်သစ်ပါတီ၏ နောက်ဆုံး ဆုံးဖြတ်ချက်သည်လည်း မြန်မာစစ်အစိုးရတို့လိုလားသည့် နယ်ခြားစောင့်တပ် (သို့မဟုတ်) ပြည်သူ့စစ်ကို ပြတ်သားစွာငြင်းပယ်နေခြင်းကြောင့် ဒေသခံတို့က ပြင်ဆင်နေကြသည်ဟု ၄င်းက ပြောသည်။

ပြီးခဲ့သည့် ဧပြီ ၇ ရက်နေ့မှာ မွန်ပြည်သစ်ပါတီခေါင်းဆောင်တချို့နှင့် မြန်မာစစ်အစိုးရ ဗိုလ်ချုပ်ရဲမြင့်တို့ အရှေ့တောင်တိုင်းစစ်ဌာနချုပ်မှာ တွေ့ဆုံဆွေးနွေးရာမှာ ယခုလ ၂၂ ရက်နေ့နောက်ဆုံးထားပြီး အကြောင်းပြန်ရန် ပြောထားခဲ့ပြီး၊ အကယ်၍ မွန်ပြည်သစ်ပါတီက နယ်ခြားစောင့်တပ် (သို့မဟုတ်) ပြည်သူ့စစ်ကို လက်မခံလျှင် မွန်ပြည်သစ်ပါတီကို ယခင် အပစ်ခတ်မရပ်စဲခင်ကာလကဲ့သို့ ရောက်သွားမည်ဟု ဗိုလ်ချုပ်ရဲမြင့်မှ ပြောထားခဲ့သည်။

စစ်အစိုးရနှင့် မွန်ပြည်သစ်ပါတီတို့သည် ၁၉၉၅ ခုနှစ်တွင် အပစ်ခတ်ရပ်စဲရေး သဘောတူညီခဲ့သည်။

ယခုရက်ပိုင်းအတွင်း ပါတီခေါင်းဆောင်များ စစ်အစိုးရတို့ကို အကြောင်းပြန်ပေးနိုင်ရန် အရေးပေါ်အစည်းအဝေးလုပ်နေကြသည်။ ပါတီဝင်များလည်း အစည်းအဝေးမှ ဆုံးဖြတ်ချက်ကို စောင့်မျှော်နေကြဆဲဖြစ်သည်ဟု မွန်ပြည်သစ်ပါတီပြောရေး ဆိုခွင့်ရှိသူ နိုင်ချေးမွန်က ပြောသည်။

ခလရ ၂၈၂ တပ်ရင်းသည် ထားဝယ်ခရိုင် ရေဖြူမြို့နယ်တွင် အခြေချထားပြီး၊ ခလရ ၆၇၅ ထိန်းချုပ်မှုအောက်တွင် တည်ရှိနေသည်ဟု မွန်လူ့အခွင့်အရေးဖောင်ဒေးရှင်းက ပြောသည်။

တစ်ရွာလျှင် မဲကော်မရှင် ၁၂ ဦး စာရင်းပေးပို့ရန် မယကမှ ညွှန်ကြား

လွတ်လပ်သောမွန်သတင်းအေဂျင်စီ

မြန်မာစစ်အစိုးရမှ ကျင်းပမည့် ၂၀၁၀ ရွေးကောက်ပွဲအတွက် မဲကော်မရှင်များကို တစ်ရွာလျှင် ကော်မရှင် ၆ ဦးနှင့် အရန်ကော်မရှင် ၆ ဦး တို့ကို ယခုလ နောက်ဆုံးအပတ်မှာ သက်ဆိုင်ရာ မြို့နယ်မယကရုံးသို့ ပို့ဆောင်ရမည်ဖြစ်သည်။

“ရွာတိုင်း ကော်မရှင် ၆ ယောက် အရန် ၆ ယောက်ကို ဒီလမကုန်ခင် စာရင်းပို့ပေးရမယ်၊ ကော်မရှင်လုပ်မဲ့လူတွေအတွက် သူတို့ရဲ့ နေရပ်လိပ်စာ ပညာအရည်အချင်း သူတို့ရဲ့ ကိုယ်ရေးရာဇာဝင် အစုံရေးပြီး မယကရုံးကို ပို့ပေးရမယ်” ဟု ရယကဥက္ကဌတစ်ဦးက ပြောသည်။ ထိုမဲကော်မရှင်အတွက် မြန်မာစစ်အစိုးရတို့မှ တရားဝင် အမိန့်စာထုတ်ပြန်ကြေညာထားပြီ ဖြစ်သည်။

သက်ဆိုင်ရာ မြို့နယ်မယကဥက္ကဌတို့မှ တရွာလျှင် ကော်မရှင် ၁၂ ဦးနှုန်းဖြင့် ဧပြီလပထမအပတ်မှ စုဆောင်းရွေးချယ်ထားရမည်ဖြစ်ပြီး၊ လကုန်မှာအပြီးသတ် စာရင်းပေးဆောင်ရမည်ဖြစ်သည်။

“ကျမတို့ရွာမှာတော့ နှစ်ဆန်းတရက်နေ့က ရယကရုံး လူကြီးတွေ ဓာတ်ပုံရိုက်နေတာတွေ့တယ်၊ မေးကြည့်တော့ မဲကော်မရှင်အတွက်တဲ့ တရွာကို ၁၂ ယောက်ပါရမယ်၊ သူတို့ရဲ့ဓာတ်ပုံတွေ ကိုယ်ရေးရာဇဝင်တွေကိုလည်း ယူထားတယ်” ဟု ဘီလူးကျွန်မှ ဒေသခံတစ်ဦးက ပြောသည်။

ထိုမဲကော်မရှင်များ ရွေးချယ်ရာတွင် အထူးသဖြင့် မြန်မာစစ်အစိုးရမှ အငြိမ်းစားယူထားကြသည့် ကျောင်းဆရာဟောင်းများ၊ ဝန်ထမ်းများနှင့် ရွာမှ လူကြီး လူကောင်းများပါဝင်ကြသည်ဟု ၄င်းဒေသခံက ပြောသည်။

“တော်တော်လေး ရွေးရတယ် မဲကော်မရှင်လုပ်ဖို့ လူတွေကို၊ ရွေးကောက်ပွဲကိုထောက်ခံတဲ့လူတွေချည်ပဲမများရအောင်၊ သူတို့ကို ထောက်ခံတဲ့လူတွေ များသွားရင်လည်း ကိုယ်ရွာရဲ့အကျိုးအတွက်က အခွင့်အလမ်းနည်းသွားမယ်” ဟု မုဒုံမြို့နယ်အတွင်းရှိ ကျေးရွာဥက္ကဌတစ်ဦးက ပြောသည်၊

ဂိတ်ကြေးများလာခြင်းကြောင့် ကားသမားများ အခက်ကြုံနေကြရ

လွတ်လပ်သောမွန်သတင်းအေဂျင်စီ

သံဖြူဇရပ်-ဘုရားသုံးဆူကားလမ်းတစ်လျှောက်တွင် ပြေးဆွဲနေသည့်လိုင်ကားများ လမ်းတွင် ဂိတ်ကြေးအဆမတန်ပေးဆောင်နေရခြင်းကြောင့် ကားသမားများ အခတ်ကြုံနေကြသည်။

“တခေါက်ဆွဲရင် တစ်သိန်းခွဲလောက်ကတော့ ကုန်နေမြဲပဲ အခမသင့်ရင်လည်း အဲဒီထက်ပိုများတယ်၊ ဂိတ်တွေကလည်း သတ်မှတ်နှုန်းထားအတိုင်းမကောက်ဘူး ရရင်ရသလို တောင်းတယ်၊ မပေးပြန်တော့လည်း အမျိုးမျိုး ရစ်တယ်၊ ကျနော်ဆို စကားများများမပြောချင်ဘူး တောင်းရင်ပေးလိုက်တာပဲ၊ ခရီးသည်တွေကိုလည်း အားနာတယ်လေ” ဟု သံဖြူဇရပ်-ဘုရားသုံးဆူတွင်ပြေးဆွဲနေသည့် ကားသမားတစ်ဦးက ပြောသည်။

ခရီးသည်တစ်ဦးကို အများဆုံး ဗမာငွေသုံးသောင်း နှစ်သောင်းခွဲလောက်ပဲတောင်းတာ အဲဒါကို ဂိတ်တွေအများအပြားပေးနေရတယ်၊ ဆီဖိုး၊ ဂိတ်ဖိုး အားလုံးနှုတ်လိုက်ပြီးတော့ ဘယ်လောက်မှ ကိုယ့်အတွက်မကျန်တော့ဘူး တစ်နှစ်ထက်တစ်နှစ်ကလည်း ဂိတ်တွေများလာတော့ ကျနော်တို့ ကားသမားတွေအတွက် အဆင်မပြေဘူးဟု ၄င်းက ဆက်ပြောသည်။

သံဖြူဇရပ်-ဘုရားသုံးဆူလမ်းတစ်လျှောက်တွင် အခွန်ကောက်ခံနေသည့် ဂိတ်စုစုပေါင်း ၃၀ ကျော်ရှိပြီး၊ ထိုဂိတ်များသည် မြန်မာစစ်အစိုးရမှ ဖွင့်ထားသည့်ဂိတ်၊ အပစ်ခတ်ရပ်အဖွဲ့များဖြစ်သည့် မွန်ပြည်သစ်ပါတီဂိတ်၊ ကရင်ဒီကေဘီအေ၊ ကေဘီအဖ်က်၊ ပြည်သူ့စစ်၊ စရဖ၊ ပြီးတော့ ကေအေန်ယူဂိတ်အစရှိသည့်အဖွဲ့အစည်းတို့မှ ဂိတ်ဖွင့်ထားပြီး အကောက်ခွန်များ ကောက်ခံနေသည်။

“လမ်းတစ်လျှောက်မှာတော့ ဂိတ်တွေကြီးပဲ ကြည့်ရတာ ကားသမားတွေကလည်း ဂိတ်ကြေးပေးရသက်သက်နဲ့ သူတို့အတွက် အနည်းငယ်ပဲကျန်မှာ တဂိတ်ဖြုတ်ပြီးသွားလို့ ဘယ်လောက်မှမဝေးဘူး နောက်တဂိတ်ရောက်ပြန်တယ်၊ တချို့ဂိတ်တွေက တင်ထားတဲ့လူအရေအတွက်ပေါ်မူတည်ပြီး ယူတယ်၊ တချို့ဆို တဂိတ်ဘယ်လောက်ဆိုပြီး တောင်းတယ်” ဟု ကိုယ်တိုင်ကြုံတွေ့ခဲ့သူ ခရီးသွားတစ်ဦးက ပြောသည်။

ဂိတ်တစ်ဂိတ်မှာ အများဆုံးတစ်သောင်းကျပ်ပေးဆောင်နေရပြီး၊ တချို့ဂိတ်မှာ ခရီးသည်တစ်ဦးလျှင် တစ်ထောင်ကျပ်ကောက်ခံကာ တင်ဆောင်လာသည့်ခရီးသည်အနည်းအများပေါ်မူတည်ပြီး အခွန်ဆောင်ရသည်။ ပြည်သူ့စစ်ဂိတ်ကဲ့သို့သော ဂိတ်အသေးတွေကို နှစ်ထောင်ကျပ်ပေးဆောင်နေရသည်။

“ဂိတ်တွေများလွန်းလို့ တစ်လမ်းလုံးရပ်သွားနေရတယ်၊ လိုရာခရီးကို မရောက်နိုင်ဘူး၊ နေ့တဝက်လောက် သွားရတဲ့ခရီးကို တနေကုန်သွားနေရတယ်၊ ခရီးကြန့်ကြာတာပေါ့” ဟု အထက်ပါ ခရီးသည် မိန်းကလေးက ပြောသည်။

ကားပိုင်ရှင်များ၏ ပြောပြချက်အရ သံဖြူဇရပ်-ဘုရားသုံးဆူလမ်းသွားလာနိုင်ရန်အတွက် ကားတစ်စီးလျင် တစ်နှစ်မှာ ကေအန်ယူကို ဘတ်ငွေ ၁၀၃၀၀ ပေးနေရသည်။ မြန်မာစစ်အစိုးရ လမ်းပန်းဆက်သွယ်ရေး ဥပဒေအရ ခရီးသည်တင်ကားများသည် ယာဉ်အသင်းများတွင် အသင်းဝင်လုပ်ရပြီး အသင်းဝင်လုပ်ရန်အတွက် ဘုရားသုံးဆူမြို့မှာ ဘတ်လေးထောင်ပေးဆောင်ရသည်။ သုံးဆူမြို့တွင် ရာမည၊ ပန်းရဂုံ၊ ဖောမဲ့သာ၊ မြို့မ၊ သုံးဆူနှင့် ကြံ့ခိုင်ရေးယာဉ်အသင်းဟူ၍ အသင်းငါးသင်းရှိသည်။

နယ်ခြားစောင့်တပ်ကို လက်မခံလျှင် NMSP ကို မတရားမဝင်ပါတီအဖြစ်ကြေငြာမည်ဟု စစ်အစိုးရမှ ဖိအားပေး

ကွန်းဟဒေ့

မြန်မာစစ်အစိုရးမှ တောင်းဆိုထားသော နယ်ခြားစောင့်တပ် (သို့မဟုတ်) ပြည်သူ့စစ်ကို လက်မခံလျှင် မွန်ပြည်သစ်ပါတီကို ၁၉၉၅ မတိုင်ခင် (အပစ်အခတ်ရပ်စဲရေး မဟုတ်သော) ကာလကဲ့သို့ ပြန်လည်သဘောထားမည်ဟု စစ်အစိုးရမှ မွန်ပြည်သစ်ပါတီကို ဖိအားပေးထားသည်။

ပြီးခဲ့သည့် မတ်လမှာ မြန်မာစစ်အစိုးရမှ ဒုတိယဗိုလ်ချုပ်ကြီးရဲမြင့်နှင့် မွန်ပြည်သစ်ပါတီဒုဥက္ကဌ နိုင်ရဿ၊ ဗဟိုအလုပ်အမှုဆောင် နိုင်ထာဝရ၊ နိုင်ချမ်းတွဲ့နှင့် တခြားဗဟိုကော်မတီဝင်များ အရှေ့တောင်တိုင်း စစ်ဌာနချုပ်မှာ တွေ့ဆုံဆွေးနွေးခဲ့စဉ်က ဖိအားပေး ပြောထားခဲ့သည်ဟု ဗဟိုအလုပ်အမှုဆောင်ကော်မတီဝင်တစ်ဦးက ပြောသည်။

“သူတို့တောင်းဆိုထားတဲ့ နယ်ခြားစောင့်တပ် ဒါမဟုတ် ပြည်သူ့စစ် တခုခုကို လက်ခံစေချင်တာပါ တစ်ခုမဟုတ်တစ်ခု စဉ်းစားပြီးလက်ခံပါလို့ ရဲမြင့်က မွန်ပြည်သစ်ပါတီကို ပြောထားခဲ့တယ်၊ တစ်ခုမှ လက်မခံရင်တော့ ၉၅ ခုနှစ်မတိုင်ခင်ကလို မွန်ပြည်သစ်ပါတီကို စစ်အစိုးရက သဘောထားမယ်လို့ ပြောထားတယ်၊” ဟု အထက်ပါကော်မတီဝင်က ဆက်ပြောသည်။

နယ်ခြားစောင့်တပ်နှင့် ပြည်သူ့စစ်ကို လက်ခံရေး လက်မခံရေးကိစ္စကို မွန်ပြည်သစ်မှ လာမည့်ဧပြီလတွင် ၂၂ ရက်နေ့တွင် နောက်ဆုံးရက်အနေဖြင့် စစ်အစိုးရကို အကြောင်းပြန်ရမည်ဟု ဗဟိုအလုပ်မှုဆောင်နှင့် နီးစပ်သူတစ်ဦးက ပြောသည်။

“မွန်ပြည်သစ်ပါတီအနေနဲ့ နယ်ခြားစောင့်တပ်ကိုပဲ လက်ခံမလား၊ ပြည်သူ့စစ်ကိုပဲ လက်ခံမလား နှစ်ခုစလုံးကိုပဲ ငြင်းပယ်မလား ဘယ်လိုဆက်ပြီး ရပ်တည်သွားမလဲဆိုတာကိုတော့ ကျနော်တို့ပါတီအစည်းအဝေးမှာ ဆွေးနွေးပြီးတော့ ဆုံးဖြတ်ချမယ်” ဟု မွန်ပြည်သစ်ပါတီ ပြောရေးဆိုခွင့်ရှိသူ နိုင်ချေးမွန်က ပြောသည်။

ဧပြီလ ၂၂ ရက်နေ့တွင် မွန်ပြည်သစ်ပါတီမှ ၄င်းတို့၏သဘောထားကို စစ်အစိုးရအား အကြောင်းပြန်မည်ဖြစ်ပြီး၊ ဧပြီလ ၂၈ ရက်နေ့နောက်ပိုင်းမှာ စစ်အစိုးရမှ မွန်ပြည်သစ်ပါတီအပေါ် ထားရှိမည့်သဘောထားကို ပြန်လည်ထုတ်ပြန်သွားမည်ဖြစ်သည်။

မွန်ပြည်သစ်ပါတီအနေဖြင့် မြန်မာစစ်အစိုးရလိုလားသည့်အတိုင်း လက်မခံနိုင်ကြောင်း ငြင်းပယ်ခဲ့လျှင် စစ်အစိုးရမှ မွန်ပြည်သစ်ပါတီအပေါ် မည်သို့ဆက်လက် ပြုလုပ်သွားမည့်ကို မွန်ပြည်သစ်ပါတီ အငြိမ်းစားဗိုလ်မှူးကြီးဟောင်း နိုင်ကောင်းတလရွတ်က “တကယ်လို့ မွန်ပြည်သစ်ပါတီက ဘာကိုမှ လက်မခံဘူးဆိုရင်တော့၊ စစ်အစိုးရက ဘယ်လိုဆက်ပြီးလုပ်မလဲဆိုတာကို အင်အားကြီးတဲ့ ဝသွေးစည်းညွတ်ရေးပါတီ၊ ကချင်လွတ်မြောက်ရေးပါတီတို့အပေါ်မှာလည်း မူတည်နေတယ်၊ ဘာလို့လဲဆိုတော့ မွန်ပြည်သစ်ပါတီကိုလည်း အဲဒီပါတီတွေနဲ့နည်းတူ သဘောထားထားတယ်၊ ဒီအဖွဲ့တွေကို စစ်အစိုးရက တရားမဝင်အနေနဲ့ ကြေငြာရင် မွန်ပြည်သစ်ပါတီကိုလည်း အဲဒီလိုပဲ လုပ်ဆောင်သွားဖို့ရှိတယ်၊ နည်းပရိယာအနေနဲ့ ဘာမှမကြေငြာပဲနဲ့လည်း ဒီအတိုင်းထားချင် ထားသွားမယ်” ဟု သူ၏အမြင်ကို ပြောသည်။

အကယ်၍ စစ်အစိုးရက ဖွဲ့စည်းပုံအခြေခံဥပဒေအတိုင်း တိုင်းပြည်တစ်ပြည်တွင် စစ်တပ်တစ်တပ်သာ ထားရှိရမည်ဆိုသည့်အတိုင်းသာ စစ်အစိုးရမှ လုပ်ဆောင်မည်ဆိုလျှင် ဒီပါတီတွေကို တရားမဝင်အနေဖြင့် ကြေငြာပြီး အရေးယူသွားဖွယ်ရှိသည်ဟု ၄င်းက ဆက်ပြောသည်။

သင်္ကြန်ရက်အတွင်း ယာဉ်အန္တရာယ်ကျဆင်းစေရန် အာဏာပိုင်များ စစ်ဆေးမှုအရှိန်တိုးမြှင့်

လွတ်လပ်သောမွန်သတင်းအေဂျင်စီ

ယခုလို သင်္ကြန်ရက်ကာလအတွင်း ယာဉ်အန္တရာယ်ကျဆင်းစေရန်အတွက် ယာဉ်ထိန်းရဲများနှင့် အဖွဲ့ပေါင်းစုံတို့ပူးပေါင်းပြီး မတ်လတတိယအပတ်မှစကာ စစ်ဆေးမှုများ အရှိန်တိုးမြှင့်ပြုလုပ်နေသည်။

သက်ဆိုင်ရာဂိတ်နေရာတွင် စစ်ဆေးမှုများပြုလုပ်နေပြီး၊ ဆိုင်ကယ်စီးလျှင် ဦးထုပ်ဆောင်းခြင်း၊ ဆိုင်ကယ်တစ်စီးမှာ သုံးယောက်မစီးရ၊ ဆိုင်ကယ်အသံကျယ်လောင်စွာမောင်းနှင်ခြင်း အစရှိသည်တို့ကို အဓိကထားစစ်ဆေးပြီး၊ တချို့ အခမသင့်လျှင် ဆိုင်ကယ်လိုင်စင်၊ မောင်းလိုင်စင်များပါ စစ်ဆေးနေသည်။

ယာဉ်ထိန်းသိမ်းရေးအဖွဲ့တို့နှင့် အဖွဲ့ပေါင်းစုံဟုခေါ်သည့် ရဲ၊ စစ်တပ်၊ မီးသတ်၊ လူဝင်မှုကြီးကြပ်ရေးအဖွဲ့၊ မြို့နယ်မယကပါဝင်ပူးပေါင်းပြီး အထူးစစ်ဆေးနေသည်။

“မော်တော်ဘီကယ်တွေက စစ်ဆေးမှုတိုးထားတော့ ပိုကောင်းတာပေါ့၊ ဒီသင်္ကြန်ရက်မှာ ပြည်ပက အလုပ်လုပ်နေတဲ့ လူငယ်တွေပြန်လာတော့ ဆိုင်ကယ်တွေကလည်းများ မောင်းပုံကလည်း ကြမ်း၊ သူ့လမ်းမှန်းမသိ ကိုယ့်လမ်းမှန်းမသိ မောင်းချင်တိုင်း မောင်းနေကြတာ ယာဉ်တိုက်မှု ဘယ်လောက်ဖြစ်အုံးမလဲတော့မသိဘူး” ဟု လ္ဘက်ရည်ဆိုင် ဖွင့်ထားသည့် မုဒုံမြို့ခံတစ်ဦးက ပြောသည်။

မွန်ပြည်နယ်အတွင်းတွင် နေထိုင်ကြသူများ သွားလာရေးအတွက် ဆိုင်ကယ်ကိုသာ အဓိကထား သုံးဆောင်နေကြခြင်းကြောင့် ယခုလို ယာဉ်ထိန်းသိမ်းရေးမှ သင်္ကြန်ရက်အတွင်း ယာဉ်စစ်ဆေးမှုအရှိန်တိုးမြှင့်ထားခြင်းကြောင့် ဒေသခံများ သွားလာရေးအခက်အခဲရှိနိုင်သည်။

“ခါတိုင်းနှစ်တွေမှာ သင်္ကြန်ရက်ဆို စစ်ဆေးမှုတော့ရှိတယ်၊ ဒါပေမယ့် ဒီလိုမျိုး အဖွဲ့ပေါင်းစုံတွေနဲ့ ပါနဲ့တော့ မဟုတ်ဘူး၊ မော်တော်ဘီကယ်တွေလောက်ပဲ စစ်နေတာ၊ ဂိတ်မရောက်ခင်ဆို လမ်းလွှဲနဲ့သွားလို့ရတယ်၊ အခုဆို လမ်းလွှဲလည်းမလွတ်ဘူး၊ ဖမ်းတာပဲ” ဟု ခရီးသွားတစ်ဦးက ပြောသည်။

မွန်ပြည်နယ်အတွင်းတွင် ထိုင်း-မြန်မာနိုင်ငံမှ လိုင်စင်မဲ့ဆိုင်ကယ်များဝင်ရောက်ခြင်းဖြင့် လိုင်စင်မဲ့ဆိုင်ကယ်စီးသူများလည်း များပြားနေသည်။

မြန်မာစစ်အစိုးရမှ လိုင်စင်မဲ့ဆိုင်ကယ်များကို လိုင်စင်ပြုလုပ်ပေးနေသော်လည်း လိုင်စင်လုပ်ခအဆမတန်မြင့်နေခြင်းကြောင့် ထိုလိုင်စင်ပြုလုပ်သူနည်းပါးသည်။ ဆိုင်ကယ်ဝယ်စီးသူတို့ကလည်း Model လိုက်ပြီး လိုင်စင်မဲ့ဆိုင်ကယ်ကိုသာ အဝယ်စီးများကြောင့် ဆိုင်ကယ်အရောင်းအဝယ်လုပ်သူအသိုင်းအဝိုင်းက ပြောသည်။

ယမန်နှစ်ကထက် အဆောင်နေခပိုများ

မင်းဇနူ

၂၀၁၀-၂၀၁၁ ပညာသင်နှစ်အတွက် အဆောင်နေမည့် ၁၀ တန်း ကျောင်းသူ/သားမျာ အဆောင်နေခ ယမန်နှစ်ကထက် ပိုပေးရကြောင်း သိရသည်။

ယမန်နှစ်က ၁၀ တန်းကျောင်းသားတစ်ဦး၏ အဆောင်နေခသည် နာမည်ကြီးသည့်အဆောင်တွေမှာ ၂၇ သိန်း၊ သာမာန်အဆောင်တွေမှာ သိန်း ၂၀ ကျော်ပေးဆောင်ရသည်မှာ ယခုနှစ် မုဒုံမြို့ရှိ နာမည်ကြီးအဆောင်ဖြစ်သည့် ဒေါ်သန်းမြင့်အဆောင်မှာ သိန်း ၃၀ ပေးဆောင်ရကြောင်း ကျောင်းသားမိဘတို့က ပြောသည်။

“နာမည်ကြီးအဆောင်တွေမှာ ဥပမာ ဒေါ်သန်းမြင့်အဆောင်ဆိုရင် သိန်း ၃၀ ပေးရမယ်၊ တချို့ဆို သိန်း ၂၀ ပေါ့၊ အဆောင်ရဲ့သင်ကြားမှု အောင်ချက်ပေါ်မှာမူတည်ပြီးတော့ အဆောင်ခတွေလည်း ကွာတယ်လေ၊ မိဘချမ်းသားတဲ့ သားသမီးဆိုရင် နာမည်ကြီးအဆောင်မှာ နေနိုင်တာပေါ့ တချို့ဆိုရင်လည်း သာမာန်အဆောင်တွေမှာပဲ နေတယ်လေ” ဟု မုဒုံမြို့ခံ ကျောင်းသားမိဘတစ်ဦးက ပြောသည်။

၉ တန်းဖြေဆိုထားသည့်ကျောင်းသားများသည် စာမေးပွဲပြီးပြီးချင်း တစ်ရက် နှစ်ရက်သာ နားပြီး နောက်နှစ်တက်မည့် ၁၀ တန်းအတွက် အဆောင်သို့ ပြောင်းရွှေ့နေထိုင်ကြသည်။ အဆောင်ပိုင်ရှင်များလည်း စာမေးပွဲပြီးလျှင် ပြီးခြင်း အဆောင်နေကျောင်းသားများ စတင်လက်ခံနေသည်။

“ကျနော်တို့ စာမေးပွဲက မတ်လ ၁၉ ရက်နေ့မှာပြီးသွားတယ်၊ အဆောင်တွေလည်း အဲဒီရက်ပိုင်းမှာပဲ ကျောင်းသားတွေ စတင်လက်ခံနေပြီးလေ၊ ၉ တန်းအောင်ဖို့ သေချာနေတဲ့ ကျောင်းသားတွေကျတော့ အပ်ထားပြီးကုန်ပြီ” ဟု အဆောင်မှ ၁၀ တန်းဖြေဆိုထားသည့် ကျောင်းသားတစ်ဦက ပြောသည်။

ယမန်နှစ်က မုဒုံမြို့ပေါ်ရှိ နာမည်ကြီးအဆောင်ဖြစ်သည့် ဒေါ်သန်းမြင့်အဆောင်မှာ အဆောင်နေကျောင်းသား အယောက် ၂၀၀ ခန့်ရှိပြီး၊ ယခုနှစ်မှာသာ ကျောင်းသားများ စတင်လက်ခံစသာရှိသေးသည့်အတွက် ကျောင်းသားမည်မျှ လက်ခံရရှိမည်ကို အတိကျမသိရှိသေးကြောင်း ၄င်းက ပြောသည်။

တချို့ငွေကြေးတက်နိုင်သည့် ကျောင်းသားများအပါအဝင် ကျောင်းသားမိဘများကလည်း အသင်အပြကောင်းပြီး အောင်ချက်များသည့် အဆောင်မှာသာ နေထိုင်များခြင်းကြောင့် နာမည်ရအဆောင်တွေမှာ ကျောင်းသားအရေအတွက် များနေရခြင်းဖြစ်သည်။

တစ်နှစ်ပြီး တစ်နှစ် ကျောင်းသားလက်ခံသည့် အဆောင်များလာသလို အဆောင်နေခ လည်းများလာသည်။ သို့သော် အဆောင်နေခသည် တစ်ဆောင်နှင့် တစ်ဆောင် ကွာခြားမှုရှိနေသည်။ ကျောင်းသားအရေအတွက်လည်း နာမည်ကြီးအဆောင်ထက် သာမာန်အဆောင်တွေမှာ ကျောင်းသားအရေးအတွက်နည်းပါးသည်။

တစ်နှစ်ထက်တစ်နှစ် မြင့်တက်လာသည့် ကုန်ဈေးနှုန်းကြောင့် အဆောင်ခ သည်လည်း တစ်နှစ်ထက်တစ်နှစ် မတူညီပဲ မြင့်တက်လာနေသည်။ ၂၀၀၀-၂၀၀၁ စာသင်နှစ်တွင် အဆောင်ခ ၂ သိန်း ၃ သိန်းလောက်ရှိရာမှာ ယနေ့အချိန်အခါမှာ အဆောင်ခသည် သိန်း ၃၀ အထိ တိုးမြှင့်တက်လာသည်။

မော်လမြိုင်-ရေး ကားလမ်းတစ်လျှောက် အကောက်ခွန်ပိုများလာ

မိယဉ်မွန်၊ မိလရီထော

မော်လမြိုင်-ရေး ကားလမ်းတစ်လျှောက် ပြေးဆွဲနေသော မော်တော်ကားများ လမ်းအကောက်ခွန် ပိုများလာခြင်းကြောင့် ကားသမားများ အခက်အခဲကြုံတွေ့နေရကြောင်း မော်လမြိုင်-ရေးသို့ ပြေးဆွဲနေသော ကားသမားတစ်ဦးက ပြောသည်။

လမ်းအကောက်အခွန်များကို ဧပြီလ ပထမအပတ်မှစပြီး ကောက်ခံနေကြောင်း ကားသမားတို့ကပြောသည်။

“မော်လမြိုင်နဲ့ ရေးကားလမ်းတစ်လျှောက်မှာတော့ ဂိတ်တွေအများကြီးပဲ၊ တစ်ဂိတ်ကို နှစ်ထောင်ပေးရတယ်၊ တချို့ဂိတ်ဆို တစ်ထောင်၊ အခုဆိုရင် ဂိတ်တွေလည်းများလာတယ်၊ တနေ့ဆွဲတာ ထမင်းဖိုးတောင်မကျန်တော့ဘူး၊ ကြားထဲမှာ ခရီးသည်တွေကလည်း ခရီးစရိတ်လျှော့ခိုင်းသေးတယ်” ဟု စပယ်ယာတစ်ဦးက ပြောသည်။

ယခင်က မော်လမြိုင်-ရေး ကားလမ်းတလျှောက်မှာ ရဲမှ ၁ ဂိတ်၊ မော်တော်ပီကယ် ၁ ဂိတ်၊ စစ်တပ် ၁ ဂိတ်၊ ငြိမ်းချမ်းရေးအဖွဲ့မှ ၁ ဂိတ်နှင့် ကရင်ဒီကေဘီအေ ၂ ဂိတ်ရှိပြီး၊ ဒီကေဘီအေ ၁ ဂိတ်လျှင် (၁၀၀၀) ကျပ်ပေးနေရကာ ကျန်သည့်တခြားဂိတ်များအားလုံးကို (၂၀၀၀) ကျပ်ပေးရသည်ဟု ရွှေဝါဖူး ကားစပယ်ယာတစ်ဦးက ပြောသည်။

ပုဂ္ဂလိကမှ (express) ကားများနှင့် ခရီးသည်တင်ကားများကို တစ်စီးလျှင် လမ်းခွန် (၂၀၀၀) ကျပ်နှုန်းဖြင့် ကောက်ခံနေကြောင်း သိရသည်။

ထိုအကောက်အခွန်များကို မော်လမြိုင်မြို့အဝင် ရိုးဂိုးဂိတ်၊ သံဖြူဇရပ်မြို့အဝင် ဖောင်စိန်ဂိတ်၊ မော့ကနင်ဂိတ်နှင့် ရေးမြို့အဝင်သချိုင်းကုန်းနားဂိတ် စုစုပေါင်းဂိတ် ၄ ဂိတ်ရှိသည်။

မော်လမြိုင်မှ ရေးသို့ ကားခနှုန်းမှာ တစ်ဦးလျှင် (၂၅၀၀) ကျပ်ဖြစ်ပြီး၊ ယခုလို အကောက်ခွန် ပိုမိုများလာခြင်းကြောင့် ကားခဈေးနှုန်းလည်း တက်လာမည်ကို ခရီးသည်များ စိုးရိမ်နေကြသည်။

“ဒီလိုမျိုး အကောက်ခွန်တွေများလာတယ်ဆိုတော့ ကားခတွေလည်းဈေးတက်မှာ သေချာတယ်” ဟု ၄င်း ခရီးသည်တစ်ဦးက ပြောသည်။

ဆရာတော်ဦးဆောင်မှုဖြင့် ကွန်ပြူတာသင်တန်းဖွင့်

ကွန်းဟဒေ့

ကျေးရွာအတွင်းရှိ ကျောင်းသားလူငယ်များ ခေတ်ပညာဗဟုသုတ တိုးပွားစေရန် ရည်ရွယ်ပြီး၊ ရေးမြို့နယ် လမိုင်းမြို့နယ်ခွဲ မော့ကနင်ရွာသစ်မှ ဆရာတော်ကဦးဆောင်ပြီး အခမဲ့ ကွန်ပြူတာသင်တန်း သင်ကြားပေးနေသည်။

“သင်တန်းတက်ရောက်ဖို့ ပညာအရည်အချင်းကတော့ ရွာထဲမှာ ၈ တန်းအောင်ပြီးတဲ့ ဘယ်ကျောင်းသားကိုမဆို တက်ရောက်နိုင်တယ်၊ သင်ကြားဖို့ကွန်ပြူတာတွေ လောလောဆယ် မဝယ်ရသေးဘူး၊ အသိတွေဆီကပဲ ခဏငှားထားတယ်၊ နောက်တော့ အဆင်ပြေတော့မှ အသစ်ဝယ်ဖို့ စီစဉ်မယ်” ဟု ဦးဆောင်သူ ဆရာတော်က မိန့်ကြားသည်။

သင်တန်းရက်ကိုမူ ဧပြီလ ၉ ရက်နေ့မှာ စတင်ဖွင့်လှစ်မည်ဖြစ်ပြီး၊ အစိုးရစာသင်ကျောင်းဖွင့်လှစ်သည်အထိ သင်ကြားပေးမည်ဟု ဆရာတော်မှ ဆက်လက်မိန့်ကြားခဲ့သည်။

“ရွာက ကျောင်းသားလူငယ်တွေ ကွန်ပြူတာသင်တန်းတွေ အခဲမဲ့တက်ရောက်ခွင့်ရတော့ သူတို့အတွက် အများကြီးအကျိုးဖြစ်ပါတယ်၊ ဘာလို့လဲဆိုတော့ တစ်ချို့က နာမည်ပဲ ကြားဖူးကြတယ်၊ ကွန်ပြူတာကို တစ်ခါမှ မမြင်ဖူးကြတဲ့လူတွေလည်းရှိတယ်၊ အခုဗဟုသုတလည်းရ ပညာလည်းရတာပေ့ါ” ဟု လူငယ်တစ်ဦးက ပြောသည်။

သင်တန်းဖြစ်မြောက်ရေးအတွက် လိုအပ်သော ငွေကြေးများကို နိုင်ငံခြားရောက် မော့ကနင်ရွာသစ်မှ ရွာခံများ ထောက်ပံ့ပေးမည်ဖြစ်ပြီး၊ ဆရာတော်က ဦးဆောင်တာဝန်ယူခဲ့သည်။

သင်တန်းဆရာကို မော်လမြိုင်ရှိ MCC ကွန်ပျူတာစင်တာမှ ငှားရမ်းထားပြီး ကျောင်းသားများကို အခမဲ့သင်ကြားပေးမည်ဖြစ်သည်။ MCC မှ သင်တန်းဆင်းလက်မှတ်ရရှိရန် ဦးဆောင်ဆရာတော်နှင့် ကျောင်းသားမိဘများက တိုင်ပင်ကြပြီး၊ ကျောင်းသားတစ်ဦးလျှင် တစ်သောင်းခွဲ ပေးဆောင်ရမည်ဟု ယခုရက်သတ္တပတ်မှာ ကျင်းပသည့် အစည်းအဝေးတွင် သဘောတူခဲ့ကြသည်။

“MCC က သင်တန်းဆင်းလက်မှတ်ရရင်တော့ ကွန်ပြူတာသင်တန်းပြီးဆုံးကြောင်း အလုပ်လျှောက်တဲ့အခါ သူတို့အတွက် အဆင်ပြေအောင်လို့ ရည်ရွယ်ပြီးတော့ သင်တန်းဆင်းလက်မှတ်အတွက် စီစဉ်လိုက်တယ်” ဟု ဆရာတော်က ဆက်လက်မိန့်ကြားခဲ့သည်။

မွန်ပြည်သစ်နှင့် ဗိုလ်ချုပ်ရဲမြင့်တွေ့ဆုံ

လွတ်လပ်သောမွန်သတင်းအေဂျင်စီ
ဧပြီလ ၇ ရက်

ဗိုလ်ချုပ်ရဲမြင့်နှင့် မွန်ပြည်သစ်ပါတီမှ ဗဟိုကော်မတီဝင်များ ယနေ့နံနက် ၉ နာရီခန့်မှာ မော်လမြိုင်မြို့ရှိ အရှေ့တောင်တိုင်းစစ်ဌာနချုပ်မှာ တွေ့ဆုံကြသည်။

မြန်မာစစ်အစိုးရဘက်မှ ဗိုလ်ချုပ်ရဲမြင့်နှင့်အတူ အရာရှိ ၇ ဦးခန့်နှင့် မွန်ပြည်သစ်ပါတီဘက်မှ ဒုဥက္ကဌ နိုင်ရဿ၊ တွဲဖက်အတွင်းရေးမှူး နိုင်ချမ်းတွဲ့၊ ဗဟိုအလုပ်အမှုဆောင်ကော်မတီ နိုင်ထာဝရ၊ မော်လမြိုင်မြို့တာဝန်ခံ ဗဟိုအလုပ်အမှုဆောင်ကော်မတီ နိုင်တလညီ၊ ဗိုလ်မှူးလရီဂကောင်း၊ ဗဟိုကော်မတီဝင် နိုင်ခိုဆိုက်၊ နိုင်ချမ်းနိုင်၊ နိုင်ဘခိုင်တို့ပါဝင်ကြသည်။

“ဒီနေ့မှာ တွေ့ဆုံဖို့ မြန်မာစစ်အစိုးဘက်က ကမ်းလှမ်းလာတာပါ၊ ဒါကတော့ ထူးထူးခြားခြားတွေ့ဆုံတာတော့မဟုတ်ပါဘူး တွေ့ဆုံဖို့ သူတို့ရဲ့ လုပ်ငန်းစဉ်တွေပဲ၊ ဖိအားပေးတာတို့ ဘာတို့တော့ ဘာမှမရှိဘူး” ဟု မော်လမြိုင်မြို့တာဝန်ခံဗဟိုအလုပ်အမှုဆောင် နိုင်တလညီက ပြောသည်။

ယနေ့တွေ့ဆုံခြင်းမှာ မွန်ပြည်သစ်ပါတီမှာသာမက မြန်မာစစ်အစိုးရတို့နှင့် ပူးပေါင်းထားသည့် နိုင်အောင်နိုင်အဖွဲ့၊ ကရင်အမျိုးသားအစည်းအရုံးမှ ခွဲထွက်ထားသည့် ဒီကေဘီအေအဖွဲ့တို့နှင့်လည်း တွေ့ဆုံခဲ့သည်။

“အဓိကထွေထွေထူးထူးပြောတာမဟုတ်ပါဘူး၊ ဒါပေမယ့် သူတို့ဘက်ကပြောတာတော့ ဝဘက်မှာ ကချင်ဘက်မှာ နယ်ခြားစောင့်တပ်အတွက် လက်ခံနေကြပြီး မွန်ပြည်သစ်ပါတီဘက်မှာလည်း ဘယ်လိုအခြေအနေရှိလဲ အဲဒီလောက်တော့ ပြောသွားတယ်၊ ဖိအားပေးပြီး ပြောသွားတာတော့မရှိပါဘူး” ဟု ထိုတွေ့ဆုံခြင်းမှာ ပါဝင်ခဲ့သူတစ်ဦးက ပြောသည်။

မွန်ပြည်သစ်ပါတီအနေဖြင့် မြန်မာစစ်အစိုးရတို့ ကမ်းလှမ်းထားသည့် နယ်ခြားစောင့်တပ်နှင့် ၂၀၁၀ ရွေးကောက်ပွဲကိုလည်း လက်မခံကြောင်းကို မတ်လနောက်ဆုံးအပတ်မှာ အရှေ့တောင်တိုင်းစစ်ဌာနချုပ်ထံ အကြောင်းပြန်ခဲ့ကြောင်း မွန်ပြည်သစ်ပါတီအသိုင်းအဝိုင်းမှ သိရသည်။

ပြီးခဲ့သည့် မတ်လ ၁၆ ရက်နေ့မှာလည်း မွန်ပြည်သစ်ပါတီဗဟိုကော်မတီဝင်များနှင့် အရှေ့တောင်တိုင်း တိုင်းမှူးဗိုလ်ချုပ်သက်နိုင်ဝင်း တွေ့ဆုံခဲ့သည်။

၂၀၀၉ ဇွန်လ ၇ ရက်နေ့တွင် မွန်ပြည်သစ်ပါတီခေါင်းဆောင်တချို့နှင့် နအဖခေါင်းဆောင် တချို့တို့သည် အရှေ့တောင်တိုင်းစစ်ဌာနချုပ်တွင် တိုင်းမှူးဗိုလ်ချုပ်သက်နိုင်ဝင်းနှင့် ဒုတိယအကြိမ် တွေ့ဆုံဆွေးနွေးခဲ့ကြသည်။ ၂၀၀၉ မတ်လတွင် ပထမအကြိမ်အဖြစ် တွေ့ဆုံခဲ့ကြသည်။

မွန်တေးဂီတအဖွဲ့များ ခေတ္တရပ်နားထားရ

လွတ်လပ်သောမွန်သတင်းအေဂျင်စီ

ခေတ်ရေစီးကြောင်းနှင့်အညီ ပရိသတ်အကြိုက်ကို မလိုက်နိုင်ခြင်းကြောင့် အငှားနည်းပါးပြီး မွန်တေးဂီတအဖွဲ့များ ရပ်နားထားရကြောင်း ဂီတမွန်တေးဂီတအဖွဲ့မှ ဒါရိုက်တာနိုင်ဇာတိ က ပြောသည်။

“လွန်ခဲ့တဲ့ ၂၀၀၈ လောက်ကဆို မွန်တေးဂီတအဖွဲ့ ၉ ဖွဲ့ ရှိတယ်။ ဒါပေမယ့် ဒီနှစ် (၂၀၀၉-၂၀၁၀) မှာဆို ၃ ဖွဲ့လောက်ပဲ ကျန်တော့တယ်။ ဂီတအဖွဲ့ ပျက်စီးသွားတာတော့ မဟုတ်ဘူးနော်၊ အခြေအနေအရ ခေတ္တရပ်နားထားရတာပါ” ဟု သူက ပြောသည်။

မွန်တေးဂီတအဖွဲ့များတွင် ဂီတမွန်တေးဂီတအဖွဲ့မှာ ပရိသတ်အကြိုက်ဆုံး တေးဂီတအဖွဲ့ ဖြစ်ပြီး အဖွဲ့တိုင်းတွင် ဖျော်ဖြေရက်များ တစ်နှစ်ထက်တစ်နှစ် ကျဆင်းနေကြောင်း သိရသည်။

“ကျနော်တို့အဖွဲ့ဟာ ၂၀၀၇-၂၀၀၈ ဂီတရာသီမှာဆိုရင် ရက် ၇၀ လောက် ဖျော်ဖြေခဲ့ရတယ်။ ၂၀၀၈-၂၀၀၉ မှာဆို ရက် ၅၀ ကျော် ရှိပြီး ဒီရာသီမှာဆို ရက် ၄၀ ကျော်လောက်ပဲ ဖျော်ဖြေရတယ်။ တခြား မွန်တေးဂီတအဖွဲ့တွေလည်း ကျနော်တို့လိုပါပဲ” ဟု နိုင်ဇာတိက ဆိုသည်။

ယခင်က မွန်ပြည်နယ်၊ ကရင်ပြည်နယ်နှင့် တနင်္သာရ်ီတိုင်းတို့တွင် ဖျော်ဖြေနေသည့် မွန်တေးဂီတအဖွဲ့များမှာ ဂီတမွန်တေးဂီတအဖွဲ့၊ ဂီတအလင်္ကာ၊ အနာဂတ်မွန်၊ လရီဂီတ၊ ဂီတမွန်ဟံသာ၊ ဂီတဟွန်းဒိန်း၊ ပါဝါမြူးဇစ်၊ လရီဟံသာနှင့် ရော့ချန်ဂီတတေးဂီတအဖွဲ့များ ဖြစ်ကြပြီး ၄င်းတို့အနက် ယခုနှစ်တွင် ဂီတမွန်တေးဂီတအဖွဲ့၊ ပါဝါမြူးဇစ်တေးဂီတအဖွဲ့နှင့် ဂီတအနာဂတ်တေးဂီတအဖွဲ့ ၃ ဖွဲ့သာ စင်တင်ဂီတများတွင် ဖျော်ဖြေကြသည်။

“ကျနော်တို့ မွန်ပရိသတ်တွေဟာ ထိုင်းနဲ့ မလေးရှား ခေတ်ပေါ်စင်တင်တေးဂီတတွေနဲ့ ယဉ်ပါးလာတာရယ်၊ ကျနော်တို့တေးဂီတအဖွဲ့တွေကလည်း ပရိသတ်အကြိုက်အတိုင်း မဖျော်ဖြေနိုင်သေးတာရယ်၊ ဒါတွေကြောင့် အငှားနည်းလို့ ရပ်နားလိုက်ရတာပဲလို့ ကျနော်မြင်တယ်။ ပရိသတ်အကြိုက်ကို လိုက်ပြီး ဖျော်ဖြေရမယ်ဆိုရင်လည်း ကျနော်တို့ ယဉ်ကျေးမှုနဲ့ သွေဖီသွားတာ ရှိမယ်။ ဒီအစွန်းနှစ်ဖက်ကို အတတ်နိုင်ဆုံး ညှိပြီး ကျနော်တို့ ဆက်ကြိုးစားသွားမှာပါ” ဟု မွန်ဂီတညွန့်ပေါင်းအဖွဲ့မှ တာဝန်ရှိသူတစ်ဦးက ပြောသည်။

မွန်တေးဂီတအဖွဲ့များအနက် လရီဟံသာတေးဂီတအဖွဲ့မှာ ရှေးအကျဆုံးတေးဂီတအဖွဲ့ ဖြစ်ပြီး လွန်ခဲ့သည့် နှစ်သုံးဆယ်ခန့်က တည်ထောင်ခဲ့သည်။

မီး၊ ရေပြတ်လပ်မှုကြောင့် ရန်ကုန်မြို့နေများ ဒုက္ခဖြစ်နေကြ

လွတ်လပ်သောမွန်သတင်းအေဂျင်စီ

ယခုရက်ပိုင်းအတွင်း ရန်ကုန်မြို့ပေါ်တွင် မီး၊ ရေဆိုးရွားစွာပြတ်လပ်နေခြင်းကြောင့် တိုက်ခန်းငှား နေထိုင်သူများ အခတ်အခဲဖြစ်နေကြသည်။

“မီးမရတာ နည်းနည်းတော်သေးတာ ရေမရတာကတော်တော်ဆိုးတယ်၊ ပိုဆိုးတာကတော့ ၃ ထပ်၊ ၄ ထပ် အပေါ်ဆုံးထပ်မှာ ငှားနေကြတဲ့ကျမတို့လိုအတွက်တော့ အင်မတန် အခြေအနေဆိုးတယ်” ဟု နယ်မှ ရန်ကုန်မြို့ပေါ်ရှိ တိုက်ခန်းတွင် ငှားနေသူအမျိုးသမီးတစ်ဦးက ပြောသည်။

ပြီးခဲ့သည့် ရက်သတ္တပတ်ကျော်မှစပြီး ရန်ကုန်တမြို့လုံးတွင် မီးတခါလာလျှင် မိနစ်ပိုင်းသာလာပြီး၊ ပြန်ပျက်သွားလေ့ရှိသည်။ လာလိုက် ပျက်လိုက်နှင့် တနေ့လျှင် နာရီပိုင်းကျော်ကျော်သာလာလေ့ရှိသည်။

ယခုကဲ့သို့ မီးပျက်လပ်နေခြင်းကြောင့် ရန်ကုန်မြို့နေများထက် နယ်မှ အိမ်ငှားပြီး သင်တန်းတက်နေကြသည့်လူငယ်များ၊ အလုပ်လုပ်နေကြသည့်နယ်မှ ဒေသခံများအတွက် များစွာအခက်အခဲဖြစ်နေကြသည်။

“ကျမတို့ဆို တိုက်ခန်းငှားပြီးနေနေကြတာ ချွေတာပြီးတော့လည်း သုံးနေရတာပေါ့၊ တိုက်ခန်းငှားခနဲ့ စားခနဲ့ဆို တော်တော်ကုန်တယ် တလကို၊ ဒီကြားထဲမှာ မီးကလည်းမလာ ဝယ်စားရ၊ အဆိုးဆုံးကတော့ ချိုးဖို့ရေတောင် ဝယ်နေရတယ် အခုတလောမှာ၊ ရေဝယ်ပြန်တော့လည်း အောက်ထပ်ကနေ ၃/၄ ထပ်ထိ သယ်ရပြန်” ဟု သင်တန်းတက်နေသည့် လူငယ်တစ်ဦးက ပြောသည်။

မီးလာချိန်မိနစ်ပိုင်းမှာ ရေတင်ရန်အတွက် စောင့်နေကြသော်လည်း တကယ်တမ်း မီးလာချိန်မှာ အထပ်မြင့်နေထိုင်သူများအတွက် ရေမတင်နိုင်ကြောင်းလည်း ၄င်းက ပြောသည်။ ကျမနေလာသည့် တနှစ်သာကာလမှာ ယခုရက်ပိုင်းသည် အဆိုးဆုံးအခြေအနေဖြစ်သည်။

ထိုမျှမက ငွေကြေးအကုန်ခံပြီး သင်တန်းတက်နေကြသည့် လူငယ်အများစုမှာ မီးလာလိုက် ပျက်လိုက်ခြင်းကြောင့် သင်တန်းမှာလည်း ကောင်းစွာသင်ကြားမှုမပြုနိုင်ကြောင်း တချို့သင်တန်းများမှာ ကိုယ်ပိုင်မီးစက်မောင်းပြီး သင်ကြားနေသော်လည်း တချို့သင်တန်းမှာတော့ မီးလာမှသာ သင်ကြားရသည့်အတွက် ငွေသာကုန်ပြီး သင်တန်းမှာ ဘာမှမရလိုက်ကြောင်း သင်တန်းမှာ အခက်အခဲကြုံတွေ့နေသူတို့က ပြောသည်။

“တော်တော်စိတ်ကုန်ဖို့တော့ကောင်းတာပဲ တနေ့သွားလည်း မီးမလာ တနေ့သွားလည်းမီးမလာ၊ ပိုက်ဆံကလည်း ပေးထားပြီးပြီ ပြန်ထွက်ဖို့ကလည်း ခက်၊ မီးလာမှ သင်ရတယ်၊ သင်တန်းဆရာကလည်း လုံးဝမီးစက်မမောင်းဘူး၊ အဲဒီမီးကိုပဲစောင့်နေတယ်၊ လာပြန်တော့လည်း မိနစ်ပိုင်းပဲ ပျက်တဲ့အခါကျတော့ တနေကုန် ပျက်တယ်၊ တော်တော်ကို အခြေအနေကဆိုးတယ် ပိုက်ဆံအကုန်ခံထားပြီးတော့ ဘာမှထူးမလာဘူး” ဟု နယ်မှ သင်တန်းတက်နေသူ အမျိုးသားတစ်ဦးက ပြောသည်။

၂၀၁၀ ရွေးကောက်ပွဲအတွက် နအဖ ဗိုလ်မှူးကြီးဟောင်း မြေအောက်စည်းရုံးရေးဆင်းနေ

မင်းအာသံ
မြန်မာစစ်အစိုးရတို့မှ ကျင်းပမည့် ၂၀၁၀ ရွေးကောက်ပွဲကို စစ်အစိုးရ ဗိုလ်မှူးကြီးဟောင်း စောခင်စိုးဦးဆောင်သည့်အဖွဲ့က ကရင်ပြည်နယ်အတွင်း၌ ဒေသခံများအကြာ ၄င်းတို့အဖွဲ့ကို ဝိုင်းဝန်းထောက်ခံမဲပေးသွားရန် မြေအောက်စည်းရုံးရေးစနစ် ပြုလုပ်နေကြောင်း သိရသည်။

ပြီးခဲ့သည့်လက အဆိုပါနေရာ၌ မြေအောက်စည်းရုံးရေးဆင်းခဲ့သော ၄င်းတို့အဖွဲ့ဝင်များသည် များသောအားဖြင့် စစ်အစိုးရမှ ပင်စင်ယူထားသည့် ခရိုင်အဆင့်၊ မြို့နယ်အဆင့်နှင့် ရှေ့နေအဆင့် စသည့်လူတန်စားများသာ ပါဝင်လှုပ်ရှားနေသည်ဟု ၄င်းတို့အဖွဲ့နှင့် နီစပ်သောရှေ့နေတစ်ဦးက ပြောသည်။

“လောလောဆယ်မှာတော့ သူတို့အဖွဲ့ တရားဝင်လှုပ်ရှားခွင့် မရသေးဘူး၊ ဒါပေမယ့် မြေအောက်စနစ်ကိုသုံးပြုပြီးတော့ ကရင်ပြည်နယ်အတွင်းမှာ စည်းရုံးရေးဆင်းနေတယ်၊ အထူးသဖြင့်တော့ မွန်ကျေးရွာတွေကို အဓိကထားသွားတယ်၊ ဒေသခံတွေကို ပြောတာကတော့ ဒီရွေးကောက်ပွဲမှာ ကရင်ပြည်နယ်ကိုယ်စာပြု သံအမတ်အဖြစ် ဗိုလ်မှူးကြီးဟောင်း စောခင်စိုးပဲ ရမယ်” ဟု ၄င်းက ပြောသည်။

ယနေ့ ကရင်ပြည်နယ်အတွင်း လှုပ်ရှားနေသော ဗိုလ်မှူးကြီးဟောင်း စောခင်စိုးကို မြန်မာစစ်အစိုးရက တဖက်တလှမ်းမှ ဝိုင်းဝန်းထောက်ခံအားပေးနေကြောင်း ၄င်းက ဆက်ပြောသည်။

မြန်မာစစ်အစိုးရသည် မြို့နယ်ပညာရေးမှူး၊ ပြည်နယ်ပညာရေးမှူး စသည့် အဆင့်မြင့်လူတန်းစားများကို ခေါ်ဆိုပြီး မြို့နယ်နှင့် ပြည်နယ်အလိုက် ၂၀၁၀ ရွေးကောက်ပွဲအတွက် ပြည်သူများကို စည်းရုံးရေး ဆင်းခိုင်းသည်ဟု ပညာရေးမှူး (အငြိမ်းစား) တစ်ဦးက ပြောသည်။

“အခုကျိုက်မရောမြို့နယ်အတွင်းမှာ၂၀၁၀ ရွေးကောက်ပွဲအတွက် စည်းရုံးရေးဆင်းနေတယ်၊ နအဖက လိုက်လံပြီး ဝန်ထမ်းတွေကို ရှောက်ခိုင်းနေတယ်၊ စိတ်ပါပါနှင့် လုပ်တဲ့မြို့နယ်ပညာရေးမှူးရှိသလို မပါတဲ့သူလဲရှိတယ်၊ ပြည်နယ်ပညာရေးမှုးတွေကိုခေါ်ပြီးတော့ ပြည်သူတွေကို စည်းရုံးခိုင်းနေတယ်” ဟု အဆိုပါ ပညာရေးမှူးက ပြောသည်။

၂၀၁၀ ရွေးကောက်ပွဲအတွက် မြန်မာစစ်အစိုးရအာဏာပိုင်တို့၏ လက်အောက်ခံအဖွဲ့အစည်းများဖြစ်သည့် တစည (တိုင်းရင်းသားစည်းလုံးညီညွတ်ရေးပါတီ)၊ မယကအဖွဲ့အစည်း၊ ဒေသခံဆရာဝန်များနှင့် မြို့နယ်ပညာရေးမှုး၊ ပြည်နယ်ပညာရေးမှုးတို့မှ ဒေသအလိုက် စည်းရုံးရေးစည်းနေသည်။

“အခုလို ပညာတက်တွေ ပညာရှိတွေကို အာဏာပိုင်တွေက စည်းရုံးရေးဆင်းခိုင်းနေတော့ မဲထည့်တဲ့နေရာမှာ သူတို့ပဲ နိုင်ဖို့များတယ်၊ တိုင်းရင်းသားတွေဘက်တော့ ရူံးဖို့ပဲများတယ်” ဟု ၄င်းက ဆက်ပြောသည်။

၂၀၁၀ ရွေးကောက်ပွဲအတွက် မွန်ပြည်နယ်အတွင်းရှိ ကျိုက်မရောမြို့နယ်၊ မုဒုံမြို့နယ်၊ သံဖြူဇရပ်မြို့နယ်နှင့် ရေးမြို့နယ်အပါအဝင် ကရင်ပြည်နယ်ဘက်မှာလည်း မြန်မာစစ်အစိုးရအဖွဲ့အစည်းတို့က စည်းရုံးရေး ဆင်းနေကြောင်းသိရသည်။

မြန်မာစစ်အစိုးရတို့မှ ၂၀၁၀ ရွေးကောက်ပွဲဥပဒေကို ပြီးခဲ့သည့် မတ်လ ၉ ရက်နေ့စပြီး နေ့စဉ်ထုတ် နိုင်ငံပိုင်သတင်းစာတွေမှာ ဖော်ပြထားသည်။

ဆူရင်၊ ဆင်ဖြူရှင်၊ မှူးကြီးမင်း

နိုင်မတ်ဒိပ် (မတ်လ ၊ ၂၀၁၀)

မှူးကြီးက ဘုရင်ရူး ရူးနေတယ်လို့ ပြောကြတယ်။ ဘုရင်ရူး ရူးနေသူမို့ ရှေးရှေးက မြန်မာဘုရင်တွေကို အတုခိုးနေမှာတော့ သေချာတယ်။ မှူးကြီးက ဘယ်ခေတ်က ဘယ်ဘုရင်ကို အားကျနေလဲ။ ဒါလေး စိတ်ဝင်စားဖို့ မကောင်းဘူးလား။

ပထမမြန်မာနိုင်ငံကို ထူထောင်ခဲ့တဲ့ အနော်ရထာ (အေဒီ ၁၀၄၄-၇၇) ကို ကြည့်ရအောင်။ အနော်ရထာက ရှင်အရဟံနဲ့ပေါင်းပြီး မြန်မာပြည်ကို ပြုပြင်ပြောင်းလဲခဲ့သူပါ။ နိုင်ငံနယ်နိမိတ်ကို လက်ရှိမြန်မာနိုင်ငံမျှ ကျယ်ပြန့်အောင် ချဲ့ထွင်နိုင်ခဲ့သူပါ။ ဒါပေမယ့် လုပ်ကြံခံခဲ့ရတယ်။ အလောင်းတောင် ရှာမတွေ့ခဲ့ပါ။

ဒုတိယမြန်မာနိုင်ငံတော်ကို ထူထောင်ခဲ့တဲ့ တပင်ရွှေထီး (အေဒီ ၁၅၃၁-၅၁) ဆီကို သွားရအောင်။ သူလည်း လက်ရှိမြန်မာနိုင်ငံအတိုင်း နိုင်ငံ့နယ်နိမိတ်ကို သိမ်းသွင်းအုပ်စီးနိုင်ခဲ့ပါတယ်။ ဒါပေမယ့် အောက်ခြေလွတ်သူဖြစ်လို့ သူလည်း လုပ်ကြံခံခဲ့ရတယ်။

တတိယမြန်မာနိုင်ငံကို ထူထောင်ခဲ့သူ အလောင်းဘုရား (အေဒီ ၁၇၅၂-၆၀) ကလည်း သက်စိုးမရှည်ခဲ့ပါဘူး။ မွန်တွေကို (၃) နှစ်မျှ ခုခံပြီး (၂) နှစ်အတွင်း အပြီးအပိုင်တိုက်ခိုက်နိုင်ခဲ့တဲ့ ရွာသူကြီးတစ်ဦးပါ။ မွန်တို့ကို အောင်နိုင်ပြီး (၃) နှစ်အကြာ ၁၇၆၀-ခုမှာ မွန်ပြည်နယ်မှာပဲ ကံကုန်ခဲ့ရတယ်။

စတုတ္ထမြန်မာနိုင်ငံတော်လို့ ပြောရမယ့် လက်ရှိပြည်ထောင်စုမြန်မာနိုင်ငံရဲ့ ဗိသုကာ ဗိုလ်ချုပ်အောင်ဆန်းကိုလည်း လေ့လာဖို့ ကောင်းတယ်။ တိုင်းရင်းသားတို့နဲ့ ယုံကြည်မှု တည်ဆောက်နိုင်ခဲ့ပြီး ပင်လုံစိတ်ဓာတ်ကို ပြုစုပျိုးထောင်ခဲ့သူပါ။ သူလည်း လွတ်လပ်ရေးကိုတောင် မမြင်လိုက်ရဘူး။ အမျိုးသားရေးဝါဒီ ဂဠုန်ဦးစော လုပ်ကြံတာကို ခံခဲ့ရပြန်တယ်။

စိစစ်ကြည့်ပါ။ မှူးကြီးက မြန်မာ့ဦးစွန်းကို မြှင့်တင်ပေးခဲ့တဲ့ အထက်ပါ ခေါင်းဆောင်လေးဦးနဲ့ လုံးလုံးမတူကြောင်း သိသာပါတယ်။ ကောင်းတာဖြစ်စေ၊ မကောင်းတာဖြစ်စေ အထက်ဖော်ပြပါခေါင်းဆောင်တို့နဲ့ ပမာပြုဖို့ မှူးကြီးမှာ ဘာတစ်ခုမှ မရှိပါ။

မှူးကြီးက လက်ရှိစစ်အစိုးရရဲ့ ပထမလူ မဟုတ်လို့ပါ ပြောချင်ပြောလို့ရတယ်။ ဒါဆို ဒုတိယလူတို့နဲ့ ချိန်ကိုက်ကြည့်ရအောင်လား။

အနော်ရထာကို ဆက်ခံသူ စောလူး (၁၀၇၇-၈၄) က ဒုတိယလူလို့ ပြောလို့မရလောက်အောင် နန်းစံနှစ် တိုတောင်းလှတယ်။ သူ့ကို မင်းလုလင်လို့လည်း ကျောက်စာမှာ ပါတယ်။ အရည်အချင်းရှိသူ မဟုတ်လို့ ဗဂိုးက မွန်ခေါင်းဆောင် မွန်ကင်း (ငရမန်းကန်း) လက်ထဲမှာ ကံကုန်ခဲ့ရတယ်။

တပင်ရွှေထီးကို ဆက်ခံသူ ဘုရင့်နောင် (အေဒီ ၁၅၅၁-၈၁) က နှလုံးရည် လက်ရုံးရည်နဲ့ ပြည့်ဝတဲ့ မင်းကောင်းမင်းမြတ်တစ်ပါး ဖြစ်ကြောင်း မွန်သမိုင်းက ဆိုပါတယ်။ မဏိပူရ၊ အာသံ၊ ထိုင်း၊ လာအို အစရှိသည်ဖြင့် အောင်နိုင်ခဲ့ပြီး တရားသဖြင့် အုပ်ချုပ်ခဲ့ကြောင်း မွန်ကျောက်စာတွေက ဖော်ပြပါတယ်။ တိုင်းရင်းသားစည်းလုံးညီညွတ်ရေးကို တည်ဆောင်နိုင်ခဲ့သူ ဖြစ်တယ်။ အောင်နိုင်ရာတိုင်းပြည်နဲ့ လူမျိုးများရဲ့ ကြည်ညိုလေးစားမှုကို ခံယူရရှိခဲ့တဲ့ မင်းတစ်ပါး ဖြစ်တယ်။

ဦးအောင်ဇေယျ အရိုက်အရာကို သူ့သားတော် နောင်တော်ကြီး (အေဒီ ၁၇၆၀-၆၃) က ဆက်ခံတယ်။ ဇင်းမယ်ကို စစ်ချီသိမ်းပိုက်နိုင်ပေမယ့် နိုင်ငံတော်ကို တည်ငြိမ်အောင် မအုပ်ချုပ်နိုင်ခဲ့ရုံမက မွန်နဲ့ဇင်းမယ်သားများကို နှိပ်စက်ခဲ့တဲ့ မကောင်းမှုကံကို တွေးပြီး စိတ်ခြောက်ခြားတဲ့ရောဂါနဲ့ ကံတော်ကုန်ခဲ့သူ ဖြစ်တယ်။

ဗိုလ်ချုပ်အောင်ဆန်းကျပြီး တက်လာသူ ဝန်ကြီးချုပ်ဦးနု (၁၉၄၈-၆၂) က စတုတ္ထမြန်မာနိုင်ငံရဲ့ ဒုတိယလူလို့ ပြောကြပါစို့။ ကွန်မျူနစ်တွေက ဖောက်၊ ဆိုရှယ်လစ်တွေက ချောင်း၊ စစ်တပ်က လက်ဖြောင်ရိုက်လိုက်တာနဲ့ သူကြိုးပမ်းခဲ့သမျှ သဲထဲရေကျခဲ့ရတယ်။ ပြည်တော်သာစီမံကိန်းလည်း ပျက်၊ ပြည်ထောင်စုစစ်စစ်မူလည်း ပျောက်၊ စစ်တပ်လက်အောက် အကုန်ရောက်ခဲ့ရတယ်။

မှူးကြီးက စောလူလောက် မညံ့သလို ဘုရင့်နောင်လောက်လည်း မတော်မကောင်းဘူး။ ပုတီးအမြဲတမ်း စိပ်တတ်တဲ့ ဦးနုနဲ့ တူဖို့နေနေသာသာ လက်ထဲပုတီးမိတဲ့ အရင်က လယ်ယာဝန်ကြီးမြင့်အောင် အဟောက်ခံရသေး။ မတူဘူးဆိုရင်လည်း တတိယဂမ္ဘီရခရီးစဉ်ကို နှင်ရအောင်ပါ။

ပုဂံနိုင်ငံတော်ရဲ့ တတိယလူက ကျန်စစ်သားပါ။ ပုဂံနိုင်ငံတော်နှစ်ပေါင်း (၃၀၀) နီးပါး (အေဒီ ၁၀၄၄-၁၂၉၈) တည်တံ့အောင် အုတ်မြစ်ချခဲ့သူပါ။ မြန်မာနိုင်ငံသမိုင်းမှာ ပြိုင်စံရှားတဲ့မင်းတစ်ပါး ဖြစ်တယ်။ လေ့လာချက်များအရ အနော်ရထာနဲ့ စောလူး ကြမ်းခဲ့သမျှ အတိဒုက္ခရောက်ခဲ့ရတဲ့ မွန်မြန်မာတွေကို ဖြေသိမ့်နိုင်သူ ဖြစ်တယ်။ ခမာတွေနဲ့အပြိုင် ဗမာတို့ရဲ့ဂုဏ်ရောင်ကို ထွန်းပြောင်အောင် သိက္ခာရှိရှိ ကြိုးပမ်းနိုင်ခဲ့သူ ဖြစ်တယ်။

ဟံသာဝတီနိုင်ငံတော်ရဲ့ တတိယလူက နန္ဒဘုရင် (အေဒီ ၁၅၈၁-၉၉) ပါပဲ။ မိသားစုပြဿနာ၊ လူမျိုးစုပြဿနာ၊ အုပ်ချုပ်ရေးပြဿနာ ပြဿနာပေါင်းများစွာကို ရင်ဆိုင်ဖြေရှင်းရသူ ဖြစ်ပြီး မနိုင်ဝန်ကို ထမ်းရင်း ထိုင်းနဲ့ စစ်ခင်းရသူ ဖြစ်တယ်။ ကစားဖော်ကစားဖက် ထိုင်းမင်းသားနရဲစွမ်ကို စစ်ရှုံးပြီး အင်းဝ၊ ရခိုင်၊ တောင်ငူတို့ကို မထိန်းချုပ်နိုင်တော့ဘဲ နောက်ဆုံး သူကိုယ်တိုင် တောင်ငူကို ခိုလှုံခဲ့ရတယ်။

တတိယမြန်မာရဲ့ တတိယလူက အလောင်းဘုရားသားတော်တစ်ပါးဖြစ်တဲ့ မြေဒူးမင်းပါ။ နန်းတက်ပြီးနောက် ဆင်ဖြူရှင်မင်းလို့ ထင်ပေါ်လာတယ်။ သူက အင်းဝမှာ နန်းစိုက်တယ်။ ကုန်းဘောင်ခေတ်မှာ စစ်ဘုရင်တစ်ဆူလို့ ပြောလို့ရတယ်။ ထိုင်းကို သိမ်းပိုက်ပြီး အယုဒ္ဓယမြို့ကို သုဿာန်တစပြင် ဖြစ်အောင် ဖြိုဖျက်ခဲ့သူ ဖြစ်တယ်။ နယ်စပ်ဒေသရှိ ရှမ်းတိုင်းရင်းသားများကို အကြောင်းပြုပြီး မန်းချူးတရုတ်တို့နဲ့ စစ်ပွဲ (၄) ကြိမ်တိုက်ခဲ့သူပါ။ တရုတ်မြန်မာ စစ်ပြေငြိမ်းရေးစာချုပ်ကိုလည်း သိက္ခာရှိရှိ ချုပ်ဆိုနိုင်ခဲ့သူ ဖြစ်တယ်။

စတုတ္ထမြန်မာရဲ့ တတိယလူက ဦးနေဝင်းလို့ပဲ သတ်မှတ်ပါရစေ။ ဦးဘဆွေတို့ ရှိပေမယ့် သူ့ကိုပဲ သတ်မှတ်ကြည့်ရအောင်ပါ။ တစ်ပါတီအာဏာရှင် ဗိုလ်ချုပ်ကြီးနေဝင်းက ကချင်ရွာ (၅) ရွာကို တရုတ်အား လက်ဆောင်ပေးလိုက်ခြင်းဖြင့် တရုတ်နဲ့ ချစ်ကြည်ရေးတည်ဆောက်နိုင်ခဲ့ပါတယ်။ မြန်မာ့နည်းမြန်မာ့ဟန် ဆိုရှယ်လစ်စနစ်နဲ့ ခရီးဆက်ရင်း တိုင်းပြည်ကြီးကို ကမ္ဘာ့အဆင်းရဲဆုံးနိုင်ငံဖြစ်အောင် လုပ်နိုင်ခဲ့သူပါ။

တတိယဆက်တွေကို လေ့လာကြည့်ရင် မှူးကြီးစရိုက်နဲ့ နည်းနည်းဆင်တာလေးတွေ ရှိနေတယ်လို့ မခံစားရဘူးလား။ မှူးကြီးက လက်ရှိစစ်အစိုးရရဲ့ ဒုတိယလူဖြစ်ပေမယ့် တတိယရင်ခုန်သံနဲ့ အောင်လံထူနေသူပါ။ သူက ကျန်စစ်သားရူးရူးခဲ့တဲ့ ကြောင်စစ်သားစောမောင်ကို လုပ်ကြံပြီး ဆက်ခံခဲ့တယ်။ ကျန်စစ်သားကို ကြိုက်မယ်မထင်ဘူး။ ကျန်စစ်သားကို ကျော်ပြီး နန္ဒဘုရင်ကို ကြည့်ရအောင်ပါ။

နန္ဒဘုရင်နဲ့ မှူးကြီးတို့ ရင်ဆိုင်နေရတဲ့ ပြဿနာက တူသလိုလို ရှိတယ်။ နန္ဒဘုရင်လိုပဲ မှူးကြီးမှာ အမျိုးသားရေးပြဿနာ၊ တိုင်းရင်းသားရေးရာပြဿနာ၊ မိသားစုပြဿနာ ရှိပါတယ်။ နန္ဒဘုရင်က ဗဂိုးမှာ ကျပ်လွန်းလို့ တောင်ငူကို လစ်ရသလို မှုးကြီးလည်း ရန်ကုန်ကနေ ကြပ်ပြေးနေပြည်တော်ကို ခွာတော်မူပါတယ်။ ထိုင်းနိုင်ငံရေး ရှုပ်ထွေးအောင် ထိုင်းဝန်ကြီးချုပ်ဟောင်း သက်ဆင်ကို မြှောက်ပေးနိုင်ခဲ့သူ ဖြစ်ပြီး တရုတ်နဲ့ ပြဿနာတက်အောင် ရှမ်းပြည်နယ်ရှိ ကိုးကန့်၊ ဝ၊ မုန်လား၊ ရှမ်းတွေကို အခြောက်တိုက် ရန်ရှာပြီး တရုတ်ဘက်က လေယာဉ်ပစ်အမြောက်တပ် ဖြန့်ထားရတဲ့အထိပါပဲ။

မြေဒူးမင်း (ဆင်ဖြူရှင်) ကို အားကျလို့လား မသိပါနော်။ မှူးကြီးက ဆင်ဖြူရှင်လိုပဲ ငါးကြင်ဆီနဲ့ ငါးကြင်းကြော်ချင်ပါတယ်။ တိုင်းရင်းသားလက်နက်ကိုင်တွေကို နယ်ခြားစောင့်တပ်အဖြစ် ပြောင်းလဲဖွဲ့စည်းဖို့ ဖိအားပေးနေပြီး လက်မခံတဲ့ဒေသတွေမှာ ပြည်သူ့စစ်တွေကို မွေးထုတ်နေလေရဲ့။ ဆင်ဖြူရှင်က ထိုင်းကို ဝင်တိုက်တဲ့အချိန်မှာ တိုင်းရင်းသားတွေကို အသေခံတပ်အဖြစ်နဲ့ အသုံးချခဲ့ပါတယ်။ ဗညားစိန်ကို ယိုးဒယား ချီစေပြီး ကျန်ရစ်သူမိသားစုများကို ပြန်ပေးဆွဲခဲ့တဲ့ မုတ္တမမြို့စား ဂါမဏိစန္ဒာဆိုတာ ဆင်ဖြူရှင်ခန့်အပ်ခဲ့တဲ့ မင်းကြီးတစ်ဦးပါ။ ဆင်ဖြူရှင်ဟာ မွန်တွေကို တိုက်ဖို့ ရှမ်းတွေကို သုံးသလို ရှမ်းတွေကို တိုက်ဖို့ ချင်းကချင်မုဆိုးတွေကို ဆင့်ခေါ်ပါတယ်။ ဆင်ဖြူရှင်လုပ်ရပ်နဲ့ မှူးကြီး လက်ရှိလုပ်ဆောင်နေတာကို တူမတူ ချင့်ချိန်ကြပါ။

မှူးကြီးက ဆင်ဖြူရှင်လို စစ်ဘုရင် ဖြစ်ချင်နေတာပါ။ ဆင်ဖြူရှင်မင်း စစ်ပြင်သလိုလည်း ပြင်ပါတယ်။ ဆင်ဖြူရှင် ယိုးဒယားမှာ ဥမင်တူးသလို သူလည်း နေပြည်တော်ဘက်မှာ တူးပါတယ်။ အိမ်နီးချင်းတွေထက် စစ်ရေးအင်အားသာအောင် ကြိုးပမ်းနေပြီး နျူကလီးယားလက်နက် ပိုင်ဆိုင်တဲ့အထိ လုပ်သွားမယ့်သဘောကို တွေ့ရတယ်။ မြောက်ကိုရီးယားကို အသေဖားပြီး အင်အားကြီးနိုင်ငံတွေကို ဆော့ကစားလျက် ရှိပါတယ်။

မှူးကြီး ဆင်ဖြူရှင်ရူး ရူးပုံကို လူတိုင်းသတိပြုမိတဲ့ အထင်ရှားဆုံး အချက်တစ်ချက်မှာ ဆင်ဖြူရှာပုံတော်ဖွင့်ခဲ့ခြင်း ဖြစ်တယ်။ ဆင်ဖြူရှင်ရူး ရူးလွန်းလို့ မောင်ခင်ညွန့် အတော်ဒုက္ခရောက်ခဲ့ရပါတယ်။ ဆင်ဖြူရှင်ဖြစ်အောင် ဆင်ဖြူများကို ရှာရရာ အိန္ဒိယမှာ သစ်ဆွဲနေတဲ့ဆင်တွေကို သွားဖမ်းမိလို့ ပြဿနာလည်း တက်၊ ပိုက်ဆံလည်း ကုန်ခဲ့ရသေးတယ်။ မှူးကြီးရောဂါက တစ်နေ့ပြီးတစ်နေ့ အခြေအနေဆိုးလာပါတယ်။

မြန်မာခေါင်းဆောင်အတော်များများက တိုင်းပြည်ရဲ့အခြေအနေကို ဂရုစိုက်လေ့ မရှိပါဘူး။ သူတို့ဖြစ်ချင်တာကိုပဲ ဇွတ်လုပ်လေ့ ရှိပါတယ်။ ဘယ်ဘုရင်ခေတ်က ဘယ်ဘုရားကို ဘယ်လောက် ကြီးအောင်၊ ဘယ်နိုင်ငံကို သိမ်းပိုက်ပြီး ဘယ်လောက်တန်ခိုးထွားအောင် လုပ်နိုင်ပုံကို စိတ်ဝင်စားလေ့ ရှိပါတယ်။ သူ့ဘုရားထက် ကိုယ့်ဘုရားက သာအောင် တည်ရတယ်။ တစ်ခါတလေ ပြည်သူတွေ မတတ်သာလွန်းလို့ ဒီဘုရားပြီးရင် ဒီမင်းကျမယ်လို့ တဘောင်လွှတ်မှ နောက်ဆုတ်ကြတဲ့ မင်းတွေ ရှိပါတယ်။ မှူးကြီးက သူ့နေပြည်တော်မှာ ဥပါတသန္တိစေတီတော်ကို တည်တုန်း ဘုရားထီးတော်တင်ရင် မှူးကြီးသက်တော် ကုန်မယ်လို့ ခြောက်တာတောင် မကြောက်ခဲ့တဲ့သူပါ။

အခုလည်း ဘယ်သူပဲ ခြောက်ခြောက် မှူးကြီး မကြောက်ပါဘူး။ ကုလသမဂ္ဂပဋိညာဉ်စာချုပ်တို့၊ သုံးပွင့်ဆိုင်ဆွေးနွေးပွဲတို့၊ သပိတ်မှောက်ဆန္ဒပြတာတို့၊ ရွှေဂုံတိုင်ကြေညာစာတမ်းတို့၊ ပိတ်ဆို့မှုတို့ ဘာတစ်ခုမှ မှူးကြီး မကြောက်ပါဘူး။ မကြောက်လို့ပဲ သူ့ရွေးကောက်ပွဲဥပဒေကို ထုတ်ပြန်လိုက်ပြီ ဖြစ်တယ်။ အမျိုးသားဒီမိုကရေစီအဖွဲ့ချုပ်နဲ့ တိုင်းရင်းသားအဖွဲ့အစည်းတွေ မပါရင် နိုင်ငံတကာက ရွေးကောက်ပွဲကို အသိအမှတ်ပြုဖို့ ခက်ကြောင်းသိပေမယ့် ဒေါ်အောင်ဆန်းစုကြည်နဲ့ တိုင်းရင်းသားခေါင်းဆောင်အချို့ ရွေးကောက်ပွဲဝင်လို့ မရအောင် စည်းခြားထားပြီ ဖြစ်တယ်။

ဂျပိုးကို လိပ်၊ လိပ်ကို ဂျပိုးဖြစ်အောင် မလိမ့်တပတ် မျက်လှည့်ပြတတ်တဲ့ မှူးကြီးက တပြည်ထောင်ရွေးကောက်ပွဲဥပဒေကို ပြည်ထောင်စုဥပဒေလို့ ပြောနေပြန်ပြီ။ မှူးကြီးက ပြည်ထောင်စုစိတ်ဓာတ်နဲ့ မျိုးချစ်စိတ်ဓာတ် မွေးကြဖို့ တိုင်းရင်းသားတွေကို တဖွဖွမှာရင်း တပြည်ထောင်စနစ်နဲ့ စစ်တပ်နိုင်ငံတော်ကို ထူထောင်ဖို့ ပြောင်ပြောင်တင်းတင်း ကြေညာလိုက်ပါပြီ။ နှစ်ပေါင်း (၂၀) ကျော် အတိတ်နိမိတ်တွေ ပြနေရက်သားနဲ့ မှူးကြီးဆိုတာ ဘာလဲလို့ နားမလည်ဘဲ ဒုံးဝေးချာနေတဲ့ ဒီမိုကရေစီဘက်တော်သားတွေနဲ့ တိုင်းရင်းသားတွေကို အရှင်းလင်းဆုံး ကိုယ်ထင်ပြလိုက်တာပါပဲ။

အချို့က မှူးကြီးဆိုတာ ဂျိုးနဲ့ပါလားလို့ အစောကြီးကတည်းက သိကြပါသတဲ့။ ဒါပေမယ့် တစ္ဆေကြောက်တတ်တဲ့သူမို့ ညောင်နှစ်ပင်နားကို မျက်စိမှိတ်ပြီး ဖြတ်သွားရင် အဆင်များ ပြေမလားလို့ပါတဲ့။ သွားစရာလမ်းက ဒါပဲရှိတော့ တစ္ဆေသနားမှ ချစ်သူအပါးကို သွားနိုင်မှာမို့ တစ္ဆေကလည်း တစ်ခါတလေ စိတ်ကောင်းဝင်တတ်ပါတယ်လို့ မသိစိတ်ကို ရဲဆေးတင်ပြီး လာခဲ့ပါတယ်။ အခုကျတော့ ညောင်နှစ်ပင်တစ္ဆေက အားနွဲ့သူပါဆိုမှ မသနား ရွေးကောက်ပွဲဥပဒေနဲ့ မျှားပြီး အသေအချာ ကိုင်နေပြီပေါ့။

အာဆီယံအထွေထွေအတွင်းရေးမှူး ဆူရင်ပစ်ဆူးဝမ်း က ဘာပဲဖြစ်ဖြစ် ရွေးကောက်ပွဲက အစတစ်ခုပါတဲ့။ သံတမန်စကားအရ သူပြောတာပါ။ မြန်မာပြည်မှာ ဘာမှမရှိတာနဲ့စာရင် တစ်ခုခုဖြစ်ရင် မဆိုးပါဘူးဆိုတဲ့ သဘောပါ။ သံတမန်အရေခြုံကို ခွာပြီး ပြောရရင် အတိုက်အခံတွေနဲ့ တိုင်းရင်းသားတွေ ဘာမှမတတ်သာတော့ပါဘူး။ ဒီစစ်အစိုးရကို မဖြိုနိုင်မယ့်အတူတူ ညောင်နှစ်ပင်ဇာတ်လမ်းအတိုင်း ကပြအသုံးတော်ခံသွားဖို့က အဆင်ပြေဆုံး၊ ခင်ဗျားတို့ အားမတန်ရင် မာန်ကို လျှော့လိုက်ကြပါတော့လို့ ပြောချင်တာ ဖြစ်တယ်။

ဆူရင်ပစ်ဆူးဝမ်း ရုံတင် ဘယ်ဟုတ်မလဲ။ ပြည်တွင်းက နိုင်ငံရေးသမားအချို့လည်း ဒီလေသံအတိုင်း ပြောနေကြတာပဲ။ မြန်မာပြည်မှာ အခြေခံဥပဒေမရှိတာနဲ့စာရင် ဒီအခြေခံဥပဒေနဲ့ သွားပြီး နအဖကို ပူးသတ်မှသာ စစ်မှန်တဲ့ ချဉ်းကပ်မှု ဖြစ်တယ်လို့ ယူဆကြတယ်။ ဦးသုဝေတို့ အဖွဲ့က ပြောသေးတယ်။ ဒီရွေးကောက်ပွဲနဲ့ စစ်အစိုးရက မသိမသာ နောက်ဆုတ်နေတာပါတဲ့။ နောက်ဆုတ်တာလား၊ ရှေ့တိုးနေတာလား သိဖို့ မခက်ပါဘူး။ မှူးကြီးကို လေ့လာကြည့်ပါ။ လွယ်လွယ်ကလေးနဲ့ သိနိုင်ပါတယ်။

(၁) ဒီမိုကရေစီဆိုတာ လူတန်စားအားလုံး ပါဖို့ လိုတယ်လို့ ဆိုပါတယ်။ ဒီမိုကရေစီစံကို သတ်မှတ်တဲ့နေရာမှာ ဒီအချက်က သိပ်ကို အရေးကြီးတယ်။ ဒီစံနှုန်းကို မှူးကြီးက တန်ဖိုးမထားပါ။ သိလည်း သိပုံမရပါဘူး။

(၂) တိုင်းရင်းသားတို့ရဲ့ဒေသထဲကို ဝင်ပြီး စစ်ပြင်နေတယ်။ တိုင်းရင်းသားတွေကို တစ်နည်းတဖုံ ဖြိုဖို့ အကွက်ဆင်နေတယ်ဆိုတာ သံသယရှိစရာ မလိုပါ။

(၃) ရေးဆွဲထားတဲ့ ၂၀၀၈ ဖွဲ့စည်းပုံအခြေခံဥပဒေက နအဖရဲ့သတ်ကွင်း ဖြစ်တယ်။ ပုဒ်မတိုင်းမှာ သေနတ်မောင်းတံ တပ်ထားလို့ ယမ်းနံ့စော်နေတယ်။

စစ်တပ်သဘောကို သိရင် မှူးကြီးက နောက်ဆုတ်နေတယ်လို့ ဘယ်သူမှ ပြောမှာ မဟုတ်တော့ဘူး။ အတိုက်ထုတ် မခံရရင် သူတို့ရထားတဲ့နယ်မြေ တစ်လက်မမှ ပြန်မပေးဘူးဆိုတာ စစ်သားတို့ရဲ့ ဉာဉ်ပဲ။ တက်လာမယ့်အစိုးရမှာ တပ်မတော်ဦးစီးချုပ်က ရွေးချယ်စေလွှတ်တဲ့ တပ်မတော်သား ကိုယ်စားလှယ် (၂၅) ရာခိုင်နှုန်း ပါရမယ်တဲ့။ ဆုတ်မယ့်တပ်က ရှေ့တန်းက နယ်မြေ (၂၅) ရာခိုင်းနှုန်းကို အပိုင်တပ်စွဲထားဖို့ မလိုပါ။

မှူးကြီးက ပြည်ထောင်စုကြီးကို တစ်ပြည်ထောင်ကြီး ဖြစ်အောင် လုပ်မယ်လို့ ကြိတ်ကြံနေသူ ဖြစ်တယ်။ ကျန်စစ်သားရူး ရူးခဲ့တဲ့ ကြောင်စစ်သားစောမောင်ထက် အများကြီး ဆိုးသူပါ။ ဆင်ဖြူရှင်ရူး ရူးတဲ့မှူးကြီးက ဘုန်းကြီးတွေ သတ်ပြနေတာတောင် ထိုင်းအချို့က ဗုဒ္ဓဘာသာကို လုံးဝကိုင်းရှိုင်းတဲ့ နအဖဖြစ်ကြောင်း ဝိုင်းပြီး ထောက်ခံပေးကြသတဲ့။ ဒါဆိုရင်လည်း ပဲခူးကို ဖျက်ပြီး မွန်ဘုန်းကြီးတွေကို သတ်တဲ့ အလောင်းဘုရား၊ အယုဒ္ဓယကို ဖြိုချပြီး ထိုင်းဘုန်းကြီးတွေကို သတ်ခဲ့တဲ့ မြေဒူးမင်း (ဆင်ဖြူရှင်) တို့ကို သာသနာပြုမင်းများ ဖြစ်ကြပါပေတယ်လို့ မြန်မာ့သမိုင်းမှာ ရေးထားတာတွေ မမှားဘူးပေါ့။ အလောင်းဘုရားနဲ့ ဆင်ဖြူရှင်နောက် တကောက်ကောက်ပါအောင် လိုက်နာဆည်းကပ်နေကြောင်း ထင်ရှားစေဖို့ မှူးကြီးက ဒီလောက်လုပ်ပြနေတာတောင်မှ အမြင်မှောက်မှားနေသေးတဲ့ ဆူရင်ပစ်ဆူးဝမ်း ရေ…မြန်မာနိုင်ငံရွေးကောက်ပွဲ ပြီးတာနဲ့ ဘန်ကောက်ကို ဖြိုဖို့ နောက်ထပ်ဆင်ဖြူရှင် မှူးကြီးမင်းတစ်ပါး အလိုရှိပါသလားလို့ မေးလိုက်ချင်ပါရဲ့။

အိမ်ခွန်မပေးနိုင်သူ ရွာခံများကို ဥပဒေရုံးသို့ ခေါ်ဆောင်ခံရ

မိယဉ်မွန်၊ မိလရီထော

မွန်ပြည်နယ်၊ မုဒုံမြို့နယ်အတွင်းတွင် အိမ်ခွန်များကောက်ခံနေပြီး၊ ထိုအခွန်မပေးနိုင်သူ နှီးပဒေါရွာသား အယောက် (၁၀၀) နီးပါးခန့်ကို မတ်လ ၃၁ ရက်နေ့ နံနက်ပိုင်းက မုဒုံမြို့နယ်ရှိ ဥပဒေရုံးသို့ ခေါ်ဆောင်သွားခဲ့သည်။

“ပထမနေ့ခေါ်တော့ ဘာမှမပြောလိုက်ရဘူး၊ နောက်နေ့လာခဲ့ဆိုပြီး မနေ့က သွားရပြန်တယ်၊ သူတို့ပြောတာက အခုကောက်တဲ့ပိုက်ဆံကို မပေးနိုင်ရင် အချုပ်ခန်းထဲထည့်လိုက်မယ်တဲ့ အဲဒီလိုပဲ ပြောခဲ့တယ်” ဟု နှစ်ရက်ဆက်တိုက် မုဒုံဥပဒေရုံးသို့ သွားခဲ့ရသူတစ်ဦးက ပြောသည်။

အိမ်ခွန်များကို ၆ လ အတွင်း ၃ ကြိမ်ဆက်တိုက်ကောက်ခံခဲ့သည်။ ၃ ကြိမ်မြောက် ကောက်ခံရာ မပေးဆောင်နိုင်သူများကို မုဒုံမြို့ရှိ ဥပဒေရုံးသို့ ခေါ်ဆောင်မည်ဖြစ်ကြောင်း စည်ပင်သာယာရေးဌာနမှ ငွေကြေးလိုက်လံကောက်ခံ နေသူတစ်ဦး၏ ပြောကြားချက်ကို ကိုးကား၍ နှီးပဒေါရွာခံတစ်ဦးက ပြောသည်။

ထိုသို့ရွာသားများ ဥပဒေရုံးသို့ ခေါ်ဆောင်သွားပြီး ယခုကောက်ခံသည့်အိမ်ခွန်ကို ပေးရန်ပြောကြားသည်။ ရွာခံများကလည်း မလွှဲရှောင်သာပေးရမည်ဖြစ်သည့်အတွက် လက်ရှိကောက်ခံသည့်နှုန်းထားထက် လျှော့ပေးရန်တောင်းခံခဲ့သည်။ ထိုကြောင့် ယခင်က တစ်အိမ် ၄ သိန်းကို ၃ သိန်းငါးသောင်းသို့လျှော့ချပေးကြောင်း ၄င်းက ပြောသည်။

“အိမ်အရွယ်အစားမရွေးဘူး၊ တစ်အိမ်ကို ၄သိန်း ပေးရမယ်လို့ ရွာက စည်ပင်တွေလာကောက်နေတယ်၊ ဒီလိုအိမ်ခွန်ကောက်တာ တစ်ခါမှမဖြစ်ဖူးဘူး၊ ပြီးခဲ့တဲ့ စက်တင်ဘာလကနေ စပြီးကောက်တာ အခုချိန်အထိပဲ၊ နောက်ဆုံးကောက်တာမပေးနိုင်လို့ ဥပဒေရုံးကိုခေါ်သွားတယ်” ဟု ထိုအခက်အခဲနှင့် ရင်ဆိုင်ကြုံတွေ့နေသူတစ်ဦးက ပြောသည်။

မုဒုံမြို့နယ်အတွင်းရှိ ညောင်ကုန်ကျေးရွာတွင်လည်း အသစ်ဆောက်ထားသော တိုက်အိမ်များကို မြို့နယ်စည်ပင်မှ စာရင်းကောက်ယူပြီး၊ တစ်နှစ်တစ်ခါ စည်ပင်ဌာနသို့ ငွေကျပ် (၂၅၀၀) ပေးဆောင်နေရသည်ဟု ညောင်ကုန်ရွာခံတစ်ဦးက ပြောသည်။

အကောက်ခွန်ဥပဒေများထဲတွင် အိမ်ခွန်များကို အိမ်စတင်ဆောက်လုပ်သည်မှ ၁၄ နှစ်အထိ အခွန်ဆောင်ရပြီး ၁၄ နှစ်ကြာပြီးနောက်ပိုင်း ဌာနမှ အခွန်ကောက်ပိုင်ခွင့်မရှိဟု အကောက်ခွန်ဌာနနှင့် နီးစပ်သူတစ်ဦးက ပြောသည်။

မွန်ပြည်နယ်၊ မုဒုံမြို့နယ်အတွင်းရှိ ကျေးရွာများတွင်လည်း အသစ်ဆောက်ထားသော အိမ်များကို အိမ်အရွယ်အစားပေါ်မူတည်ပြီး ငွေကျပ် (၅-၆) သိန်းနှုန်းဖြင့် ပေးဆောင်နေရကြောင်းသိရပါသည်။

ယင်းငွေများကို အရစ်ကျ ပေးဆောင်နေရပြီး တစ်ခါပေးလျှင် ၅ သောင်းမှ ၁ သိန်းအထိ ပေးဆောင်နေရကြောင်း မုဒုံမြို့ခံတစ်ဦးက ပြောသည်။

အမြတ်တော်ခွန်ပေးဆောင်နေရသည်မှာ တစ်နှစ်ကျော်ကြာပြီး ကာလတန်းဖိုး၏ ပေါက်ဈေးဖြင့် ကျပ်ငွေ ၃၀၀၀ လျှင် စည်ပင်သို့ ၁၅၀၀ အခွန်ပေးဆောင်နေရသည်။ တိုက်အိမ်ရော သစ်အိမ်ရော ပေးဆောင်နေရပြီး၊ ပျဉ်းကတိုးသစ်နဲ့ ဆောက်ထားတဲ့ အိမ်ဆိုလျှင် သိန်းချီပေးဆောင်ရကာ ရိုးရိုးသစ်နှင့်ဆောက်ထားသည့် အိမ်လျှင် သောင်နှင့်ချီပေးဆောင်ရကြောင်း မုဒုံမြို့နယ်ရှိ အမျိုးသားတစ်ဦးက ပြောသည်။

၂၀၀၈ ခုနှစ်က အိမ်ဆောက်ထားသူတစ်ဦးက ခြံ၊ လယ်မြေ သို့မဟုတ် ပစ္စည်းတခုခုရောင်းပြီးမှ အိမ်ဆောက်ပါက ကုန်ကျငွေ၏ ၁၀ ရာခိုင်နှုန်းကို စည်ပင်သို့ ပေးဆောင်ရသည်။ မည်သည့်ပိုင်ဆိုင်မှုကိုမှ မရောင်းဘဲ အိမ်ဆောက်လုပ်ခြင်းဖြင့် ထိုကုန်ကျစရိတ်အတွက်၏ ပိုင်ဆိုင်မှုကို မရှင်းပြနိုင်ပါက ၅၀ ရာခိုင်နှုန်းထိ စည်ပင်ဌာနသို့ ပေးဆောင်ရမည်။

စပါးဈေးများ တရွေ့ရွေ့တက်နေဆဲ

မိလရီထော

မွန်ပြည်နယ်အတွင်း လက်ရှိအခြေအနေအရ စပါးဈေးအဆမတန်မြင့်တက်နေပြီး ဆက်လက်မြင့်တက်ရန်လည်းရှိသည်ဟု ဒေသခံတို့က ပြောသည်။

“စပါးဈေးကတော့ ပြောမနေပါနဲ့၊ ဒီလိုတက်တာ တခါမှမတွေ့ဖူးဘူး၊ စပါးအရောင်းအဝယ်လုပ်နေတဲ့ပွဲစာတွေပြောတာက ဒီ့ထက်တက်အုံးမယ်တဲ့ ဒီနှစ်က စပါးအထွက်ကလည်းနည်းတာနဲ့ နောက်ထပ်ဘယ်လောက်တက်အုံးမလဲမသိတော့ပါဘူး” ဟု မုဒုံမြို့ခံတစ်ဦးက ပြောသည်။

လက်ရှိစပါးဈေးမှာ ယခင်က ကောက်ကြီးစပါးတင်းတစ်ရာလျှင် (၅) သိန်းကျော်သာရှိသည်ကို ယခု (၇) ကျော်အထိမြင့်တက်သွားသည်။

ပြီးခဲ့သည့် စပါးမရိတ်သိမ်းခင်ကာလမှာ လယ်ခင်းတော်တော်များများ ပိုးထိထားခြင်းကြောင့် စပါးရိတ်သိမ်းချိန်မှာ စပါးအထွက် ထက်ဝက်ကျော်လျော့နည်းခြင်းကြောင့် ယခုလို စပါးဈေးအဆမတန်မြင့်တက်နေရခြင်းဖြစ်သည်။

“တချို့လယ်တွေမှာ တဝက်ကျော်အထွက်လျော့တယ်၊ တချို့ဆို အကုန်နီးပါးထိတယ်၊ တချို့ဆိုရင်လည်း သုံးပုံတစ်ပုံလောက်ပဲကျန်တယ်၊ ရောင်းဖို့မပြောနဲ့ စားဖို့တောင်မလောက်မငှပဲ” ဟု လယ်သမားတစ်ဦးက ပြောသည်။
ထိုကဲ့သို့ စပါးအထွက်လျော့နည်းပြီး၊ စပါးသိုလှောင်ရန် လိုက်လံဝယ်ယူနေကြသည့် စပါးကုန်သည်တို့ကြောင့် စပါးဈေးလည်း တရွေ့ရွေ့မြင့်တက်နေသည်။ ထိုထက်မြင့်တက်ရန်လည်းရှိသည်ဟု စပါးကုန်သည်တို့က ပြောသည်။

“ဆန်ဈေးတွေလည်း တက်နေတယ်၊ ကောက်ကြီးတစ်အိတ်ကို အခုဆို ၃ သောင်းကျော်သွားပြီး၊ မိုးတွင်းရောက်ရင် ဘယ်လောက်ထိထပ်တက်အုံးမလဲတော့မသိဘူး၊ ဘာပဲဖြစ်ဖြစ်ပေါ့ မိုးတွင်းမှာစားဖို့တော့ နည်းနည်းလှောင်ထားရတယ်” ဟု ဒေသခံတစ်ဦးက ပြောသည်။

ထိုသို့ စပါးအထွက်နည်းပြီး စပါးဈေးလည်း အဆမတန်မြင့်တက်နေခြင်းကြောင့် စပါးကုန်သည်တချို့တို့က ပဲခူးဘက်မှ စပါးများကို ဝယ်ယူပြီး စပါးအထွက်နည်းသည့် မုဒုံ၊ သံဖြူဇရပ်၊ ရေးအစရှိသည့်မြို့နယ်သို့ အရောင်းအဝယ်ဖြစ်နေကြောင်း ကုန်သည်တစ်ဦးက ပြောသည်။

“ကျမတို့ရွာမှာ လွန်ခဲ့တဲ့တစ်လလောက်မှာတော့ စပါးတစ်တင်းကို (၄၃၀၀) ကျပ်နှုန်းပဲ၊ ဒါပေမယ့် အခုတော့ (၅၆၀၀) ကျပ်ထိတက်သွားတယ်၊ လယ်မရှိတဲ့လူတွေတော့ ခက်ရပြီးပေါ့” ဟု လမိုင်းမြို့ဒေသခံတစ်ဦးက ပြောသည်။

ယခုနှစ်အတွင်း စပါးပိုးထိပြီး စပါးအထွက်နည်းခြင်းကြောင့် လယ်သမားအများစုတို့ကလည်း စပါးထုတ်ရောင်းချခြင်းမရှိပဲ စားဖို့အတွက်သာ သိုလှောင်ထားကြကြောင်း လယ်သမားတို့က ပြောသည်။

ယခုလို စပါးဈေးများအဆမတန် တရွေ့ရွေ့တက်လာနေခြင်းကြောင့် တစ်နေ့လုပ် တစ်နေ့စား လုပ်ကိုင်စားသောက်နေရသူများအတွက် စားဝတ်နေရေးအခက်အခဲဖြစ်နေကြရပြီး၊ တောင်သူလယ်သမားများအတွက်လည်း လာမည့်နှစ်အတွက် လုပ်ငန်းသစ်စတင်ရန် အခက်အခဲမျိုးစုံနှင့် ကြုံတွေ့နေကြသည်။

ပြီးခဲ့သည့် စပါးရိတ်သိမ်းခါနီးအချိန်မှာ မွန်ပြည်နယ်အတွင်းရှိ မုဒုံမြို့နယ်၊ သံဖြူဇရပ်မြို့အပါအဝင် တချို့သောမြို့နယ်များမှ စပါးခင်းများ ပိုးထိပြီး ဆိုးရွားစွာ ပျက်စီးခဲ့ရသည်။

သင်္ကြန်မတိုင်ခင် နေပြည်တော်ရှိ ဝန်းထမ်းများ လုပ်ငန်းအဆုံးသတ်နေကြ

ပနွတ်ကျား

နေပြည်တော်ရှိ အစိုးရဝန်ထမ်းများ သင်္ကြန်မတိုင်ခင် ယခုရက်ပိုင်းအတွင်း မိမိနှင့်သက်ဆိုင်သည့် အလုပ်ကိစ္စများ အဆုံးသတ်ကြရန် လွန်ခဲ့သည့် သီတင်းတပတ်က အမိန့်ထုတ်ထားသည်။

သင်္ကြန်ရက် ရုံးပိတ်ရက်အတွင်း ဝန်းထမ်းများ ခရီးထွက်ခြင်း၊ နေရပ်သို့ အလည်အပတ်ပြန်ကြခြင်းကြောင့် ရုံးစီမံကိစ္စများ မနှောင့်နှေးစေရန် ယခုလို ကြိုတင် ကြေငြာထားခြင်းဖြစ်သည်ဟု နေပြည်တော်ရှိ ဝန်ထန်းတစ်ဦးက ပြောသည်။

ထိုသို့ကြေငြာထားပြီးနောက် ရုံးဝန်းထမ်းများက သင်္ကြန်မတိုင်ခင် အလုပ်ကိစ္စများကို အပြီးသတ်လုပ်ဆောင်ရမည်ဖြစ်သည်။ မိမိနှင့်ပတ်သက်သော အလုပ်များအပြီးသတ်မလုပ်နိုင်ပါက သင်္ကြန်ရုံးပိတ်ရက်အတွင်း ပြန်ခွင့်ရရှိမည်မဟုတ်ဟု ဝန်းထမ်းများက ပြောသည်။

“ကျမတို့ ဒီနေ့ပဲ အလုပ်ကို အပြီးသတ်လုပ်လိုက်တယ်၊ သင်္ကြန်ဆိုရင် ဝန်းထမ်းတော်တော်များများက ပြန်ကြတယ်၊ နောက်တခုက ကျမတို့မှာ သုံးလတစ်ကြိမ်ပေါ့ စစ်ဆေးတယ်၊ သင်္ကြန်နဲ့လာတိုက်နေတယ်၊ အဲဒါကြောင့် အပြီးလုပ်ပေးနေရတယ်” ဟု အထက်ပါ ဝန်ထမ်းက ဆိုသည်။

ယခုလသည် စာရင်းစစ်ရုံးဝန်းထမ်းများ အလုပ်များသည့်လဖြစ်တယ်၊ ဘာဖြစ်လို့လဲဆိုတော့ တစ်လပိုင်ကနေ လေးလပိုင်ထိ စာရင်းတွေတင်ပြရတယ်ဆိုတော့ သင်္ကြန်ရက်နဲ့ဆုံပြန်တယ် အဲဒါကြောင့်မို့ စာရင်းစစ်တွေ ပိုအလုပ်ရှုပ်တယ်ဟု စာရင်းစစ်ဝန်ထမ်းတစ်ဦးက ပြောသည်။

နေပြည်တော်ရှိ အစိုးရဝန်ထမ်းများမှ အောက်ခြေဝန်ထမ်းတစ်ဦး၏လစာမှာ ၅၀၀၀၀ ကျော်ကျော်သာ ရရှိကြပြီး၊ ထိုလစာများထဲမှ စားဝတ်နေရေးအကုန်လုံး ပါဝင်နေသဖြင့် ဝန်ထမ်းများအတွက် မလောက်မငှဖြစ်နေကြသည်။ အိမ်ထောင်ရှိသူများအတွက် အခက်အခဲပိုမိုကြုံတွေ့နေရသည်ဟု အထက်ပါ စာရင်းစစ်က ပြောသည်။


အစိုးရဝန်းထမ်းများအတွက် ကြိုပို့ယာဉ် နေစရာအဆောင်များ စီစဉ်ပေးထားသော်လည်း ရရှိသည့်လစာဖြင့် အောက်ခြေဝန်းထမ်းများအတွက် ဘယ်လိုပင် မလောက်ငှနိုင်သလို မိသားစုဆီကိုလည်း ငွေမပို့ပေးနိုင်ကြောင်း ၄င်းက ပြောသည်။

တက္ကသိုလ်ဝင်တန်း ဖြေဆိုထားသည့် ကျောင်းသူ/သားများ ကျပ်ငွေတစ်သိန်းပေးခြင်းဖြင့် အောင်၊ ရှုံး သိနိုင်

Thu 01 Apr 2010, ဂျူရီချိုင်း
၂၀၀၉-၂၀၁၀ တက္ကသိုလ်ဝင်တန်းစာမေးပွဲ ဖြေဆိုထားသည့် ကျောင်းသူ/သားများ အောင်စာရင်းမထွက်ခင် အောင်၊ ရှုံး သိလိုပါက ကျပ်ငွေတစ်သိန်းပေးခြင်းဖြင့် သိနိုင်သည်။

“အခုကျောင်းသားတွေ ဖြေဆိုထားတဲ့ တက္ကသိုလ်ဝင်တန်းစားမေးပွဲကို အောင်ချင်တယ်ဆိုလို့ရှိရင် ဆရာမကို တစ်သိန်းပေးပြီးတော့ ဆရာမမှာ အဆက်အသွယ်ရှိတယ် အောင်ဖို့လုပ်ပေးမယ်” ဟု အထက်တန်းပြဆရာမတစ်ဦး၏ ပြောကြားချက်ကို ကိုးကားပြီး မုဒုံမြို့ခံ ကျောင်းသားမိဘတစ်ဦးက ပြောသည်။

မုဒုံမြို့ပေါ်တွင် ကျောင်းသူ/သားများ စာမေးပွဲဖြေဆိုပြီးချိန်တွင် အောင်နိုင်သည်ဟု ခန့်မှန်းထားသည့် ကျောင်းသူ/သားများမှလွဲပြီး၊ မအောင်နိုင်ဘူး၊ အရည်အချင်းညံ့သည့် ကျောင်းသူ/သားများကိုသာ ရွေးချယ်ပြီး၊ ဆရာ/ဆရာမကိုယ်တိုင် အိမ်တိုင်ရာရောက် စာမေးပွဲအောင်လိုပါက တစ်ယောက် တစ်သိန်းနှုန်းဖြင့် ၄င်းတို့အား ပေးနိုင်လျှင် စာမေးပွဲအောင်ရန် လုပ်ပေးမည်ဟု မုဒုံမြို့ပေါ်ရှိ ကျောင်းသူ မိဘတစ်ဦးက ပြောသည်။

ယခုကဲ့သို့ ငွေတစ်သိန်းအကုန်ကျခံပြီး၊ အောင်စာရင်းမထွက်ခင် အောင်၊ ရှုံး သိနိုင်သည်ဆိုတာကို အမှန်တကယ်ပင်ဖြစ်တယ်၊ မယုံမရှိနဲ့ဆိုပြီး၊ ၎င်းအထက်တန်းပြ ဆရာမက ပြောသည်။

ယမန်နှစ်က အဆောင်နေကျောင်းသူတစ်ဦးကလည်း ၎င်း၏ မိဘထံသို့ ဆရာမကိုယ်တိုင်လာပြီး တက္ကသိုလ်ဝင်တန်းစာမေးပွဲ အောင်စေလိုပါက ငွေပေးနိုင်လျှင် အောင်ပေးလို့ရသည်ဟု ဆရာမတစ်ဦးက ပြောသည်။ ထိုကျောင်းသား၏ မိဘကလည်း ငွေပေးပြီးမှအောင်ရတာကို မလိုလားသဖြင့် ထိုဆရာမတောင်းသည့်ငွေကို မပေးလိုက်ရသည်ဟု ၎င်းက ပြောသည်။

“ဆရာမက ကျနော့်ကိုပြောတာ ငွေသုံးသိန်းအကုန်ခံနိုင်ရင် စားမေးပွဲအောင်ဖို့ လုပ်ပေးမယ်တဲ့၊ ကျနော်လည်း ယုံပြီးပေးလိုက်တာပေါ့၊ အောင်စာရင်းထွက်တဲ့အချိန်မှာ အောင်စာရင်းသွားကြည့်တာ ကျနော့်နာမည်မပါခဲ့ဘူး၊ ရှုံးတာပဲ ပေးထားတဲ့ ပိုက်ဆံလည်းပြန်မရဘူး၊ အလိမ်ခံလိုက်ရတယ်လို့ သတ်မှတ်လိုက်ရတာပေါ့” ဟု မုဒုံမြို့မှ့ ကျောင်းသူတစ်ဦးက ပြောသည်။

ထိုကဲ့သို့ ဆရာ/ဆရာမတို့မှ ငွေကြေးပေးနိုင်လျှင် စာမေးပွဲအောင်နိုင်သည်ဟု ကျောင်းသားမိဘများထံ ငွေကြေး သိန်းချီတောင်းခံထားပြီး၊ အောင်စာရင်းထွက်လာမှ ရှုံးသည်ဆိုသည့် ကျောင်းသူ/သား အများအပြားရှိကြောင်း ၄င်းက ဆက်ပြောသည်။

ယခုနောက်ပိုင်း ကျောင်းသားမိဘများက ထိုကဲ့သို့ အလိမ်ခံမျိုး မကြာခဏဖြစ်ပေါ်နေခြင်းကြောင့် မိမိတို့၏ သားသမီးများအတွက် ငွေကြေအကုန်ကျမခံတော့ပဲ တကယ့်အရည်အချင်းစစ်နှင့်သာ ဖြေဆိုအောင်နိုင်သည်သာ အကောင်းဆုံးဖြစ်သည်ဟု လက်ခံလာကြကြောင်း ၄င်းက ပြောသည်။