Wednesday, March 17, 2010

နွေရာသီမွန်စာပေ သင်ကြားရန် မွန်စာပေနှင့် ယဉ်ကျေးမှုအဖွဲ့တို့မှ တိုက်တွန်းနှိုးဆော်

Thu 11 Mar 2010, မင်းသုခ
မွန်ပြည်နယ်အတွင်းရှိ မုဒုံမြိုနယ်အပါအဝင် မြို့နယ်အများစုတို့မှ နွေရာသီမွန်စာသင်ကြားရန်အတွက် မွန်စာပေနှင့် ယဉ်ကျေးမှုအဖွဲ့တို့မှ မတ်လ ၃ ရက်နေ့ကစပြီး လိုက်လံတိုက်တွန်းနှိုးဆော်ထားသည်။

၎င်းအဖွဲ့တို့မှ မြို့ပေါ်တွင်သာမက ရွာတွေမှာလည်း တရွာဝင် တရွာထွက်ပြီး၊ ကားဖြင့် လိုက်လံနှိုးဆော်နေကြောင်း သိရသည်။

“နွေရာသီအချိန်မှာ မွန်စာသင်ဖို့ တစ်လလောက်ပဲ အချိန်ရတယ်၊ ဒီမတ်လ တစ်လပဲ ကောင်းကောင်းသင်ရတယ်၊ ဧပြီလမှာဆိုကျောင်းဆင်းပြီး၊ အားလုံးကို တပြိုင်နက်ထဲ ကျောင်းဆင်းရမယ်လို့ အစည်းအဝေးမှာ ဆုံဖြတ်ထားတယ်” ဟု မုဒုံမြို့နယ်၊ မွန်စာပေနှင့် ယဉ်ကျေးမှုကော်မတီမှ ဥက္ကဌဖြစ်သူက ပြောသည်။

တစ်နှစ်ထက်တစ်နှစ် ကျောင်းသား/သူတွေသာမက ကျောင်းသားမိဘများလည်း မွန်စာပေသင်ကြားရေးအပေါ် စိတ်ဝင်စားမှုရှိလာပြီး၊ မွန်စာပေနှင့် ယဉ်ကျေးမှုကော်မတီတို့ရဲ့ တိုက်တွန်းနှိုးဆော်မှုထိရောက်ခြင်းကြောင့် မွန်စာပေသင်ကြားမှုအပေါ် စိတ်ဝင်စားသူပိုများလာကြောင်း မုဒုံမှ မွန်စာပေနှင့် ယဉ်ကျေးမှုကော်မတီဝင် တစ်ဦးက ပြောသည်။

“နွေရာသီကျောင်းရဲ့တန်ဖိုးဟာ ကိုယ့်လူမျိုး၊ ကိုယ့်စာပေ၊ ကိုယ့်ယဉ်ကျေးမှုတိုးတက်ဖို့ အတွက် အထောက်အကူတစ်ခုလည်းဖြစ်တယ်၊ စာပေဟာ လူမျိုးရဲ့အနှစ်၊ စာပေတိုးတက် မှုရှိမှ လူမျိုးဘဝလှပမယ်၊ မွန်လူမျိုးတိုင်း မွန်ဖြစ်စေရမယ်၊ မွန်ဆိုလျှင် မွန်လူမျိုးအကျိုးစီပွားကို ဆောင်ရွက်ရမယ်၊ မွန်အချင်းချင်း ဒုက္ခရောက်တဲ့အခါမှာလည်း တစ်ယောက်နဲ့တစ်ယောက် ကူညီသင့်ကြောင်း၊ ပြီးတော့ ကိုယ့်လူမျိုး ကိုယ့်စာပေ ကိုယ့်ယဉ်ကျေးမူ ပျောက်သွားမှာဆိုးလို့ မြို့တိုင်း၊ နယ်တိုင်း ဒေသအလိုက် မွန်ရှိတဲ့နေရာတိုင်းမှာ နွေရာသီမွန်စာပေကျောင်းကို ဖွင့်လှစ်ကြတယ်” ဟု သံဃာတော်တပါးက မိန့်တော်မူသည်။

အချိန်တစ်လသာရရှိသည့် မွန်စာသင်ကြားရေးမှာ အတိတ်က မွန်လူမျိုးများ ကိုယ့်ဘုရင်နှင့် ကိုယ့်ထီး ကိုယ့်နန်းဖြင့် အုပ်ချူပ်လာခဲ့တာ၊ မွန်လူမျိုးများ ထီးပျောက် နန်းပျောက်ဘဝရောက်ခဲ့ရတာစသည့် အတိတ်ကသမိုင်းအကြောင်းအပါအဝင်၊ ယခုလက်ရှိမှာလည်း မွန်လူမျိုးတရပ်လုံး ဘယ်လိုလှုပ်ရှားနေတာကိုလည်း အသေးစိတ် နှိုင်းယှဉ်ပြီး၊ မွန်ကျောင်းသား/သူတွေကို သင်ကြားပို့ချက်မှာ အဓိက အရေးပါသည့် အချက်တစ်ချက်လည်းဖြစ်သည်။

မွန်လူမျိုးများအကြား နွေရာသီမွန်စာပေသင်ကြားမှုဖြစ်မြောက်လာရေးအတွက် ကရင်ပြည်နယ်၊ ကော့ကရိတ်မြို့နယ်၊ ကော့ဗိန်ကျေးရွာရှိ မဟာဝိဟာရ စာသင်တိုက်မှာ နယ်ပေါင်းစုံမှ သံဃာတော်များအပါဝင် မွန်လူမျိုးတချို့တို့ စုပေါင်းပြီး၊ နွေရာသီမွန်စာသင်ကြားရေး အစီအစဉ်ကို စတင်ချမှတ်ခဲ့သည်။

ထိုကဲ့သို့ နွေရာသီမွန်စာပေသင်ကြားရေးကို မွန်ပြည်နယ်အတွင်းသာမက ရန်ကုန်မြို့နယ်အတွင်းမှာလည်း ယမန်နှစ်မှစကာ မွန်စာပေနှင့် ယဉ်ကျေးမှုကော်မတီ (ရန်ကုန်) မှ ဦးဆောင်ပြီး ရန်ကုန်တိုင်းအတွင်းရှိ မြို့နယ် (၇) မြို့နယ်တို့မှာလည်း နွေရာသီမွန်စာပေသင်တန်းကိုစတင်ခဲ့သည်။

0 comments:

Post a Comment