Wed 24 Mar 2010, လရီထော
ကရင်ပြည်နယ်၊ ပြည်တွင်းအိုးအိမ်မဲ့ဒုက္ခသည်ဧရိယာအတွင်းရှိ တဒိင်ကျေးရွာမှာ ယနေ့နေ့လည်အချိန်က မီးလောင်ကျွမ်းမှုတခုဖြစ်ပွားပြီး၊ အိမ်သုံးလုံး လောင်ကျွမ်းသွားကြောင်း သိရသည်။
ယနေ့ နေ့လည် ၁၁ နာရီ ၄၅ မိနစ်မှ စတင်လောင်ကျွမ်းသည့်ထိုမီးသည် ညနေ ၂ နာရီ ၁၅ မိနစ်မှ အနီးအနားတဝိုက်ရှိ ဒေသခံတို့က မီးငြိမ်းသတ်နိုင်ခဲ့သည်။
မီးလောင်ကျွမ်းရာတွင် ပါဝင်သွားသည့် ထိုအိမ်သုံးလုံးမှာ နိုင်ညာဏ်သိန်း၊ နိုင်စန်းတင်နှင့် နိုင်ဖဒုတို့ မိသားစုအိမ်ဖြစ်ပြီး၊ ဆန်၊ စပါးအပါအဝင် အိမ်ရှိ အသုံးအဆောင်ပစ္စည်းများ လောင်ကျွမ်းသွားကာ စုစုပေါင်းတန်ဖိုး မည်မျှလောင်ကျွမ်းသွားသည်ကို မှန်းဆရန်ခက်ခဲနေဆဲဖြစ်သည်။
ထိုမီးလောင်ကျွမ်းမှုကြောင့် အိုးမဲ့ အိမ်မဲ့ဖြစ်သွားသည့် မီသားစုသုံးစုကို လက်ရှိအခြေအနေအရ နေထိုင်ဖို့ရန် အခက်အခဲဖြစ်နေကြသည်။
အိမ်သုံးလုံးဆုံးရှုံးသွားသည့် ထိုမီးလောင်ကျွမ်းမှုသည် မည်သည့်အိမ်မှ မည်သည့်မီးဖြင့် စတင်လောင်ကျွမ်းသည်ကိုလည်း စုံစမ်းနေဆဲဖြစ်သည်။
ထိုဒေသတဝိုက်ရှိ ပြည်တွင်းအိုးအိမ်မဲ့ဒုက္ခသည်များသည် ထိုင်း-မြန်မာနယ်စပ်ရှိ မွန်ကယ်ဆယ်ရေးနှင့် ဖွံ့ရေးအဖွဲ့တို့မှ အကူအညီစောင့်ရှောက်မှု ရရှိနေကြသည်။
Thursday, March 25, 2010
Subscribe to:
Post Comments (Atom)
0 comments:
Post a Comment