Wed 24 Mar 2010, ပနွတ်ကျား
ပြည်တွင်းရှိ ပြည်နယ်နှင့် တိုင်းဒေသအသီးသီးရှိ လိုင်စင်မဲ့ဆိုင်ကယ်များကို ၁၇ယ/ လိုင်စင်သစ် ပြုလုပ်ပေးနေသော်လည်း ထိုလိုင်စင်ကို ပြုလုပ်ရန် စိတ်ဝင်စာသူ မရှိသလောက်နည်းပါးနေသည်။
လိုင်စင်ပြုထုတ်ပေးသည့် ကညနရုံးမှာ တစ်ရက်လျှင် လိုင်စင်ပြုလုပ်သူ ပျမ်းမျှ ၅/၆ ဦးသာ ရှိသည်ဟု လိုင်စင်ကိုယ်တိုင် သွားရောက်ပြုလုပ်ခဲ့သူ မော်လမြိုင်ဒေသခံ တစ်ဦးက ပြောသည်။
ယခုလို ၁၇ယ/ ဆိုင်ကယ်လိုင်စင် ပြုလုပ်သူနည်းပါးနေခြင်းသည် လိုင်စင်ပြုလုပ်ခ အဆမတန်မြင့်နေခြင်းကြောင့်ဖြစ်သည်ဟု မော်လမြိုင်မြိုရှိ ဆိုင်ကယ်အရောင်းအဝယ်လုပ်ကိုင်နေသူတစ်ဦးက ပြောသည်။
“လိုင်စင်ပြုလုပ်ခ မြင့်နေရတာဟာ ထိုင်းဘတ်ငွေ အတက်အကျပေါ် မူတည်နေပါတယ်၊ ဘတ်ငွေတက်ရင် တက်သလို လိုင်စင်လုပ်ပေးတဲ့နေရာမှာလည်း ရာခိုင်နှုန်းရဲ့ နှုန်းထားအပေါ် တွက်ချက်ပြီး လိုင်စင်ခလဲ လိုက်တက်နေတာ” ဟု အထက်ပါ ဆိုင်ကယ်အရောင်းအဝယ်ပြုလုပ်သူက ဆိုသည်။
ယခုလက်ရှိဆိုင်ကယ်တစ်စီ၏ ပေါက်ဈေးနှင့် တွက်ချက်လိုက်လျှင် လိုင်စင်လုပ်ခသည် ၆ သိန်းခွဲကျော် ရှိနေသည်ဟု သူက ဆက်ပြောသည်။
ထို ၁၇ယ/ လိုင်စင်လုပ်ပြီး တရားဝင်ဆိုင်ကယ်ဖြစ်သည်ဟုဆိုသော်လည်း ဓါတ်ဆီရမည် မဟုတ်သလို ရောင်းဈေးလည်းကျမည်ဖြစ်သည်။ Model အသစ်ထွက်တိုင်း လဲစီးနေသူများအတွက် သူတို့အနေနှင့် လိုင်စင်မဲ့ကိုသာ ဝယ်စီးကြမည်ဖြစ်ပြီး အရောင်းအဝယ်မှာလည်း ဆုံးရှုံးမှု နည်းပါးမည်ဖြစ်သည်။
“လိုင်စင်မဲ့တွေက ဝယ်စီးရတာတန်တယ် တကယ်လို့ ကိုယ်က မကြိုက်တော့ဘူး Model လဲ အောက်နေပြီးဆိုရင် ရောင်းရင် သိပ်လည်း မရှုံးဘူး ငွေနည်းနည်းထပ်ဆိုက်ထည့်ပြီး Model မြင့်တာကို လှမ်းဝယ် နိုင်သေးတယ်၊ လိုင်စင်လုပ်ထားတဲ့ မော်တော်ဆိုင်ကယ်အများစုက ဈေးကျတာက များတယ်၊ ဘာဖြစ်လို့လဲဆိုတော့ ဆိုင်ကယ်ရော Model လည်းဟောင်းနေပီး အများစုက Model မြင့်တဲ့ဆိုင်ကယ်တွေပဲ အပြိုင်အဆိုင်ဝယ်စီးနေကျတာ” ဟု မော်လမြိုင်မြို့ရှိ Model လိုက်ပြီး ဆိုင်ကယ်ဝယ်စီးနေသူတစ်ဦးက ရှင်းပြသွားသည်။
လိုင်စင်မဲ့မော်တော်ဆိုင်ကယ်များကို မွန်ပြည်နယ်အတွင်း သွားလာမောင်းနှင်ခွင့်ရှိသော်လည်း အခမသင့်လျှင် ယဉ်ထိန်း (မော်တော်ပီကယ်) များနှင့် လမ်းပြတ် လမ်းဆုံတွေမှာ တွေ့မိလျှင် စစ်ဆေးမှုခံရပြီး၊ ဒဏ်ကြေးပုံစံဖြင့် ငွေအဆမတန်း တောင်းခံခြင်းခံရမည် ဖြစ်သည်။
လိုင်စင်မဲ့ မော်တော်ဆိုင်ကယ်များကို တက္ကသိုလ်ဝင်းတန်း စာမေးပွဲဖြေအပြီး၊ သင်္ကြန်ရက်အလွန်မှာ အပြီးသတ် စတင်ဖမ်းဆီးရန် ရှိမည်ဟု အဖမ်းအဆီးအဖွဲ့မှ တာဝန်ရှိသူနှင့် နီးစပ်သူတစ်ဦးက ပြောသည်။
၁၇ယ/ လိုင်စင်သည် နေပြည်တော်နှင့် ရန်ကုန်မြို့တို့အပြင် မြန်မာပြည်အနှံ့ မောင်းနှင်ခွင့်ရှိသည်ဟု (ဗွီတက်) လိုင်စင်စာအုပ်ပါ မှတ်ချက်မှာ ဖော်ပြထားသည်။ ယခင်က ပြုလုပ်ပေးခဲ့ဖူးသည့် မလမ/ လိုင်စင်သည် မွန်ပြည်နယ်အတွင်း၌သာ မောင်နှင်ခွင့်ရှိသည်။
ထို ၁၇ယ/ လိုင်စင်ကို မော်လမြိုင်မြို့ တောင်ပေါ်တန်းလမ်းနံဘေးရှိ ကန်သုံးကန်အဆောက်အဦးတွင် ပြုလုပ်ပေးနေပြီး၊ မလမလိုင်စင် ပြုလုပ်တုန်းကလောက် လူစည်ကားမှု မရှိဟုလည်း ဒေသခံတို့က ပြောသည်။
Thursday, March 25, 2010
Subscribe to:
Post Comments (Atom)
0 comments:
Post a Comment