Wednesday, March 17, 2010

ပြည်တွင်းကားဈေးကွက် ဆက်လက်ကျဆင်းမည်

Tue 16 Mar 2010, ကွန်းချမ်း
မြန်မာနိုင်ငံ ပြည်တွင်းကားဈေးကွက်သည် ပုဂ္ဂလိကလုပ်ငန်းရှင်အချို့ကို မော်တော်ယာဉ် တင်သွင်းခွင့်ပြုလိုက်ခြင်း၊ မော်တော်ယာဉ်ဈေးကွက်တွင် အစိုးရကားလေလံပွဲများဆက်တိုက် ကျင်းပနေခြင်းတို့ကြောင့် မော်တော်ယဉ်ဈေးနှုန်းများလည်း တရိပ်ရိပ်ကျဆင်းနေသည်။

ယခင်က မော်တော်ယာဉ်တင်သွင်းခွင့်ကို နိုင်ငံခြားမှာ တရားဝင်အလုပ်လုပ်နေကြသူများ၊ သဘောင်္သားများ၊ ပညာတော်သင်များ၊ သွင်းကုန် ထုတ်ကုန်လုပ်ငန်းရှင်များနှင့် ဦးပိုင်များမှ တင်သွင်းခွင့်ရရှိထားခဲ့သည်။ အခုနောက်ပိုင်းမှာ ပြည်တွင်းပုဂ္ဂလိကကုမ္ပဏီများပါ တင်သွင်းခွင့် ပြုလာတာကြောင့် ဈေးနှုန်းများဆက်လက်ကျဆင်းနေခြင်းဖြစ်သည်။

ကမ္ဘာ့စီးပွားရေးကျဆင်းလာပြီးနောက်ပိုင်း ကျဆင်းလာသည့် ပြည်တွင်းကားဈေးကွက်မှာ ၂၀၀၉ ခုနှစ် နှစ်ကုန်ပိုင်းမှ အစိုးရလေလံတင်ကားများကြောင့် ဈေးနှုန်းပိုမိုကျဆင်းလာခဲ့သည်။ ယခု ၂၀၁၀ ခုနှစ် နှစ်ဆန်းပိုင်းမှစပြီး ပုဂ္ဂလိကလုပ်ငန်းရှင်များ မော်တော်ယာဉ်တင်သွင်းခွင့် ပြုလာတာကြောင့် ကားဈေးကွက်မှာ အရောင်းအဝယ်အေးလျှက်ရှိသည်။ ဒီ့ထက်ဈေးနှုန်း ပိုမိုကျဆင်းလာလိမ့်မည်ဟု မျှော်မှန်းနေကြသည့်အတွက် ဝယ်ယူသူများ ဝယ်ယူဖို့ရန် မဝံ့မရဲ ဖြစ်နေကြကြောင်းသိရသည်။

“ဟိုတုန်းက ကျနော်သွားနေကြ ဟံသာဝတီအဝိုင်းကားပွဲတန်းဆိုရင် မနက် ၈ နာရီလောက်ကစပြီး၊ ရောင်းသူကော ဝယ်သူပါ စည်စည်ကားကား အမြဲတမ်းရှိတယ်။ အခုနောက်ပိုင်း အရောင်းအဝယ်သိပ်ပါးတော့ ကျနော်တို့လို တစ်သီးပုဂ္ဂလအရောင်းအဝယ် အကျိုးတော်ဆောင်တွေတောင် အလာနည်းသွားတာတွေ့ရပါတယ်။ အရောင်းအဝယ်ဖြစ်သွားတဲ့ကားတွေဆိုလည်း ဆိုဈေးနဲ့ ဝယ်ဖြစ်တဲ့ဈေးက မော်တော်ယာဉ်အမျိုးအစားအလိုက်ကို သိန်း ၃၀၊ ၄၀ လောက် ကွာနေတာတွေ့ရပါတယ်” ဟု ရန်ကုန်မှ ကားအရောင်းအဝယ်အကျိုးတော်ဆောင်တစ်ဦးထံမှ သိရသည်။

ယခုလိုမျိုး ကားဈေးကွက် အရောင်းအဝယ်မဖြစ်မှုကြောင့် မော်တော်ယာဉ်အရောင်းအဝယ်လုပ်နေကြသည့် အကျိုးတော်ဆောင်လုပ်ငန်းတွေမှာလည်း ထိခိုက်မှုရှိနေတယ်လို့ ၄င်းက ဆက်ပြောသည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မော်တော်ယာဉ်တင်သွင်းခွင့်ဌာန၏ တရားဝင်သတင်းထုတ်ပြန်ချက်အရ ၄င်းတို့သတ်မှတ်ထားသည့် ၂၀၀၂ ခုနှစ်နှင့်အထက် မော်ဒယ်ရှိ ခရီးသည်တင်ယာဉ်များ၊ ကုန်တင်ယာဉ်များကို နိုင်ငံခြားဝင်ငွေရှိသူ အခွန်ကင်းရှင်းသူတိုင်း ခွင့်ပြုချက်ရယူစရာမလိုပဲ တင်သွင်းခွင့် ပြုလိုက်သည့်နောက်ပိုင်း ကားဈေးကွက်များ ပိုမိုသိသာစွာ ကျဆင်းလာပါသည်။

အစိုးရလေလံကားများကြောင့် ကားဈေးကျလာသည့် အဓိကအကြောင်းအရာတခုပါ၊ ဘာလို့လည်းဆိုတော့ မော်ဒယ်နိမ့်လေလံတင်တဲ့ ကားတွေကိုဈေးပေါပေါနဲ့ ဝယ်ယူပြီး အတွင်းပိုင်းပစ္စည်းတွေကို နောက်ဆုံးပေါ် မော်ဒယ်ပစ္စည်းတွေလဲတပ်ကြတယ်၊ တချို့ဆိုရင် နယ်စပ်ကတင်သွင်းလာတဲ့ ယာဉ်တစီးလုံးနဲ့ပါ အလဲအလှယ်တွေ ပြုကြတာ ကြားရတယ်၊ ပြီးတော့ တရားဝင်ပိုင်ဆိုင်ခွင့် ရလာတဲ့ ရောစပ်မော်ဒယ်ပါဝင်တဲ့ အဲဒီယာဉ်တွေကို ဈေးကောင်းကောင်းနဲ့ ပြန်ရောင်းတာတွေ လုပ်တတ်ကြတယ်” ဟု မြန်မာနိုင်ငံ ဆန်ကုန်သည်များအသင်း၊ ရန်ကုန်မှ ဒုတိယ ဥက္ကဌက ပြောသည်။

အစိုးရလေလံတွေ ရပ်သွားရင်တောင် ကားဈေးတက်လာဖို့က သိပ်မသေချာပါဘူး၊ ဘာလို့လည်းဆိုတော့ တင်သွင်းခွင့်ရ ပုဂ္ဂလိကလုပ်ငန်းရှင်တွေလည်း ယာဉ်တွေတင်သွင်းလာတော့မယ့်အနေအထားရှိနေတော့ ကားဈေးကဆက်လက်ကျနေမှာပဲဟု ၄င်းက ဆက်ပြောသည်။

လက်ရှိအနေအထားမှာ ကားဈေးနှုန်း ဆက်လက်ကျဆင်းနေရာမှ ဈေးနှုန်းအနည်းငယ်ဦးမော့လာပေမယ့် ယခုလိုဖြစ်တာဟာ အခိုက်အတန့်ပင် ဖြစ်သည်ဟု တပိုင်တနိုင်အရောင်းအဝယ်ပြုနေသူ တဦးကပြောသွားပါသည်။

“ခါတိုင်းနှစ်မှာ ဒီအတိုင်းပါပဲ ကျောင်းပိတ်ရက် ခရီးရှည်ထွက်ကြလေ့ရှိတဲ့ အခုလိုရာသီမျိုးမှာ၊ သင်္ကြန်နီးလာတဲ့အချိန်တွေမှာ ကားဈေးတွေတက်ပြီး၊ အဝယ်လိုက်တတ်ပါတယ်။ ခါတိုင်းနှစ်တွေက ဒီ့ထက်ကို ရာခိုင်နှုန်းအားဖြင့် ဈေးပိုတက်တာ၊ အခုယာယီ ဈေးတက်တာက အစိုးရလေလံကားတွေရပ်ဆိုင်းသွားလို့ ဈေးတက်လာတာဖြစ်နိုင်တယ်၊ ဒါပေမယ့် အတိုင်းအတာအားဖြင့် နည်းနေပါသေးတယ်။ ဈေးတွေ ဆက်လက်တက်လာပြီး အဝယ်လိုက်လာမယ်ဆိုရင်လည်း ကားတင်သွင်းခွင့်ရထားတဲ့ ကုမဏီတွေက ကားမျိုးစုံ တင်သွင်းလာမှတော့ ဒီ့ထက်ဈေးတက်လာနိုင်စရာတော့ အကြောင်းမရှိနိုင်ပါဘူး” ဟု ၄င်းက ဆက်ပြောသည်။

မကြာခင်ရက်အနည်းအငယ်ကလည်း မော်ဒယ်နိမ့်ကားများကို မြို့တွင်းမောင်းနှင်ခွင့် ပိတ်ပင်တော့မည်ဆိုသည့်သတင်း ထွက်ပေါ်လာခြင်းကြောင့်လည်း မော်ဒယ်နိမ့်ကားများ ဈေးဆက်တိုက်ကျဆင်းနေခဲ့သည်ဟု ၄င်းက ဆက်ပြောသည်။

နိုင်ငံသားကုမဏီတွေကို မော်တော်ယာဉ်တင်သွင်းခွင့်ပြုလိုက်ခြင်းအားဖြင့် ပြည်တွင်း မော်တော်ယာဉ်ရောင်းအားပြိုင်ဆိုင်မှုများကြောင့် ဈေးနှုန်းများဆက်လက်ကျနိုင်သလို မော်ဒယ်မြင့်ကားများလည်း အရေအတွက်များများ ဝင်လာလိမ့်မည်ဟု မျှော်လင့်နေကြသည်။ သို့သော် ယာဉ်တန်ဖိုးထက် ၁၀ ဆ ၁၅ ဆမြင့်သည့် လိုင်စင်ကြေးအတိုင်းဆိုလျှင် ကားဈေးနှုန်းကျလာခဲ့လျှင်လည်း လူတန်းစားပေါင်းစုံ ယာဉ်ပိုင်ဆိုင်နိုင်သည့် အနေအထား မရှိနိုင်ကြောင်း ယူဆရသည်။

0 comments:

Post a Comment