Wed 17 Mar 2010, လွတ်လပ်သောမွန်သတင်းအေဂျင်စီ
မွန်ပြည်သစ်ပါတီမှ ထိပ်ပိုင်းအရာရှိခေါင်းဆောင်များနှင့် အရှေ့တောင်တိုင်းစစ်ဌာနချုပ် တိုင်းမှူး ဗိုလ်ချုပ်သက်နိုင်ဝင်းတို့ ယနေ့တွင် တွေ့ဆုံဆွေးနွေးခဲ့ကြသည်။
“ဒီနေ့မှာတော့ အရှေ့တောင်တိုင်း တိုင်းမှူးနဲ့ မော်လမြိုင်မှာရှိနေကြတဲ့ တာဝန်ခံတွေ တွေ့ဆုံကြတယ်ဆိုတာ ဟုတ်တယ်၊ ဒါပေမယ့် သူတို့တွေ ဘာအကြောင်းဆွေးနွေးမယ်ဆိုတာတော့ အတိအကျမသိသေးဘူး” ဟု မွန်ပြည်သစ်ပါတီအသိုင်းအဝိုင်းနှင့် နီးစပ်သူတစ်ဦးက ပြောသည်။
ယနေ့နံနက်ပိုင်း တွေ့ဆုံမည့်သူများတွင် မွန်ပြည်သစ်ပါတီမှ ဒုဥက္ကဌ နိုင်ရဿ၊ ဗိုလ်ချုပ်နိုင်ဇေယျ၊ မော်လမြိုင်မြို့ရှိ ပါတီတာဝန်ခံများမွန်ပြည်သစ်ပါတီခေါင်းဆောင်များနှင့် တိုင်းမှူး ဗိုလ်ချုပ်သက်နိုင်ဝင်းတို့ ပါဝင်သည်။
သို့သော် ယခုတွေ့ဆုံဆွေးနွေးမှုမှာ မြန်မာစစ်အစိုးရဘက်မှ မည်သည့်အကြောင်း ဆွေးနွေးမည်ကို မသိရှိရသေးဘဲ လာမည့် ၂၀၁၀ ရွေးကောက်ပွဲအကြောင်းဆွေးနွေးနိုင်သည်ဟု နိုင်ငံရေး လေ့လာသူတို့က ဝေဖန်သုံးသပ်နေကြသည်။
မတ်လ ၁၆ ရက်နေ့မှစပြီး မွန်ပြည်သစ်ပါတီ ဗဟိုကော်မတီဝင်များ အစည်းအဝေးတရပ်ကျင်းပနေပြီး၊ ထိုအစည်အဝေးတွင် ၂၀၁၀ ရွေးကောက်ပွဲနှင့် ပတ်သက်သည့်များကိုလည်း အဓိက အကြောင်းအရာတခုအနေဖြင့် ဆွေးနွေးမည်ဖြစ်သည်။
၂၀၀၉ ဇွန်လ ၇ ရက်နေ့တွင် မွန်ပြည်သစ်ပါတီခေါင်းဆောင်တချို့နှင့် နအဖခေါင်းဆောင်တချို့တို့သည် အရှေ့တောင်တိုင်းစစ်ဌာနချုပ်တွင် တိုင်းမှူးဗိုလ်ချုပ်သက်နိုင်ဝင်းနှင့် ဒုတိယအကြိမ် တွေ့ဆုံဆွေးနွေးခဲ့ကြသည်။ ၂၀၀၉ မတ်လတွင် ပထမအကြိမ်အဖြစ် တွေ့ဆုံခဲ့ကြသည်။
ပြီးခဲ့သည့် တွေ့ဆုံဆွေးနွေးပွဲများတွင် မြန်မာစစ်အစိုရဘက်မှ မွန်ပြည်သစ်ပါတီအပေါ် ဖိအားပေးမှုမျိုး တစုံတရာ ဆွေးနွေးခဲ့ခြင်းမရှိဘဲ မွန်ပြည်သစ်ပါတီအပေါ်ကမ်းလှမ်းထားသည့် နယ်ခြားစောင့်တပ်ပြောင်းလဲရေးကို ဆွေးနွေးဖြစ်ခဲ့ကြသည်။
တွေ့ဆုံခဲ့သည့် နှစ်ကြိမ်တိုင်းတွင် မွန်ပြည်သစ်ပါတီမှ ဥက္ကဌ နိုင်ထောမွန်အပါအဝင် မော်လမြိုင်မြို့တာဝန်ခံ ဗဟိုအလုပ်အမှုဆောင်ကော်မတီ နိုင်တလညီ၊ ဗဟိုအလုပ်အမှုဆောင်ကော်မတီ နိုင်ထာဝရ၊ တွဲဖက်အတွင်းရေးမှူး နိုင်ချမ်းတွဲ့နှင့် ဗိုလ်ချုပ် နိုင်ဇေယျတို့ပါဝင်ကြသည်။
Wednesday, March 17, 2010
Subscribe to:
Post Comments (Atom)
0 comments:
Post a Comment