လွတ်လပ်သောမွန်သတင်းအေဂျင်စီ
မေ ၁၇၊ ၂၀၁၀
မြန်မာနိုင်ငံတောင်ပိုင်း၊ ရေးမြို့နယ်၊ ခေါ်ဇာမြို့ပေါ်ရှိ ရပ်ကွက်ဥက္ကဌတို့မှ ပြည်သူ့စစ်အတွက် ငွေကြေးတောင်းခံရန် မေလ ၁၄ ရက်နေ့က ဒေသခံများကို အစည်းအဝေးခေါ်ယူသည်။
ခေါ်ဇာမြို့ပေါ်တွင် ပြည်သူ့စစ် ၁၀ ယောက်ထားမည်ဖြစ်ပြီး၊ ထိုသူတို့အတွက် လက်နက်ဝယ်ရန် တစ်အိမ်လျှင် ငွေကျပ် ၅ သောင်း ပေးဆောင်ရမည်ဖြစ်သည်။ ထို ၁၀ ယောက်အတွက် လစဉ်စရိတ်ကြေးကိုလည်း တစ်အိမ် ၃ ထောင်စနစ်ဖြင့်
လတိုင်းကောက်ခံသွားမည်ဟု အစည်းအဝေးမှာ ပြောသည်။
“ကျမတို့ ခေါ်ဇာမှာဆို ရပ်ကွက် ၂ ခုရှိတယ်၊ အဲဒီရပ်ကွက် ၂ ခုက ဥက္ကဌကနေ ပြောတာ အစည်းအဝေးမှာပေါ့ သူတို့ပြောတာက ခလရ ၃၁ က ညွှန်ကြားတယ်လို့ပြောတာ၊ အိမ်တိုင်းပေးရမယ်” ဟု အစည်းအဝေးတက်ရောက်ခဲ့သူ ခေါ်ဇာမြို့ခံတစ်ဦးက ပြောသည်။
မြို့ခံအများစုမှာ ပြည်သူ့စစ်ဝင်လုပ်ရန် ဆန္ဒမရှိကြခြင်းကြောင်း ရပ်ကွက်လူကြီးတို့မှ အနယ်နယ်အရပ်ရပ်မှ လာရောက်လုပ်ကိုင်စားသောက်နေသူတို့ကို ပြည်သူ့စစ်လုပ်ရန် ငှားရန်းမည်ဖြစ်သည်။ ထိုအတွက် ကုန်ကျစရိတ်အားလုံးကို
ဒေသခံတို့မှ ပေးဆောင်ရမည်ဖြစ်ကြောင်းကို ၄င်းက ပြောသည်။
ခေါ်ဇာမြို့သည် စုစုပေါင်း အိမ်ခြေ ၇၀၀ ကျော်ရှိပြီး၊ ရပ်ကွက် ၁ နှင့် ရပ်ကွက် ၂ ဆိုပြီး ခွဲခြားထားသည်။ ရပ်ကွက် ၁ တွင် ဥက္ကဌ နိုင်လှထိန်အုပ်ချုပ်နေပြီး၊ ရပ်ကွက် ၂ မှာ ဥက္ကဌ နိုင်မြင့်အေး ဦးစီးအုပ်ချုပ်နေသည်။
ပြည်သူ့စစ်များ လုံခြုံရေးချထားရန်အတွက် ရပ်ကွက် ၂ ခုရှိ မယကရုံးမှာတွေမှာ မြို့ခံတို့မှ တနေ့ လူ ၆ ယောက်မှ ၁၀ ယောက်ထိ သဲဆောက်၊ တွင်းတူး၊ ခြံစည်းရိုးကာအစရှိသည်တို့ကို လုပ်အားပေးနေရသည်။
ယခုလို ပြည်သူ့စစ်ထားရှိရန်နှင့် မယကရုံးတွေမှာ လုံခြုံရေးထားတာဟာ လက်နက်ကိုင်အဖွဲ့အစည်းတွေကို ကာကွယ်ဖို့ ဒေသခံတွေအတွက် လုံခြုံမှုရှိဖို့ လုပ်နေတာပါ အဓိကက ပြည်သူတွေအတွက်ပဲဟု အစည်းအဝေးမှာ ရပ်ကွက်ဥက္ကဌတို့က ပြောသည်။
Tuesday, May 18, 2010
Subscribe to:
Post Comments (Atom)
0 comments:
Post a Comment